¹ Pelelo insiku zisano, Anania washiputo umupiti, bhamo ya bhasongo nuwakuyanga woka izina Tertulo, bhahasogola pala. Abhantu abha bhahaleta inongwa ya Pauli kwa musunga nsi. ² U Pauli payimilila pilongolela pamu sunga nsi Tertula ahanda kumulonjelezya nu kuyanga kwa musungansi , "panongwa yaho tuli nu lwitiho ulumpiti; na kuvilota vwaho kukumuleta kuchenja ukunza pansi yitu; ³ pakuti kwa kusalifwa konti tukoposhela kila shintu shukushibhomba, wakulamuha uwamushinzi u Feliki. ⁴ Loli ntahakulisye nkani, nkukulabha univwe amazwi amansi kwu bhwila bhwaho. ⁵ Pakuti twamwaga umuntu uno uwa lwisi, na akunanganwa Abhayahudi bhonti bhakuyihana nsi. Sona bhalongozi bha muvibhanza vwa Wanazorayo. (Yenyelezya: Ulubhazu lya mazwi ga hahololo iha24:6 ⁶ Pe sona ahalichafulaga itempeli ipo tuhamulema., utali muvisimbo ivwinza ivwa hali). (Yenyelezya : Muhahololi iha ⁷ Lisaasi umulongozi, ahinza nu ahamunyetula ku maha munyobhe mwitu., bhutalipo ku masimbo aminza aga simbo zya hali). ⁸ Ingana mubhuzya u Pauli kuvintu ivi, ungamanyila shintu shoni kuti bhamusitasile." ⁹ Abhayahudi bhope bhahamusitaka u Pauli bhahati amazwi iga gasimvilwe ganalyoli. ¹⁰ Umusungansi lwahapalamizya inyobhe ingape u Pauli ayangaje, Pauli ahatamula, "Manyile kuti kuha aminji wamile we mulongwa malandu wansi ino, nandili nuluhobhoho kuyilingwana nene kukwaho. ¹¹ Niwe ungalinganwa kuti zitashizile insiku ishumi lyoka na zibhili kufumila lwenazuvile kubhala kuputa Yerusalemu. ¹² Pe lwebhanaga mushibhanza, nthadalinkana nu muntu wowonti , pe ntahabhomba ubhunanzi mu luhomano, pamo mumasinagogi pamo mukasi ya nkaya; ¹³ pamo bhatahondeye kusimishizya kwabho ubhulonzi bhwebhakundonga mumwane. ¹⁴ Loli nkusibhilila ili kukwaho, iyakuti kwidala lila lye bhakulitaha shibhanza, kwidala linilyo nkumubhombela Umulungu uwa tata witi. Ine ne musubhalilwa kugonti gegalipo munkomelezyo na mukalata wa bhakubhwi. ¹⁵ Indi nubhujimvu bhwebhula kwa Mulungu we nawope bhakugulila, kwinza kuluzyuho lwa bhafwe, kubhonti bhebhagolosu nabhetabhagolo bhope; ¹⁶ na kwili, nkubhomba imbombo ingape imbe ninsibho yeyite nubhunanzi pilongolela zya Mulungu na pilongolela zya bhantu kujendela muvintu vwonti. ¹⁷ Isalizi lwegashila amaha aminji ninzile ukwinza nivwabhwila kunkaya yane nishabhupi sha feza. ¹⁸ Lwenabhomba ili, Abhayahudi bhamo abha Asia bahanaga mukasi yaluseshelo lwa luzelufwo mukasi ya shibhanza, loli ubhwinji bhwa bhantu pamo ulwisi. ¹⁹ Abhantu abha bhe yihondeye ukubha pilongolela yaho isalizi pe bhayanje shila she bhahashenya papane inzavwe bhali nizwi lyolyonti. ²⁰ Pamo abhantu abha abhene pebhayanje pe bhunanzi bhwoni bhwebhabhunyi kukwane penimuliye pilongolela zya bhulonzi bhwa shiyahudi; ²¹ loli panongwa ya shintu shoka shenkayanga kwizwi penimiliye pakasi yabho,' pepa nongwa ya luzyuho lwa bhafwe imwe mwemukundonga." ²² Feliki amamile abhuzilwe ahinza izya idala, pe ahabhwezya uluhomano. Ahati, "Lisia mulongozi ingayinza pansi kufuma Yerusalemu indiyanga zyenkwazya muzya kulongwa kwinyu." ²³ Pe ahamulajizya umulongozi anusunjilile u Pauli, ingape abhe nubhuzilo pe atahabhe umuntu wakubhahana abhajenzi bhakwe bhatahamwavwe pamo bhatahamujendele. ²⁴ Lwezyashila insiku zimo, Feliki ahagaluha nu Drusila umushi weamamile Muyahudi, ahamusontelezya kumuholela u Pauli pe ahatejelezya kufuma kukwakwe amazwi ga lwitiho mukasi ya Kirisitu Yesu. ²⁵ Uwene u Pauli peamamile bhahayanzanyaga nawope izyabhugolosu, ukubha nishipimo nubhulonzi bhwebhukwinza, Feliki ahabha nilyoga ahamula, "sogola kubhutali isalizi, loli inganabha na habhalilo sona, indikwita ." ²⁶ Muhabhalilizyo hanaho, asubhaliye ukuti u Pauli amupe ifeza pengalumo ahamuholela ulwinji ahayanga nawo. ²⁷ Loli amaha gabhili lwegashila, Porkio Festo amali mulongozi a lweashila Feliki, loli Feliki ahanzaga kuyinonelezya ku Bhayahudi, loli ahamuleha u Pauli pansi ya bhulindilizi.