¹ Lwe shili imbombo iyo,Upauli ahepa Athene kubhala Korintho. ² Uko ahamupa Muyahudi akutakwa Akwila umuntu wa inkolo lya Ponto, uwene nu mushi wakwe akwitwa Prisila bhahinza kufuma uko Itali, panongwa Klaudia ahazula Abhayahudi bhonti bhepe Kuroma; Pauli ahinza kukwabho; ³ Pauli ahatendama nu kumbomba imbombo nabho shoni uwene ahabhomba imbombo yeyikuholana na bhabho. Abhane bhamile ni bhahagombaga amaha. ⁴ Pauli bhahabhuzyanwa nabho mukasi sinagogi insiku zyonti izya Sabata. Ahabhamulila Abhayahudi poka na Bhagiriki, ⁵ Loli Sila na Timoti bhahinza kufuma Makedonia, Pauli ahabushila nu Mupepo kubhabhuzya Abhayahudi kuti Uyesu we Kirisitu. ⁶ Bhabhalilo Ahabhaloli bhahamuhana nu kumusufwa, ishi u Pauli ahakunyunta amenda gakwe pilongolela lakwe, nu kumubhuzya, "Ibhanda lyinyu na libhe pamwanya yitwe lyinyu mweme; Ine ntali ni kosa. Kufuma isalizi nu kujendela, nabhahajendelela Munsi". ⁷ Pe uyo ahepa kufuma kula ahasogola ku nyumba iya Tito Yusto, Umuntu webhakumuputa Umulungu. Inyumba yakwe yili papipi. na masinagogi. ⁸ Kripspo, mlongozi wa sinagogi poka na bhantu abha nyumba mumwakwe ahabhasubhila Mwene. Abhantu abhinji wa Korintho bhebhahamwivwa u Pauli akuyanga nu kozelwa. ⁹ Umwene ahabhabhuzya Pauli ubhusiku kwidala ilya vilota, "Utahanyile, loli yanga na utahapume. ¹⁰ Shoni indipoka niwe, na atalipo weangabhananganwa kukuvwalazya, she ndili na bhantu abhinji mukasi munkaya umu". ¹¹ Pauli ahatendama uko ku habhalilo na mezi sita akumanyizya izwi lya Mulungu mubhamwabho. ¹² Loli u Galio lweabhombwa umwenesho wa Akaya, Abhayahudi bhahimilila shingunga nu Pauli nu kumutwala pilonolela yi tengo lya bhulonzi, ¹³ bhahati, "Umuntu uno abhabhuzya abhantu bhamuputaje uMulungu uwashinguga sha nkomelezyo". ¹⁴ Ahabhalilo u Pauli lweamali akwanza kuyanga, Galio ahabhabhuzya Abhayahudi, "Imwe Bhayahudi, inzavwe yikwanzibhwa likosa pamo kunangan'wa nkeyili ahinza kubhabhombela. ¹⁵ Loli panongwa ndili ni bhuzyo, gegakwanzibhwa amazwi na mazina, ni ndajizyo zyinyu, pe longanaji imwe mwemwe. Ine ntahondeye kuti mulonzi kwi zwi lya mbombo izyo." ¹⁶ Galio ahabhabhuzya bhasogoe pilongolela yi tengo lya bhulonzi, ¹⁷ Pelelo, bhahamulema Sosthene, umulongonzi wa sinagogi, bhahamuhoma pilongolela lya bhulonzi. Loli u Galio atahenya she bhakushibhomba. ¹⁸ Pauli, lweashili kutendama pala kuhabhalilizyo ahatali, ahabhaleha umujenzi nu kubhala ku vonti Siria poka nu Prisilia nu Akwila. Lwe ashili kwepa kubandali, ahefwa insinsi zyakwe shoni amamile alafile kuti Muputila. ¹⁹ Lwe bhafiha Esefo, Pauli ahabhaleha Prisila nu Akwila pala, loli uwene wuyo ahinjila ku sinagogi nu kuyangana na Bhayahudi ²⁰ Lwe bhamubhuzya u Pauli atendame ku habhalilzyo aha bhutali, uwene ahahana. Loli ahepa kukwabho, ahabhabhuzya, "Ndgalushila sona kukwinyu, inga lugano lwa Mulungu". ²¹ Lweyafiha apo, ahaepa kwi voti kufuma Efeso. ²² Pauli lweayiha Kaisaria, ahazubha kubhala kumulamuha Itempeni lya Yerusalemu, pe ahiha pansi ku shibhanza asha Antiokia. ²³ Lwe atendama kuhabhalilo hala, u Pauli ahepa kufumila izwi lya Galatia nu Frigia na kubhasubhalizya umwoyo abhasundikwa bhonti. ²⁴ Umuyahudi woka weakutaaakwa Apolo, weahapapwa uko Alexandria, ahinza Efeso. ahinza nu kubhumwamu mukasi kuyanga na ahinza mukasi Mumasimbo. ²⁵ Apollo amile bhamubhuzilizye mukasi musambilizi ga Mwene. Ku namuna vweyamile na maha mukasi mumupepo, ahayanga nu kusambilizya ku bhwanalyoli ivintu vwevikumwanza u Yesu, pe amanyile bhulo ulyozyo lwa Yohani. ²⁶ Apolo ahanda kuyanga ku bhujimvu mukasi yihekalu. Wope Prisila nu Akwila lwebhivwa, bhahabhomba ubhumanyani nabho nu kumubhuzya pamwanya yi daa lya Mulungu ku bhwanalyoli. ²⁷ Lweasungwa kwepa kubhala Akaya, umujenzi bhahamusubhalizya umwoyo nu kubhasimbila izwi abhasundikwa bhebhali Akaya ingape bhapate kumuposhela. Lweafiha, ku bhwila ahabhavwa inkani pala bhebhatasubhiye. ²⁸ Kumaha gakwe ni njele zyakwe, u Apolo ahabhapota Abhayahudi pabhuzelu akulolesya kufumila amasimbi ga kuti u Yesu we Ukirisitu.