¹ Upauli ahabhenya lwoka ku lwoka abhantu bha luhombe na kuti, "Bhajenzi bhane, ntendime pilongolela zya Mulungu zyemulinazyo nuhinza paka ilelo." ² Uwashiputo umupiti Anania ahabhalajizya bhala bhebhimiliye papipi nawo bhamuhome ilomo lyakwe. ³ Pe u Pauli ahambuzya,"Mulungu alikuhoma iwe, ulubhumba lwebhapasile bhapasile ichoka . Utendime ukundonga ku nkomelezyo, niwe ukulajizya inkomwe ishinguga sha nkomelezyo?" ⁴ Bhala bhebhamile papipi nawo hahati, "Ishi vweukumulinga vwe ukumuliga uwashiputo umupiti wa Mulungu?" ⁵ U Pauli ahati, "bhanjenzi bhane, ine pamanyile kuti uno wa shiputo umupiti. Kwekuti yisimvilwe, ataliyanga habhibhi pamwanya ya bhenesho abhantu bhaho." ⁶ Upauli lweayenya iya kuti ulubhazu lwoka lwa luhomano bhebha Bhasadukayo na bhamwabho Mafarisayi, ahahola izwi nu kuti," bhajenzi bhane, ine ne Mufarisayi, mwana wa Mufarisayi. Panongwa ino nkusubhalila kumaha kuzuha kubhafwe bhekulonjilwa nabho." ⁷ Lweayanga iga, kutokwivwana amapiti gahafumila Kubhafarisayi na Bhasadukayi, nu bhwinji yihasatana. ⁸ Shoni Masadukayi bhakuyanga lutalipo uluzubho, uhabhizya bhala bhatahenya umupepo, loli Mafarisayi bhakuyanga iga gonti nagamo. ⁹ Ahalanga ahapiti hahafumila na bhamo ya bhasimbi bhebhali ulubhazu lwa Mafarisayi bhahimilila nu kupanzan'wa, bhakuti, "tutenya shoshonti ishibhibhi pa muntu uno abahuli inzavwe umupepo pamo uhabhizya ayanzile nu wene?" ¹⁰ Habhalilo hahafumila kuyanga ukupiti, abhapiti bha musikali ahanyila kuti u Pauli bhahamunyonkolanyaga ivipusa pusa nabho, pelelo ahamulisya bhasikali bhamwisye pansi nu kunyatula ku maha kufuma kubhantu abha songo, nu kumuleta mwilinga. ¹¹ Ubhusiku bhwebhuhinza Utata ahimilila papipi nu kuti, "Utahanyile, kwekuti wasimishizya mu Yerusalemu, bhabhili kuti ubhale ulingan'we nu Roma." ¹² Lwe kwasha bhamo Abhayahudi bhahabhomba indajizyo nukutwizya ishibhune kukwabho pamwanya yabho bhabho:bhahati kuti bhatalilwa pope kumwela shoshonti paka pebhamugoga u Pauli. ¹³ Kwamile na bhantu bhamo ya ishimu zine ukuti bhahabhomba ganaga iga. ¹⁴ Bhahabhala ku mapiti bha shiputo na bhasongo na kuyanga, "Twabhiha tweka ku bhunwa ukupiti tutahalwe shoshonti paka petwamugoga u Pauli. ¹⁵ Loli lelo, abhahombe bhamubhuzye ukuhata luholo umupiti ameti kwinyu, pakuti mukuyanga inongwa yakwe hinza. Kukwitu itwe tuli kumala kumugoga lweashili kwinza ipa." ¹⁶ Loli umwana wa mukulu wake nu Pauli ahivwa kuti kwamile bhapanzile, ahasogola ahinjila mwilinga nu kumubhuzya U Pauli. ¹⁷ Upauli ahamwita usheusi woka ahati, "Munyatule umulumendo uyo kwa mutwale; shekuti ali nizwi lwa kumubhuzya." ¹⁸ Pe usongo ahamunyatula wula umulumendo pahamutwala kwa mutwale umupiti ahati, "U Pauliwula umukungwe anisite akwanza imutwale umulemendo uno kukwabho. Ali nizwi lya kumubhuzya." ¹⁹ Wula umutwale umupiti ahamulema inyobhe ahabha pabhutali nabho palubhazu, pe ahamubhuzilizya, "Shintu shoni shukushanza kumbuzya?" ²⁰ Umulumendo ahati, "Bhayahudi mwivwine kumuleta u Pauli indabhi ku kuluhomano lwa bhahombe pakuti bhakwanza bhazimanye intanzi zyakwe kubhwinza inkani. ²¹ Loli iwe utahitishe pakuti abhantu kushila 40 bhakumuvwamilila. Bhayikunzile kushibhune, bhatahalya nu kumwela paka pebhamugoga. Pe isalizi bhaliko, kugulila kuyanga kufuma kukwakwe." ²² Pe wula umutwale umupiti ahamuleha umulumendo asogole izyakwe, lwamulajizizye "utahamubhuzye umuntu nawumo kuti nabhuzya aga." ²³ Ahabhita abhashebhusi ahati mubhasenganwe abhasikali 200 kubhala Karisaria na bhasikali bhebhakuzubha indogomi 70, na bhapalala 200, kutimwepe ahabhalilo ahabhutatu ahabhusiku. ²⁴ Ahamubhuzya kubhiha ivihano hinza we u Pauli ahamubhombela nu kumunyatula hinza kwa Feliki Gavana. ²⁵ Ahasimba ukalata ahalema kuti, ²⁶ Klaudio Lisia uwa musunga nsi uwamushinzi Feliki, umwinza. ²⁷ Umuntu uno ahalemwa na Bhayahudi bhali papipi kumugoga, penkabhala ni mpuga yabhasikali nkamuponwa, lwenivwakuti uwene muntu wa Kiroma. ²⁸ Nkazaga kwinza kumanya shoni she bhamusitakile, panopa nkamutwala kubhahombe. ²⁹ Nkenya kuti bhamusitasile bhakubhuzya inkomelezyo zyabho, pakuti bhatahamusitaka kwizwi lyolyonti lyeli kwamula kufwa nakukungwa. ³⁰ Pe yihamanyiha kukwane kuti papanzile kukwakwe, pelelo nkahalambana nkasontelezya kukwaho, nkabhalajizya bhala bhebhakumusitaka habhili mulete inongwayeyili kukwakwe. Bhalagana." ³¹ Pe bhala abhasikali bhahivwila inkomelezyo: bhahamunyetula u Pauli bhahamutwala paka Antipitri ubhusiku. ³² Isiku ilya bhwandilo, amasikali abhinji bhahalehana bhala bhapanzite idogomi bhabhale poka nawo, bhope bhahagaluha zyabho mwilinga. ³³ Pe bhazubha ndogomi lwebhafiha Kaisaria, nu kumpa umusunga nsi lila ikalata, bhahamubhiha u Pauli pilongolela lyakwe. ³⁴ Wope umusunga nsi lwe bhazya ukalata, ahamubhuzya u Pauli ahafumila insi yoni; lweamanya ya kuti muntu wa Kilikia, ³⁵ ahati, "Kuti inkwivwe iwe ingabhinza bhebhakusitasile," ahalajizya bhamubhishe mwisashi iya Herode.