Lutulo 7
1
Uwashiputo umuptiti ahayanga, " ivintu ivi vwa bhwanalyoli"?
2
Sitefani ahati, "Bhajenzi na bhatata bhabe, ntejelezye ine: Mulungu wa bhumwamu amwinziye utata witu Aburahamu ahabhalilizyo amali Mesopotamia, lwe amashili kutendama Harani,'
3
ahambhuzya,' Yepa mukasi munkaya yaho na bhantu bhaho nu bhale munkasi munkaya ye ndikulolesya'.
4
Pe ahepa mukasi munkaya ya Bhukaldayo atendama Harani, kufuma apo, lwe utata wakwe afwa, Umulungu ahinza nawope munkaya ino, yebhakutendama isalizi.
5
Ahamupa shoshonti inzavwe lupwano lwakwe, patamile nu bhuzilo bhumo ubhwa kubhiha ivinama. Loli Aburahamu ahafingwa lwe ahati alimupa insi inzavwe vwakwe wuyo ni mpapilwa yakwe.
6
Umulungu ahayanga nawope ivi iyakuti impapilwa zyakwe bangatendama mukasi munkaya ya bhajeni, nu kuti bha haya abhuko bhalibhagomba ukubha bhazya bhabho nu kubhabhombela habhibhi kuhabhalilizyo ha maha gasano na gane.
7
Nu Mulumgu ahati, indilonga insi ukuti lilibhagomba bhazililwa, pa kushila apo bhaliyepa nu kusalifwa nu bhuzilo ubhu.'
8
Pe ahamupa Aburahamu ulufingwi lwa kubholwa,pe Aburahamu ahabha utata wa Isaka lya bhusano na bhune; Isaka ahabha utata wa Yakobo nu Yakobo ahabha utata wa bhasokulu bhitu ishumi na zibhili.
9
Abhasookulu bhitu bhahamwenyelezya abhabhibhi Uyosefu bhaha mukazya mukasi munkaya ya Misili, nu Mulungu amamile na wope, pe ahamwefwa mukasi mumayimba gakwe
10
pe ahamupa ulugano ni njele pilongolela zya Farao umwene wa Misili. Farao ahamubhiha abhe mulongozi pamwanya ya Misiri ya nyumba yakwe yonti.
11
Ilelo kwamile ni nzala impiti na mayimba aminji mukasi munkaya ya Misiri na Kanani, na bhatata bhitu bhatahima nishakulya.
12
Loli Uyakobo lyayivwa kuli ivwakulya mu Misiri, ahabhatuma abha tata bhitu kulwa bhwandilo.
13
Mukasi mubhujendo ubhwa bhubhili Uyosefu ahayilolesya kubhajenzi bhakwe, inkolo zya Yosefu yihamanyiha kwa Farao.
14
Uyosefu ahabhatuma abhajenzi bhakwe kubhala kumubhuzya Uyakobho utata wabho ayinze ku Misiri, poka na bhajenzi bhakwe, ubhwinji bhwa bhantu bhonti bhamile 75.
15
Pe Uyakobho ahiha Kumisiri; pe ahafwa uwene poka na bhatata bhitu.
16
Bhahanyatulwa inza Shekemu bhahafushilwa mukasi mushilibha she Aburahamu amakazile ni mpiya kufuma ku bhana bha Hamori uku Shekemu.
17
Ahabhalilo hala ulufingwi lwe Umulungu amafinjile Aburahamu lwe lwa sejelela, abhantu bhahonjeleha uku Kumisiri,
18
ahabhalilizyo aho ahabhuha umwene pamwanya ya Misiri, umwene watamanyile izya Yosefu.
19
Uyo umwene uwungi ahabhalumila ilenga abhantu nukubhabhombela amabhibhi abhatata bhitu, nu kubhasumbila abhana bhabho utunsi bhahabhe nu bhulanzi.
20
Pe muhabhalilizyo hala Umusa ahapapwa; amali mwinza pa minso ga Mulungu ahasunjilwa amezi gatatu mukasi munyumba ya tata wakwe.
21
Ahabhalilo ahasumbwa, umulindu wa Farao ahamunyetula ahinza nawope inzavwe mwanawakwe.
22
Umusa bhahamusambilizya ivisambilizyo vwonti vwa Kumisiri; amali na maha mu mazwi na mumbombo.
23
Loli lwe zyashila kulunjiha amaha amashumi gane, ahamwinzila mukasi mumoyo gakwe kubhajendelela abhajenzi bhakwe, na bhana bha Izirayeli.
24
Lwe bhamwenya Muizirayeli akubhomba amabhibhi, uMose ahamuzyishila nu kulipizya ishibhibhi we amali ahamwenyezyega kumuhoma Mumisiri:
25
ahasibhilila ukuti bhajenzi bhakwe bhalimanya ukuti uMulungu amuposhile mu nyobhe zyakwe, loli bhatahamanya.
26
Isiku lye lihalandata ahabhaha kubhamo abha Izirayeli bhebhamile bhahalwanga; ahayezya kubhafwaniya; ahati,' Bh mwene, imwe mwebhajenzi; pe mukunanjilana mwemwe mweka,?
27
Loli we ahamunanjila umupalamani wakwe ahamusunjilizya kubhutali, nukuti, 'Unanu abhisile mulongozi na mulonji witu?
28
Lwe ukwanza kungoga, inzavwe wamugozile uwa Mumisiri mabhwila?"
29
Mose ahashimbilila lwe ayivwa bhwebhulo; ahinza abha mujeni ukasi mu nkaya ya Midiani, pe amali utata wa bhana bha bhili.
30
Lwe gashila amaha amashumi gane kushila, uhabhizya ahamwinzila mulugwa lyi gamba ahamwinzila lya Sinayi, mukasi mwilo wa bhana mukasi ya shivwati.
31
Ahabhalilizyo uMose ahenya umwoto, ahasukumila nukungandushizya na shila she ashenya, nape ahayezya kusejelela ingape kushenya, ahivwa izwi lya Mwene lihamwinzila lihayanga,
32
'Ine ne Mulungu wa bha tata bhaho, u Mulungu wa Aburahamu, nuwa Ayizeki, nuwa Yakobho'. UMose ahatetema pe atahayezya kwenya.
33
Umwene ahati, 'Zula ivilyatu vwaho, ubhuzilo bhwe wimiliye bhuzilo bhufinjile.
34
Nenyizye amayimba ga bhantu bhane bhebhali Mumisiri; Nivuye kubhina kwabho, nine niha ingape imbaposhe; salizi nzaga, indikutume iwe Mumisiri.'
35
Uno uMose we bhamulemile, ahabhalilizyo lwe bhahayanga, unanu we ahakubhiha ubhe we mulongozi mulonzi witu?'_ amali wuyo uMulungu ahamutuma abhe mulongozi nu kupoha. U Mulungu ahamutuma kunyobhe zya bhahabhizya bhe bhahamwinzila uMose mushivwati.
36
Mose ahabhalongozya kufuma Mumisiri lwe bhabhomba ivisukumizyo ni vimanyilo mukasi Mumisiri na mukasi ya jeje lya Shamu, na mukasi ya lugwa muhabhalilizyo ha maha amashumi gane.
37
Mose uno wuyo ahabhabhuzya abhantu bha Yizilayeli kwa, 'Mulungu alibhazuvwa abhakubhwi kufuma mukasi mubhajenzi bhitu, umukubhwi inzavwe nene'.
38
Uno we muntu we amali mukasi muluhomano mulugwa na bhahabhizya bhe ahayangaga nawo mukasi mwigamba lya Sinayi. Uno wuyo umuntu we amali nu tata witu, unu muntu weahaposhela izwi lye lili nu bhulanzi nukutupa iswe.
39
Uno we muntu we abha tata bhitu bhahamuhanagaukumwivwila; bhahamusumbila kubhutali, na mukasi mumoyo gabho yihagalushila Misiri.
40
Mukasi muhabhabhalilizyo iho bhahamubhuzya Haroni. 'tugombele u Mulungu weatulongozyaje. Uyo uMose, ahatulongozya ga kufuma mukasi ya nkaya ya Misiri, tutamanyile sheshimwazile.'
41
Pe bhahagomba ishigwada ku nsiku izyo pe bhahafumwa nivwa bhwila panga lumo ishiholanyo pe bhahaseshela panongwa ya mbombo ya nyobhe zyabho.
42
Loli u Mulungu ahabhagalusanya nukubhapa bhalabhaje inzota ya kumwanya, inzavwe lya simvilwe mwa karata wa bhakubhwi, 'Pe mwafumizya ine ivwa bhwila vwa vihanu vwe mwabhola mulugwa kuhabhalilizyo ha maha amashumi gane munyumba ya Iziralayeli?
43
Mwitisile ni hema ya kuhomanila ya Moleki ni nzota ya mulungu refani, vwe viholanyo she mugomvile nukushila kwabho: pe ndibhatwala kubhutali kushila ni Babeli.'
44
Abhatata bhitu bhamile ni hema ya kuhomanila gakusimishizya mulugwa, inzavwe u Mulungu ahabhalajizya ahayanga nu Mose, ukuti gewagombaga ku hiholanyo wa she uhashenya.
45
Ili lye lihema lye abhatata bhitu, kuhabhalilizyo habho, bhahinzila mukasi munkaya nu Joshuwa. Ili lihinza muhabhalilizyo lwe bhinjila kulongozya inkaya ye u Mulungu ahasambilizya lwe bhashili ukubha bha tata bhitu. Ino yamile bhwebhulo paka isiku zya Daudi,
46
lwe ahinza ayitishiziwa paminso pa Mulungu,'pe ahalabha kulondola ubhutendamo kwa Mulungu wa Yakobho.
47
Loli Solomoni ahamuzenjela inyumba ya Mulungu.
48
Inza bhwebhulo wealipamwanya atakutendama munyumba zizengilwe kunyobhe; ino inzavwe mukubhwi ahayanga,
49
Imwanya she shitengo shane sha bhumwene, ninsi bhwe bhuzilo bhwa kubhiha ivinama vwane. Munyumba yoni ye mungazenjela?,ayanga Umwene: pamo piyi ubhuzilo bhwane bhwakutuzya?
50
Te nyobhe zyane zihabhomba vwonti ivintu?'
51
Imwe bhantu mwemuli ni nsingo ingomo mwe mutabholilwe amoyo na makutwe, ahabhalilo honti mukumuhana Umupepo Umufinjile,' mikubhomba inzavwe abha tata bhahabhombaga.
52
We mukubhwi woni mukasi ya bha kubhwi bhe abha tata bhinyu bhatakumuyivwa? Bhahabhagoga abhakubhwi bhonti bhebhafumile kushili lwa lwinzo lwa poka we mugolosu,' ni salizi mwabha mwebha hanwa bha bhabhagozi bhakwe bhulo,
53
imwe bhantu muhaposhela indajizyo yila yeyihinjizwa nu habhizya loli mutahayilema."
54
Pe abhalonzi bhashilonjelwa lwebhivuye zyonti izi bhahasyala amoyo gabho, bhahasya amino Sitefani.
55
Loli uwene, amaliayizuye Umupepo Umufinjile, ahenya kumwanya kubhusgevu pe ahabhwenya ubhumwamu bhwa Mulungu,' nu kumwenya u Yesu ayimiliye kunyobhe ya kundilo ya Mulungu.
56
Sitefani ahayanga,
"Yenyelezya nenya imwanya zyiguliwa, nu Mwana wa Muntu aliyimiliye munyobhe ya kundilo ya Mulungu."
57
Loli abhalonzi bha shilonjelwa bhahahoma ahalanga hizwi ipiti bhahafundishila amakutwi gabho, bhahamushimbilila poka,
58
bhahamusumbila kunzi ya nkaya pe bhahamuhoma na mabhwe: pe bhasimishizyi bhahazula amenda gabho aga kunzi nukubhiha pansi papipi nivinama vwa mulumendo we ahatakwaga Sauli.
59
Pe bhamile bhakumuhoma amabhwe u Sitefani, ahajendelela kumulabha Umwene nu kuyanga, "Mwene Yesu, poshela umoyo wane,".
60
Ahagombaniha ivisugamo nukumulabha kumazwi amapiti, "Mwene, utahabhabhazizye imbibhi ino. "Lwe ayanga ago, ubhulanzi bhuhadumuha.