¹ Pe Festo lweayinjila munyumba iyo lwe zyashila insiku zitatu ahabhala kufuma Kaisaria paka Yerusalemu. ² Uwashiputo umupiti na Bhayahudi abhalonzi bhahinza kulonga izya Pauli kwa Festo, kwebhahayanzanya ku maha kwa Festo. ³ Pebhahamulabha Festo ivilipwa pazyamazwi ga Pauli ahondeye kumuholela Yerusalemu ingape bhahondeye kumugoga mwidala. ⁴ Loli Festo ahamula ukuti u Pauli amali mupinywe kufuma Kaisaria, nu kuti uwene wuyo aligaluha uko lubhilo. ⁵ Ahayanga "Penga lumo, bhala bhe bhahondeye , bhahondeye kubhala uko niswe. Inzavwe kulishintu ishibhibhi kumuntu uno, muhondeye kumulonga." ⁶ Lwe twatendama insiku zisano na zitatu pamo ni shumi kushila, ahagaluha Kaisaria. Nisinku lyeli halandata ahatendama pitengo sha bhulonzi peahalajizya u Pauli bhamubhishe kukwakwe. ⁷ Lweafiha, Abhayahudi kufuma Yerusalemu bhahimilila papipi, bhahafumwa injango inyinji imwamu zye bhatahondeye kuzisimishizya. ⁸ Pauli ahayanga nizya kuyihanila, 'Te zyizina ilya Bhayahudi, te pa zyashibhanza, pe tepa zya Kaisari, imbomvile imbibhi.' ⁹ Uwene Festo ahanzaga kuyinonelezya Kubhayahudi, pe bhwebhulo ahamwamula u Pauli nukuyanga , Pe, ukwanza kubhala Yerusalemu nukulongwa nine kuzyonti izi uko?' ¹⁰ Upauli ahati, 'kwimilila pilongolela yitengo lyabhulonzi bhwa Kaisari pe ihondeye kulongwa. Ntabhananjiye Abhayahudi, inzavwe iwe umanyile ahinza. ¹¹ Penga inanzile pe inzavwe imbomvile sheshihondeye imfwa, ntakuhana ukufwa. Loli inzavwe kundonjelela kwabho teshintu, nawumo umuntu ahondeye kumpa abhene. Nkubhalabha Kaisari. ' ¹² Lwe u Festo kuyanga na bhalonzi ahamula, "ukumulabha Kaisari; ulibhala kwa Kaisari." ¹³ Lwezyashila insiku zimo, umwene Agripa nu Bernike bhahafiha Kaisaria kubhomba kujenda nzila ku Festo. ¹⁴ Lwe atendama uko isinku inyinji, UFesto ahabhiha inongwa yaPauli kwa mwene; Ahati, ' Umuntu woka aleshilwe apa nu Feliki inzavwe mupinywe. ¹⁵ Penamile Yerusalemu abhashiputo abhapiti nabhasongo Abhayahudi bhahaleta inongwa pazya muntu uno kukwane, bhope bhahabhuzilizwa izya bhulonzi izyakwe. ¹⁶ Kwili ine inkabhamula ukuti tenkomelezyo zya Bhaloma kumufumwa umuntu mukwenyezya ubhwila loli uwene umulongwa ahondeye kubha nubhuzilo bhwa kulongana nabhebhakumulonga abhakwe nukuyinonelezya nizyabhulonzi izyo. ¹⁷ Pe ngalumo, lwebhinza poka apa, ntahondeye kugulila, loli insiku lyelihalandata natendime pitengo lya bhulonzi nukulajizya umuntu uyo ayinze mukasi. ¹⁸ Pe bhebhakumulonga bhimiliye nukumulonga, nukusibhilila ukuti nawumo ubhulonzi ubhupiti bhwebhwinzile nizyakwe. ¹⁹ Loli uwene, bhamile nukudalinkana kumo poka nawope nizya vibhanza bhwabho nizya Yesu weamali amafuye, loli Upauli ahatinji ukuti mulanzi. ²⁰ Namile napinyilwe ukuti nizyakuyanga amazwi aga, pe inkamubhuzilizya inzavwe nkeabhala Yerusalemu kulongwa izya mazwi aga. ²¹ Loli Upauli lwebhamuholela atendame pansi yabhimilizi panongwa ya kudumula Umwene, nkalajizya bhamubhishe panka peninza nabhala kwa Kaisari. ' ²² Agripa ahayanga nu Festo, "naganile wope kumutejelezya umuntu uno." "Festo, ahati, "indabhi ulimutejelezya." ²³ Pe indaabhi yakwe, Agripa nu Bernike bhahafiha nu luseshelo ulwinji; bhahinjila mu shilonjelwi nu mulongozi wa bhasilikali, na bhantu amahombe ga munkaya. ²⁴ Ufesto ahayanga, "Mwene Agripa, na bhantu bhonti bhebhalipa poka niswe , mwamwenya umuntu uno; ubhwini bhwonti bhwa Bhayahudi uko Yerusalemu na pa wope bhakwanza imbalonje, pe bhope bhahahoma ahalanga kukwane ukuti atahabhe mulanzi. ²⁵ Nkenya kuti atahombha nalimo lyelihondeye ifwa; loli panongwa ahamuholela Umwene, nkalajizya kumutwala kukwakwe. ²⁶ Loli tenasho ishintu shimo ishakusimba kwa Mwene. Panongwa ino, ninza nawope kukwaho, inkani kukwaho wenewe, Umwene Agripa, ingape ihondeye imbanje ni shintu ishakusimba izya nongwa. ²⁷ Kwekuti nenya italinasho nashimo kumubhiha mupinywa nukusita kulolesya inongwa zyezikumulandata.