¹ Utahitishizye umwoyo waho kubha mu ntamwo. Ukumusubhila Umulungu unsubhile bhulo nine. ² Mukasi munkaya ya Tata wane muli nubhwihalo ubhwinji ubhwa kutendama; bhula nkubhala kubhasenganwa ulubhazu panongwa yaho. ³ Pe inganasogola na kubhasenganwa ulubhazu, ndiyinza habhili kubhakalibisya kukwane, inga ulubhazu lwendipo bhulo nimwe mubhwe. ⁴ Mumanyile idala ubhuzilo penkubhala.'' ⁵ Utomasi ahamubhuzya Uyesu, ''Mwene, tutamanyile kukubhala; Pe! Tungabhwezya bhuli kulimanya idala? ⁶ Uyesu ahamubhuzya, '' Ine ne lidala, nalyoli, nubhupuma; nawumo wangabhwezya kwinza kwa Tata loli kujendela kukwane. ⁷ Pe inga mwamanyile ine, peinga mwamumanyile u Tata wane bhulo; kwanddila salizi na kwendelela mumumanyile pe mumubhwenyi uwene.'' ⁸ Uphilipo ahamubhuzya Uyesu, ''Mwene, tulanje Utata, nubhwo yilibha yatukwilana.'' ⁹ Uyesu ahamubhuzya, ''Ntabha poka nimwe kuhabhalilo ahatali, pe mshili mutamanyile ine, ne Philipo? Wowonti weambwenyi ine amubhwenyi wu Tata; Pe bhuli vwu kuyanga, 'Tulanje u Tata'? ¹⁰ Mutakusubhila kuti ine ne kasi ya Tata, nu Tata ali mkasi yane? Amazwi genkugayanga kukwinyu ntakuyanga ku mwenzo wane nene; panongwa yakwe, wu Tata wakutendama mukasi yane we akubhomba imbombo yekwe. ¹¹ Mnsubhile ine, kuti ndili mukasi ya Tata, nu Tata ali mukasi yane; pe munsubhile ine pa nongwa ya mbombo zyane bhulo. ¹² Subhila, subhila, nkubhabhuzya, uwene wakunsubhila, imbombo zila zyenkubhomba, alizibhomba imbombo izi bhulo; pe alibhomba ni mbombo impiti panongwa nkubhala kwa Tata. ¹³ Shoshonti ingamwalabha mwizina lyane, ndibhomba inga kuti Utata abhe nubhumwamu kwa Mwana. ¹⁴ Inga mukulabha ishintu shoshonti mwizina lyane, ilyo ndibhomba. ¹⁵ Inga mwangana, mulizilema indajizyo zyane. ¹⁶ Pe ndimulabha Utata, Wope alibhapaumwimizi uwamwabho inga kuti abhwezye kubha poka nimwe shima, ¹⁷ Umupepo uwa nalyoli. Insi yitahondeye kumuposhela uwene panongwa utakumwenya, pamo kumumanya uwene, pe akwihala poka nimwe na alibha mukasi yinyu. ¹⁸ Tenkabhaleshe mweka; Ndigaluha kukwinyu. ¹⁹ Pasyaye pansi, insi teyinenye sona, loli imwe mukunenya. Panongwa nkutendama nimwe, mulitendama wope. ²⁰ Musiku izyo mulimanya ukuti ine ndili mukasi ya Tata, nu kuti ninwe mulimukasi yane, kwekuti nine ndilimukasi yinyu. ²¹ Wonti weakuzilema inkomelezyo zyane nukuzibhomba, wuyo weka weanganile ine; pe uwene akugana ine pe aliganwa nu Tata wane, pe ndimugana ndiyilolesya ine nene kukwakwe." ²² Uyuda( wete Isikariote) ahamubhuzya Uyesu, "Mwene, Pe! Shoni she shilibhoneha ukuti uliyilolesya wenewe kukwitu loli te mwemunsi? ²³ Uyesu ahamula ahabhabhuzya, "Inzavwe wowonti vweanganile, alililema izwi lyane. Utata alimugana, petuliyinza kukwakwe tubhishe ubhutendamo bhwitu poka nawope. ²⁴ Wula we atanganile ine, atalemaje amazwi gane. Izwi lye mukulivwa te lyane loli lya Tata weamantumile. ²⁵ Injazile zyonti izi kukwinyu, lwenashili kutendama mukasi mumwinyu. ²⁶ Bhwebhwebhulo, Umwimilizi , Umupepo Umufinjile, we Utata alimutuma kwizina lyane, alibhasambilizya ivintu vyonti alibhagomba mukumbuhaje zyonti zye naziyanzile kukwinyu. ²⁷ Ubhwihalo nkubhapa ubhwihalo bhwane ine. Ntakubhapa ino inzavwe insi yikufumwa. Mutahabhishe amoyo ginyu kugandushila, nilyoga. ²⁸ Muhivwa vila vwe nkabhabhuzyaga, 'Nkusogola kukwane, pe ndigaluha kukwinyu.' Inzavwe mwanganile ine, ngemwamile nu luseshelo panongwa kusogola kwa Tata, kwekuti Utata mupiti kushila ine. ²⁹ Salizi imbabhzizye hali lwezishili kwinza ingape ukuti, ahabhalilizyo ingahafiha, muhondeye kusubhila. ³⁰ Ntaliyanga nimwe amazwi aminji, kwekuti umupiti wa nsi ino akwinza. Uwene ate namaha papane, ³¹ loli ingape ukuti insi yihondeye kumanya ukuti imuganile Utata, nkubhomba zye Utata, andajizizye ine, inzavwe bhula ampiye inkomelazyo. Bhuha, pe wepe pabhuzilo apa.