¹ Sauli amali mu lwitinkano lwa mufwa yakwe. isiku ilyo peahanda kubhayivwa mwisinda lya shibhanza lye lyamile Yerusalemu; na bhasubhalilwa bhonti bhahanyampanya mukasi ya nkaya ya Yudeya na Samaliya, loli bhasundikwa. ² Bhantu bhashindiha Mulungu bhahamusyila Sitefani nukusumanzya ukupiti papakwe. ³ Loli Sauli ahashivwalazya inkani ishibhanza. Ahajendaga munyumba na munyumba nu kubhagwelegwesa panzi abhantanda na bhanavuli nu kubhasumbila mwijela. ⁴ Abhasubhalilwa bhebhamile bhategine suti bhahayangaga amazwi. ⁵ Filipo ahiha munkaya munsi ya Samaliya nukuziyanga izya Kirisitu uko. ⁶ Lwe yashila izya luhomano ukwivwa nu kwenya ivindangu zye abhabhomba Filipo; bhahabhiha ubhushevu pa shila she ahashiyanga. ⁷ Kufuma apo abhantu abhinji bhebhahivwa, impepo imbibhi zihabhepa abhantu uku bhahalila kwi zwi ipiti, na bhinji bhumiliye bha vilema bhahapona. ⁸ Pe kwamile nu luseshelo ulupiti mukasi munkaya. ⁹ Loli pamile nu muntu woka mukasi munkaya yila izina lyakwe Simoni, weamali ahabhambaga ubhulonzi; bhwe ahabhombela kubhasukumizya abhantu bha munsi ya Samaria, pe ahatinji uwene wuyo we muntu we mupiti. ¹⁰ Abhasamalia bhonti kufumila umunsi nu mupiti, bhahamutejelezya; bhahati;" umuntu uno gegala amaha ga Mulungu ge mapiti." ¹¹ Bhahamutejelezya, kwekuti ahabhasukumizyaga ahabhalilo ahatali ku bhulozi bhwakwe. ¹² Loli ahabhalilo lwe bhasubhila ukuti Ufilipo ahalumbilila pamwanya iya bhumwene ubhwa Mulungu napamwanya iya izina lya Yesu Kirisiti, bhahozebhwa, abhanavuli na bhantanda. ¹³ Nu Simoni wuyo ahasubhila; lwe ayozibhwa, ahajendelela kubha nu Filipo; lwe ayenya amafindago ni visukumizyo vwe vihabhombeha, ahasukumila. ¹⁴ Ahabhalilo he abhantumi abha mu Yerusalemu lwe bhivwa kuti i Samaria yiposhereye izwi lya Mulungu, bhahabhasontelezya u Peteri nu Yohani. ¹⁵ Ahabhalilo lwe bhakwiha bhahabhaputila; kuti bhamuposhele Umupepo umufinjile. ¹⁶ Mpaka ahabhalilo iho, Umupepo umufinjile amashili kubhishila na umwo mumwabho; bhamile bhwelele bhozibhwe kwizina ilya Mwene Uyesu. ¹⁷ Pe Upeteri nu Yohani bhahabhabhishila inyobhe, bhope bhahaposhela Umupepo Umufinjile. ¹⁸ Ahabhalil he Usimonilwe ayenya kuti Umupepo Umufinjile afumila kujendela kubhabhishila inyobhe nabha positoli; akwanza kubhapa impiya, ¹⁹ Ahati, ''Nampa iga amaha, inga wowonti we namubhishila inyobhe aposhele Umupepo Umufinjile.'' ²⁰ Loli peturo ahayanga ; impiya yahopoka ni we yitejele kubhutali, panongwa ahasibhaga ukuti ishabhwila sha mulungu shikwajikwa ku mpiya. ²¹ Ute nu bhuziro mukasi muvintu ivi, panongwa umoyo waho te mutonsu pilingolela lya mulungu. ²² Pe lero mulehaje imbibhi zyaho na kumulabha umulungu lumo ungahobhoshelebhwa isnibho zya mwoyo waho. ²³ She mukwenya uko mukasi ya bhabhavu bhwa bhuluzu nu bhupinywa bhwa mbibhi.'' ²⁴ Usimoni ahatamula na kuti, ''Mulabhaje Umwene panongwa yane kwekuti ivintu vwemuyazile gahondeye ²⁵ Ahabhalilizyo he Upeteri nu Yohani lwe bhasimishizya na kulumbilila izwi lya Tata, bhahagaluha ku Yerusalemu kwi dala ilyo; bhahalumbirira amazwi mukasi munkaya inyinji izya bha Samaria ²⁶ Pe uhabhizya wa mwene ahayanga nu FIlipo na kuyanga, ''Usogolaje kumongo muka mwidala lyelikubhala pansii ya yelusalemu kubhala Gaza (idala ino yili mulugwa). ²⁷ Ahalama nu kusogola Yenya, kwamile nu muntu wa Ethiopia, wa Bhishilwe pamwanya ya shisengulo shakwe shonti; wope amali ahasogola ku Yerusalemu kuputa. ²⁸ Amali akugalushila atendime mwi gereti lyakwe ahabhazyaga ukalata wa mukubhwi Yesaya. ²⁹ Umupepo ahayanga nu Filipo, ''Sejelela papipi ni gereta ili ulandatane nalyope. ³⁰ ''Ubhwo u Filipo ahabhala nalubhilo, ahamtejerezya akubhazya mukasi mwa kalata wa bhukubhwi Yesaya; ahati, Pe ushimanyile she akubhazya?'' ³¹ Umuethiopia ahati, ''Ningabhwezya bhuli umuntu ingaatantobhola?'' Ahamwenya Ufilipo ayinjile mwi gereta nu kutendama poka nawope. ³² Isalizi zye ahazibhazyaga abha kalata Muethiopia ni li; Ahalongozwa inza vwe ingole kubhala kushibholelyo kubholwa; inza vwe ingole yihapuma myee, yitahagubutula ilomo lyakwe. ³³ Mwe mukuswimililwa kwakwe ubhulonzi bhwakwe yihepeha; Wunanu aliziyanga inkolo zyakwe? Ubhulanzi bhwakwe bhwefilwe mukasi munkaya.'' ³⁴ Pe umupasye ahamubhuzilizya u Filipo, na kuti, ''nakulabha, pe wumukubhwi woni we akuyangwa amazwi gakwe''?. ³⁵ Ufilipo ahanda kuyanga, ahanda kwi simbo ili ilya Yesaya kumulumbilila amazwi aga yesu. ³⁶ Lwe bhali mwidala, bhahafiha pepali na minzi; utowashi ahati, ''Yenya, pali na minzi apa shoni sheshikudinda ntahozibhwe?, ³⁷ amazwi aga,'' Ubhwo Muethiopia ahatamula ''gatalipo mu nsimbo izya hali). Pe Umuethiopia ahamula igereta lyimilile. ³⁸ Bhahabhala mukasi iya minzi, poka nu Filipo nu toashi, Ufilipo ahamwozya. ³⁹ Lwe bhakufumila mu minzi, Umupepo wa Mwene ghuhamusunjilizya u Fillipo kubhutali, utowashi atahamwenya, ahabhala mwidala lyakwe akudobha. ⁴⁰ Loli Ufilipo ahafumila ku Azoto. Ahajenda mukasi munkaya yila nu kulumbilila izwi mukasi munkaya yonti paka peahafiha Kaisaria.