¹ "Bhajenzi na bhatata bhane, yivilizyi ubhwila bhwane bhwendibhubhomba kukwinyu isalizi." ² Uluhomano lwebhivwa Pauli ahayanga nabho ku shieburania, bhapuma. Ahayanga, ³ "Ine ne Muyahudi, mupapilwa munkaya wa Tarso mubhuzilo iya Kilikia, loli nkasmbilila munkaya ino, muvina vwakwe pa Gamalieli. Bhahasambilizyaga kujendela mwidala ilyinza munkomelezyo zya bhatata bhitu. Ine ndili kuyivitilizya imbombo zya Mulungu, inzavwe imwe mwenti muli ilelo. ⁴ Nkabhayivwa mwidala ili paka kufwa; nkabhakunga abhanavuli na bhantanda na kubhasumbila mwijela. ⁵ Pabhashiputo nabha songo bhonti bhanga bhwezya kufumwa ubhwanalyoli kui nkaposhela ukalata kufuma kukwabho kufuma kubhajenzi bhebhali Kudameski, kukwane ine kushula kubhala uko yamile uko. Ukutii imbatwale abhantu Kuyerusalemu kwidala lila ingape bhakungwe nu kususundwa. ⁶ Yihafumila kuti pala penali nkashula kampalamilaga Dameski, amasaa ya musanya panapo ubhuzelu umupiti ubhupitin bhuhinza kufuma kumwanya bhuhanda kuhozya. ⁷ Nkaga pansi na kwivwa izwi likumbuzya, 'Sauli,Sauli shoni shunkunkalalizya?' ⁸ Nkamula, 'iwe we nanu, Mwene?' Abhambuzya, 'Ine ne Yesu Mnazaret, we iwe ukunkalalizya.' ⁹ Bhala bhebhammile nine bhahabhwenya ubhuzelu, loli bhatahivwa izwi lyawula wahayangangaga ni nine. ¹⁰ Nkati, 'Imbombe ishoni Mwene?' Mwene ahambuzya, 'Yimilila nu uyinjile Dameski; uko bhalikubhuzya shila ishintu sheshikwanzibhwa kubhomba.' ¹¹ Ntahenya pakuti kwali ubhuzelu bhula, pankabhala Kudameski nkajendela kunyobhe yabhala bhebhali nine. ¹² Uko nkabhomana nu muntu weabhakumwita Anania, amali muntu weamalemile inkomelezyo nu kushindikwa na Bhayahudi bhonti bhebhahatendamaga pilongolela ya Bhayahudi bhonti bhebhakutendama uko. ¹³ Ahinza kukwane, ahimilila pilonolela lyane, nu kuti, 'Mujenzi wane Sauli, uyandaye kwenya. 'Kuhabhalilo hehala nkamwenya. ¹⁴ Ahati, 'Mulungu wa tata witu ahusevile iwe kuti umanye ulugano lwakwe, kumwenya wula uwanalyoli,bnu kuvwa izwi lyelikufuma kwi lomo lyakwe. ¹⁵ Panongwa ulibha wa kusimishizya kukwakwe ku bhantu bhonti pamwanya ya kuhagenya nu kuvwa. ¹⁶ Loli lelo shoni shuguliliye? Dmuha, uyozelwe, uzyozye imbibhi zyaho, ukulyitizya izina lyakwe.' ¹⁷ Lwe nagaluha Yerusalemu, napenali kuputa mushibhanza, lihafumila ukuti nkapewa ivwili. ¹⁸ Inkamwenya akumbuzya, 'Hambalanaga nu ufume Yerusalemu nalubhilo, panongwa bhatahitiha ulusimishizyo zyaho kukwane ine.' ¹⁹ Nkayanga, 'Mwene, bhabho bhubho bhamanyile nabhankunjile mwijela nu kubhahoma bhala bhebhakusubhiye mwa sinagogi. ²⁰ Ni bhanda lya Sitefani wakuhomeshezya waho inga yeyanzilwe, Ine wope namile nimiliye papipi nu kwitiha namile nkagulilaga amenda gabhala bhe bhahabhagoga.' ²¹ Loli ahambuzya, 'Sogolaga, panongwa ine nkusontelezya usogole ku bhantu bha munsi."' ²² Abhantu bhahahamuleha ayanje pamwanya yi zwi ili. Loli lwepashila bhahahola amazwi nu kuti, "Mwefwe umuntu uyo munsi: panongwa te mumo atendamaje." ²³ Lwebhazuvwa amazwi, nu kusumba amenda gabho nu kusumba isunto pamwanya, ²⁴ musikali umupiti ahamubhuzya Pauli mulete mwilinga. Ahalajizya bhamubhuzilizye uko ukuhomwa indisa, ingape uwene wuyo weka amanye kuti shoni bhamile bhahamuzumilaga ishongo bhwebhulo. ²⁵ Lwe bhamukunga ninkusa, Upaulin ahamubhuzya ushebhusi wamimiliye papipi nawo, "Pe! bhugolosu kukwinyu kumuhoma umuntu weali Mroma na ashili kulongwa?" ²⁶ Wula shemunsi lwayivwa amazwi iga, ahasogole kwa musikali umupiti nu kumubhuzya, ahati, "Ukwanza kubhomba ishoni? She kuti umuntu uno wu mroma." ²⁷ Umusikali umupiti ahinza na kumubhuzya, "Mbuzye, pe iwe we muntu wa Roma?" Pauli ahati, "Nalyoli." ²⁸ Musikali ahatamula, "Kufumila ubhwinji ubhupiti bhwa hela penkabhaga ubhuhaya ubhuhaya." Loli Pauli ahamubhuzya, "Ine ne muroma uwa kupapwa." ²⁹ Pelelo Bhala bhebhali lubhilo kujenda kumupempuzya bhahepa nu kumuleha kuhabhalilo hanaho. Pe umusikali wope ahanyila, lweamanya kuti u Pauli wi Mroma, na panongwa akungilwe. ³⁰ Isiku lwe lihinza, umutwale umupiti ahanza kumanya ubhwanalyoli kuti bhamusitasile iya Bhayahudi kwa Pauli. Pelelo ahamusantula ivikungwe vwakwe ahabhalajizya abhapiti bhashiputo bhonti bhahomane. Ahamuleta u Pauli pansi, nukumubhika pakasi yabho.