¹ Pe lishili lya chaka sha pasa, panongwa Yesu ahamanya ukuti ahabhalilo hakwe hafiha ahakuti ayepe munsi ingape asogole kwa tata, lwe abhaganile abhantu bhakwe bhebhali munsi, ahabhagana shima. ² Numunkwalanzi amabhishilwe hali mukasi mumoyo wa Yuda Isakariote, umwana wa Simoni, kumuhana Uyesu. ³ Uyesu ahamanya ukuti utata abhisile ivintu vwonti muyobhe zyakwa nu kuti afumile kwa Mulungu pe ahasogolaga habhili kwa Mulungu. Ahabhuha mushakulya peahatenga pansi ishizwlo shakwe isha kunzi. ⁴ Kufuma apo ahega ahenda ahayipinya wuyo weka. ⁵ Kufuma apo ahitila aminzi mupeseni peahanda kubhasukuzya pamo kubhozya ivinama abhasundikwa bhakwe nukubhapuputa na henda heamayipinyile wuyo weka. ⁶ Ahafiha kwa Simoni Peteri, nu Peteri ahamubhuzya, "Mwene, Ukwanza kunozya ivinama vwane?" ⁷ Uyesu ahamwamula nukumubhuzya, "Zyenkubhomba salizi utazimanyile, loli ulizimanya pilongolela." ⁸ Upeteri ahamubhuzya, "Te unozye ivinama vwane nalumo." Uyesu ahamwamula, "Penga ntakozya, teubhe nubhuzilo poka nine." ⁹ Simoni Peteri ahamubhuzya, "Mwene, utahanozye ivinama vwane bhwelele, loli ninyobhe ni twe lyane." ¹⁰ Uyesu ahamubhuzya, "Wonti wula weagazile atakwanza kugeza loli ivinama vwakwe, nape akubha muzelu ubhubhili wakwe wonti; imwe mwe bhazelu, loli te mwenti." ¹¹ Pekuti Uyesu ahamanya wula we alimuhana; ino ye nongwa ahayanga, te mwenti mwe bhazelu." ¹² Ahabhalilizyo Uyesu amamile abhozya ivina vwabho Pe lweayega ishizwalo shakwe peahatendama habhili, ahabhabhuzya, "Pe mwazimanyinsanya zilazye nabhabhombela? ¹³ Munkuntaha ine ne" Musambilizi" nu Mwene ino mukuyanga nalyoli, inzavwe zili bhwebhulo. ¹⁴ Penga ine Mwene ne Musambilizi, nabhagezya ivinama vwinyu, nimwe bhulo muhondeye kubhagezya abhamwinyu ivinama. ¹⁵ Pekuti nabhapa ishimanyilo pekuti nimwe bhulo mubhombe inzavwe une nabhomba kukwinyu. ¹⁶ Subhila,Subhila, nkubhabhuzya, umuzya te mupiti kushila umwene wakwe; pamo wula we atumilwe te wusongo kushila we amutumile. ¹⁷ Penga umanyile ivintu ivi, ulotwaje penga kuzibhoma. ¹⁸ Ntakuyanga izyimwe mwenti, kwekuti imbamanyile bhala bhe mbasevile - loli nkuyanga iga ingape ukuti inkomelezyo zihondeye kulunjiha: 'Uwene akulya umukati wane ampaniye mwibhala lyakwe.' ¹⁹ Nkubhabhuzya ili isalizi lwelishili kufuma pekwekuti ingalyinza lyafuma muhamanye kusubhila ukuti ine NEWUYO. ²⁰ "Subhila, subhila, nkubhabhuzya, weakuposhela ine akumuposhela we akumutuma, pe wula akumposhela ine akumuposhela wula we amantumile ine." ²¹ Lwe Uyesu ayanga izi, ahayimba mumoyo, ahasimishizya nu kuyanga, "Subhila, subhila, nkubhabhuzya ukuti woka mumwinyu alinkana." ²² Abhasundikwa bhakwe bhahenyanya, bhahaganduha panongwa ya nanu aziyanga. ²³ Hafisile ahabhalilizyo ha shakulya, bhonti abhasundikwa bhakwe bhegamiye pashifubha mwa Yesu wula we Uyesu amamuganile. ²⁴ Simoni Peteri ahamubhuzilizya umusundikwa uno nukuyanga, "Tubhuzye wunanu we kukwakwe akumuyanga." ²⁵ Umusundikwa wula we amegamiye pashifubha mwa Yesu nu kumubhuzya, "Mwene, wunanu?" ²⁶ Pe Uyesu ahatamula, ''We wuyo wula nkusanzizya intonji ya bhugali nu kumupa. ''Ubhwo lwe asanzizya ubhugali, ahamupa Uyuda umwana wa Simoni Iskariote. ²⁷ Lwe bhwasila ubhugali, Umkwalanzi ahamwinjila. Pe Uyesu ahamubhuzya, ''Shila she ukwanza kushibhomba ushibhombe nalubhilo.'' ²⁸ Isalizi nawumo umuntupa meza ahamanya inongwa ya Yesu kuyanga izwi ili kukwakwe. ²⁹ Bhamo bhabho bhahasibha kuti, kwekuti Uyuda alemile ifuku lya mpiya, Uyesu ahamubhuzya, ''Kala ivintu vwetukwanza panongwa ya chaka,'' pamo ukuti akwanzibhwa kufumwa ishintu ku bhapotwe. ³⁰ Lwe Uyuda aposhela ubhugali, ahafuma kunzi nalubhilo; pe bhwali bhusiku. ³¹ Lwe Uyuda apela ayepa, Uyesu ahati, ''Isalizi umwana wa Adamu ashindikwa, nu Mulungu ashindikwa ku wene. ³² Umulungu alimushindiha ku wene weka, pe alishindikwa nalubhilo. ³³ Abhana abhansi, ndili poka nimwe ahabhalilo ahansi. Mulinanza, pe inza vwenabhabhuzizye Abhayahudi, 'Kwenkubhala, mutangabhwezya kwinza.' isalizi nkubhabhuzya imwe, bhulo. ³⁴ Nkubhapa inkomelezyo impya, kuti muganane; inzi ne vwe mbaganile imwe, ubhwo bhunubhwo nimwe bhulo yikubhanza kuganana imwe kuli mwe. ³⁵ Panongwa yili abhantu bhalimanya kuti imwe mwe bhasundikwa bhane, inga muli nulugano kwakila woka nuwamwabho.'' ³⁶ Usimoni Peteli ahamubhuzya, ''Mwene, ukubhala kwiyi?'' Uyesu ahatamula, ''Ulubhazu lwenkubhala kusalizi atangabhwezya kundandata, loli ulindandata shamandi.'' ³⁷ Upeter ahamubhuzya, ''Mwene, shoni she ntahakulandate ni salizi? Ine ndilibhufumwa ubhulanzi bhwane panongwa yaho.'' ³⁸ Uyesu ahatamula,'' Pe ulibhufumwa ubhulanzi bhwaho panongwa yane? Subhila subhila nkukubhuzya, inkanda teyibhilishile lwushili kunkana lutatu.''