¹ Pe lwebhajenda mukasi munkaya ya Amfipoli nu Apolonia, bhahahinza paka munkaya wa Tesasalonike ukuti kwamile na sinagogi lya Bhayahudi. ² Inzavwe yali kufuma hali ya Pauli, ahabhala kukwabho, nu ku habhalilo wa nsiku zitatu zya Sabata bhahayangana nabho pamwanya ya masimbo. ³ Amali akubhigulila amasimbi nu kubhabhuzya kuti, likumwanza Ukirisitu azelufwe nu pe kuzyuha sona kufuma ku bhafwe. Ahabhabhuzya, "Uno Uyesu wekubhabhuzya amzwi zyakwe nalyoli Kirisitu" ⁴ Bhamo Abhayahudi bhahabhuzyanwa kubhapoka nu Pauli nu Sila, poka nu Wagiriki bhebhamulungu, abhamayi abhinji abhaluma ilenga ni puga impiti lya bhantu. ⁵ Loli bhamo iya Bhayahudi bhetebhasubhila, bhebhizuye nu ubhwivu, bhahabhala kumunalo nu kubhasenda bhamo iya bhantu abhabhibhi, bhahabhungana impuga ya bhantu poka, nu kusubhila kunsibho munkaya, she kuti bhahayivwamilila munyumba ya Jason, bhakwanza kubhalema Pauli nu Sila ingape kubhaletaa pilongolela zya bhantu. ⁶ Loli lwebhabhananganwa, bhahanulema Yasoni na bhamo ya bhajenzi abhamwabho nukubhatwala pilongolela ya bhalongozi bha nkaya, bhahazumaga ishongo, "Abha abhanavuli bhebhahagalunsanya abha munsi bhafisile paka uku bhope, ⁷ Abhanavuli abha bhebhahabhakalibisya nu Yasoni bhakunanganwa inkomelezyo ya Kaisari, bhahayanga kuli bhumwene abhamwabho weakumwita Yesu" ⁸ I mpuga nu bhalongozi bha nkaya lwebhivwa imbombo igo, bhahinjila ni lyoga. ⁹ Lwe iya kuti bhahamala kunyatula feza iya mushinzi kufuma kwa Yasoni nu bhamwabho, bhebhahaleshela bhasogole. ¹⁰ Ubhusiku bhula abhajenzi bhebhasontelezizye Pauli nu Sila Beroya. Pe lwbhahivwa kula bhahabhala ku sinagogi lya Bhayahudi. ¹¹ Abhantu bhala bhebhali mukwelebhwa ukupita kulusya bhala abhantu wa Sesalonike, panongwa bhamile nu ukumalilizya kuyiposhela izwi ku njele zyabho, nu kufwatilila amasimbi kila iku ingape kwenya inzavwe amazwi gegahayangwa vwegali. ¹² Pekuti abhabhinji bhabho bhahasubhila, bhakubha bhantanda bhebha kushawishi ubhupiti wa Kigiriki nu bhanavuli abhinji. ¹³ Loli Abhayahudi bha Sesalonike pebhahamanya kuti Pauli akuholela izwi lya Mulungu uko Beroya, bhahabhala uko nu kuzunjizya pe kuti kwandila kunsibho ku bhantu. ¹⁴ Ku lubhilo, bhajenzi bhahamutwala Pauli kwidala lwa jenje, loli Sila nu Timotheo bhahasyala pala. ¹⁵ Bhala abhajenzi bhehamutwala Pauli bhahabhala paka Athene, pe bhahamuleha Pauli uko, bhahaposhela indajizyo kufuma kukwakwe kuti, Sila nu Timotaheo bhinze kukwakwe ku lubhilo vweyikwanziwa. ¹⁶ Pe ahabhalilo akubhalindilila uko Athene, umpepo wakwe ahahalilzwa mukasi yakwe kwilyo lweahenya munkaya lweyihizula ishiholanyo ishinji. ¹⁷ Peubhwo bhahayanga mukasi sinagogi na bhayahudi bhala bhebhakumuputa Umulungu nu ku bhala bhonti bhebhahahomana nawo kila siku kumunalo. ¹⁸ Loli bhamo ya Bhanafalsafa wa Waepikureo nu Wastoiko bhahamupalamila. Pe abhamwabho bhahati, "Pe shoni sheakushiyanga uyo muyanzi umuteteta? Abhamwabho bhahayanga, "yeyikulolenkana akulumbilila izwi lya mulungu umujeni," panongwa ahalumbilila izwi lya Yesu nu kuzyuha. ¹⁹ Bhahamunyatula Pauli nu kumuleta Araopago, bhahati, "Tunga manya izi isambilizyo ipwa geukugayanga? ²⁰ Panongwa ukuleta shintu ishipwa mukasi mwikutwi lyitu. Pelelo tukwanza kumanya iga ivintu gali bhulibhuli?" ²¹ (Pe abhantu bhonti bha Athene poka na bajeni bhebhalipo kukwabho, kubhombela ahabhalilo habho lumo mukasi kuyanga nu kwivwila pamwanya mbombo ipwa.) ²² Pelelo Pauli ahimilila pakasi ya bhantu abhantu bha Areopago nu kuyanga, "Imwe bhantu bha Athene, kwenya kuti imwe bhantu bha dini kwa kila shoshonti, ²³ Shoni mukasi kufumila kukwane nu kwenyelazya ivintu vwinyu vwa kuputa, nenya amazwi gegasimvilwe ku poka apafinjile pinyu, likuyanga "KWA MULUNGU WA ATAKYMANYIHA" .Pe lelo, uyo wemukuputa kusita kumanya, nalyoli nenkubhabhuzya imwe. ²⁴ Umulungu weahagomba munsi nu kila shintu sheshili mukasi, kwekuti ni Mwene wa kumwanya na pansi, atangatendama mukasi muvibhanza gegahagombwa nu kunyobhe. ²⁵ Pope pe atabhumbelwa nu kunyobhe kana kuti akwanza ishintu shoshonti kwabho, shoni uwene wuyo akubhapa abhantu ubhulanzi nu vintu ivwamwabho vwonti. ²⁶ Kutumila umuntu woka, ahabhomba munsi yonti iya bhantu bhebhakutendama pamwanya minso bha munsi, ahabhabhishila ahabhalilo nu bhuzilo mukasi amazwi bhebhakutendama. ²⁷ Pelelo ubhwo, yihondeye kumulondola Umulungu, lumo bhamufishile nu kumupa, nu kwa ubhugolosu nabhumo kubhutali na kila woka witu. ²⁸ Kukwakwe tukutendama, tukujenda na kuti nu ubhulanzi bhwitu, inzavwe bhulo mugomba winyu woka wa shairi lweahivwa 'bhulo mupapilwa wakwe.' ²⁹ Peleelo, pekuti iswe twe bhapapilwa bha Mulungu, tutakwanzibhwa kusibhilila kuti ulungu inzavwe zahabu, pamo shaba, pamo mawe, ishiholanyo kubhumata na sibho ya bhantu. ³⁰ Ingalumo, Umulungu ahapumilizya ahabhalilizyo hala aha bhuyubhwi, loli isali ahondeye umuntu wonti wula bhuzilo bhabhe bhakusatulwa. ³¹ Ili panongwa abhisile isiku lyakulyanza inongwa pansi kwa bhugolosu ku bhantu ukuti ahamusalabhula. Mulungu ahafumwa ubhugolosu uno kwa kila muntu pala peahamuzusya kufuma ku bhafwe. ³² Pe abhantu bha Athene lwebhahivwa izwi lya kuzusya kubhafwe, bhamo bhabho bhahamusufwa Pauli, ingape abhamwabho bhahayanga "Tukujelezya sona ke mazwi ga vintu ili" ³³ Pe apo, Pauli ahabhaleha. ³⁴ Loli bhamo iya bhantu bhahabhungana nawo bhahasubhila, angayima Dionisio Mwareopago, nu Mwantanda weakwitwa Damari na bhamwabho poka nabho.