¹ Pe kuti Apolo lweamamile Korintho, u Pauli ahajendela lubhazu zya pamwanya nu kufiha mukasi munsi ya Efeso, na ahaga abhasundikwa bhamo uko. ² U Pauli ahamubhuzya, "Pe, muhaposhela Umupepo Umufinjile lweasubhila?" Bhahamubhuzya, "Hagha, tutanga bhwezya pope kwivwa ukuti Umupepo Umufinjile." ³ Upali ahati, "Isalizi imwe muhozelwa bhuli?" Bhahati, "Mukasi mulozyo lwa Yohani. ⁴ Pe u Pauli ahamula, "Yohani ahozelwa ku lyozyo ulwa lupinduho. Ahabhabhuzya bhala abhantu kuti yihondeye kusubhila wula we ayinzile mwisinda lyakwe, wu, u Yesu." ⁵ Abhantu lwe bhivwa izwi ili, bhahozelwa kwi zina lya Mwene u Yesu. ⁶ Pe yamile u Pauli ahabhiha inyobhe yakwe pamwanya yabho, Umupepo Umufinjile ahinza nabho nu bhahanda kuyanga kunjango nu kukubhwa. ⁷ Ubhwinji bhwabho bhamile abhanavuli bhebhali ishumi nu zibhili. ⁸ U Pauli ahabhala mukasi sinagogi ahayanga ku maha kuhabhalili aha mezi gatatu. Amamile akulongozya izyakuyanjizyanwa nu kubhakwesa abhantu yikwanzibhwa ivintu vwevihondeye ubhumwene bwa Mulungu. ⁹ Loli Abhayahudi bhamo bhamile bhakida na bhebhatakwivwila, bhehahanda kubhomba amabhibhi gagakwanzibhwa kwidala lya Kiristu pilongolela lya impuga. Pe u Pauli ahalehana nabho ahabhapagula bhebhakusubhila pabhutali nabho. Wope ahanda kuyanga insiku zyonti mukasi mwibwalo lya Tirano. ¹⁰ Ili lihajendelela ku maha gabhili, pe lelo, bhonti bhamile bhahatendamaga mukasi Asia bhahivwa izwi lya Mwene, bhonti Bhayahudi na Bhayunani. ¹¹ U Mulungu amali ahabhombaga imbombo impiti ku nyobhe zya Pauli, ¹² kuti pe abhabhinu lwebhahaponaga, nu mupepo umunyazu zihabhepa, bhabhalilo lwebhakula ilenso na menda zyezyafumile mumubhili mwa Pauli. ¹³ Loli pamile Abhayahudi bhebhahapizyanwaga ni pepo bhahajendaga kufumila ubhuzilo ubhu, bhahabhombela izina lya Yesu panongwa ya mbomb zyabho bhubho. Bhakubhabhzya bhala bhamile ni pepo inyazu; Bhahati, "Nkubhabhuzya mufume kwizina lya Yesu kuti Pauli akulumbilila." ¹⁴ Bhahabhomba iga bhamile bhasano na bhabhili abhashiputo Abhapiti bha Shiyahudi, Skewa. ¹⁵ Impepo inyazu ahamula, "Uyesu mumanyile, nu Pauli mumanyile; loli imwe mwe bhananu?" ¹⁶ Wula impepo inyazu mukasi ya muntu yihabadomoshela abhashimbizya impepo na ahabhapota kumaha nu kubhahoma. Pe ahashimbila kufuma kula kunyumba bhamile sitakubha na mande nu kubhavwalanza. ¹⁷ Ivintu ivi lihabhonenkana ku bhantu bhonti Bhayahudi na Bhayunani kuti bhatendamaje uko Efeso. Bhamile ni lyoga inkani, na kwizina lya Mwene lihonjela kushindikwa. ¹⁸ Bhope, abhinji bha bhasubhalilwa bhahinza nu kulemenkana nu kubhiha ombombozyabho pabhuzelu imbibhi zyebhahazibhomba. ¹⁹ Abhinji bhamile ubhuganga bhahabhnganiha ivitabu vwabho, bhahavimbemba pilongolela lya muntu wonti. Habhalilo habho lwebhabhabhelenga ubhushinzi bhwa vintu ivyo, yamile vipusa ishumi 50000 vwa feza. Pelelo ²⁰ Izwi lya Mwene lihajendelela ku bhupiti inkani mukasi mumaha. ²¹ iya Pauli kuyananwa kumbombo yakwe kula Efeso, Umupepo ahalongozwa kubhala ku Yerusalemu kufumila Makodenia na Akaya; Ahati, "Ashili uko, yihondeye kunyosya Roma yope." ²² Pauli ahabhasotelezya Makedonia abhasundikwa bhakwe bhabhili, Timoti na Erasto, ukuti bhamile bhamwavwizye. Loli uwene wuyo ahaswala Asia ku bhahabhalilo. ²³ Ahabhalilo iho kuhafumila ifuo impiti uko Efeso kuyanzila lila idala. ²⁴ Sonara woka izina lyakwe Demetriko, ukuti weahagomba iviholanyo vwa feza zya mulungu Diana, ahaleta ubhuchuluzi ubhupiti ku bhagomba. ²⁵ Pelelo ahabhabhunganiha abhagomba bha mbombo iyo nu kuyanga,"Bhashindishe, mumanyile kuti mukasi mubhuchuluzi ubhu iswe tukwinjizya impiya inyinji. ²⁶ Mukwenya nu kwivwa kuti, te panapa Efeso, loli palamila Asia gonti, uyo Pauli abhasonzye nukubhagalusyanya abhantu abhunji. Ahayanga ukuti yitalipo imilungu ingape yibhombile ku nyobhe. ²⁷ Pe te vwetuli ilyoga ukuti ubhuchuluzi bhwitu yikubha yitakwanzibhwa sona, loli pope ni ihekalu lya mulungu mwantanda weamali mupiti Diana angabhwezya kunyatulwa kuti atali nashimo. Sona angabhwezya pope kutezya ubhupiti bhwakwe, uwene ukuti Asia na nsi zikumuputa." ²⁸ Lwebhivwa aga, bhahizula ni shilaha nu bhahahoma ishingo, bhahati, "Diana wa Bhaefeso we mupiti." ²⁹ Munkaya yonti bhahinza nkufujo, na bhantu bhahashimbila poka mukasi ya luhomano lwa kwimbila. bhahabhalema abhalendo abhamwabho nu Pauli,Gayo na Aristariko, bhahasebha Makedomnia. ³⁰ Upauli ahanzaga kwinjila mukasi yipunga ya bhantu, loli abhasundikwa bhahamudindila. ³¹ Pope, bhamo bha bhalongozi bha nkaya ya Asia ukuti bhamile bhamanyani bhakwe bhahamutwalila amazwi ku maha kumulabha atahinjile mukasi munyumba iya kwimbila. ³² Bhamo ya bhanti bhamile bhahayangaga ishintu shimo na ishamwabho ishintu shila, panongwa ubhwinji bhwa bhantu bhwali bhwapungune. Abhinji bhabho bhatali bhakumanya kuti shoni bhahinza poka. ³³ Abhayahudi bhahamuleta Isikanda panzi ya impuga ya bhantu nu kumubhiha pamwanya pilongolela lya bhantu. Iskanda ahafumwa ishimanyilo ku nyobhe zyakwe kufumwa ivimanyisyo ku bhantu. ³⁴ Loli bhahamanya kuti uwene wuyo wu Muyahudi, bhonti bhahazuma ishongo kwi zwi lyoka ku habhalilizyo ha sala zibhili, "Diana ni mupiti wa Efeso." ³⁵ Pe umulonzi wa nkaya kubhupumilizya ubhwinji ahati, 'Imwe bhanavuli bha Efeso, wu nanu weatamanyile kuti inkaya ino ya Efeso musengula wa shibhanza sha Diana umupiti ni shila ishizyunguli vweshihagwa kufuma kumwanya? ³⁶ Kwenya ipo ukuti imbombo izi zitangabhombeha, tuhondeye kuti nu ubhutulivu na mutahabhombe shoshonti kwa nalubhilo. ³⁷ She kuti mwabhita abhantu abha apa pabhulonzi kuti te bhibha bha tempeli pamo te bhali kumugalulila umulungu witu umwantanda. ³⁸ Pelelo, inzavwe Demetrio nu bhagomba bhebhalipoka nawo bhana bhakulonga pamwanya ya bhantu bhobhonti, ubhulonzi bhwope bhuli pabhuzelu na maliwali bhalipo. Pe bhabhalete pilongolela lya nongwa. ³⁹ Loli inzavwe iwe ingawalondola shohonti kusibha imbombo izyamwabho, gagabhombeha mukasi mukuyangana mubhugolosu. ⁴⁰ Kwanalyoli tuli mukasi mubhugolosu muvulugu insiku ili. Patalipo inongwa iya mbibhi iya, pe tulalibha na ubhubhwezo ubhwa kugayanjila. ⁴¹ Pe lweayanga iga, ahabhasasya uluhomano.