¹ Abhantu bhamo bhahiha kufuma Mubhayahudi pe kubhasambilizya abhajenzi, ahayanga, "ingamutabholwa inzavwe indajizyo zya Mose, mutangabhwezya kupokwa." ² Habhalilo Pauli nu Barnaba lwebhali kupotana na mazwi pokanabho abhajenzi bhahamula kuti u Pauli, Barnaba,na bhamwabho bhamu bhabhale Yerusalemu kwa bhapositili na basongo panongwa ya mbuzyo ili. ³ Pe ubhwo, ukusontelezya kwabho ni shibhanza, bhahajendela ku Foinike na Samaria bhahayanga kugalusyanwa nsibho ku iya bhansi. Bhahaleta ulusankano impiti ku bhajenzi bhonti, ⁴ Lwebhinza Yerusalemu, bhahakalibisya ni Shibhanza pe abhasundikwa na bhasongo, pe bhatahatwala amazwi ago mbombo zyont zye u Mulungu abhombile poka nabho. ⁵ Loli abhantu bhamu bhebhalinulwitiho, bhebhamile mukasi muluhomano lwa Mafarisayi, bhahimilila nu kuyanga, "pe hinza kubhabhola kubhalajizya bhayileme inkomelezyo ya Mose." ⁶ Ubhwo abhasundikwa na bhasongo bhahimilila bhahimilila poka tuhasibhililaili izwi. ⁷ Pe lwe bhapangana kuhabhallo ahatali, u Peteli ahimilila nu kuyanga kukwabho kukwabho, "Bhajenzi mumanyile kuti ahabhalilo ahinza hehashizile uMulungu ahabhomba kusebha pakasi yinyu, kuti kwi lomo wane Munsi bhivwe izwi ilya lumbilizi, nu kusubhubhila. ⁸ Umulungu, wamanyile amoyo, akusimishizya kukwabho, akubhapa Umupepo Umufinjile, inzavwe ahabhomba kukwitu; ⁹ pe kugomba kuleganwa pakasi yinyu na bhabho, akubhomba amoyo amazelu ku lwitiho. ¹⁰ Pe ubhwo shoni mukumuyezya u Mulungu kuti mubhe nsibho pamwanya ya nsingo zya bhasundikwa zye nabhatata bhwitu awe iswe tutahabhwezya kujimba? ¹¹ Loli tusubhiye ukuti tulpokwa ku bhwila bhwa Mwene u Yesu inzavwe vwamile." ¹² Uluhomano lyonti yihapuma pe bhahamu pebhamile kutejelezya Barnaba nu Pauli pebhahafumwaga indajizyo iya shimanyilo na ivwakubhonesya ukuti u Mulungu ahabhomba poka nabho kuti ya bhantu bha munsi. ¹³ Lwe bhaleha kuyanga, Yakobo ahatamula ahati, "Bhajenzi nivilizye. ¹⁴ Usimoni agalushila pabhwandilo Mulungu ku bhwila ahabhavwa Munsi ingape kuti ayajile kufuma kukwabho abhantu panongwa yi zina lyakwe. ¹⁵ Amazwi ga bahamukwibhwi gakusubhalilwa pe ili inzavwe lisivilwe. ¹⁶ 'Pe lwegashila ivintu ivo ndigaluha nukujenda sona hema ya Daudi, yeyihagwa pansi; ndizuvwa nu kutendama ubhubhibhi bhwakwe, ¹⁷ ingape abhantu bhebhasyaye bhamulondole Umwene, poka na bhantu bha Nsi bhebhahitwa izina lyane.' ¹⁸ Pe ubhwo lweakuyanga Mwene vweahabhomba ivintu ivi atakumanyinkana kufuma ahabhalilo aha hali. ¹⁹ Ubhwo lelo, kubhasoha kwane pe, kuti tutahabhape amayimba abhantu abhansi hebhakumugalushila u Mulungu; ²⁰ loli tusimbe kukwabho ukuti bhayefwe pabhutali mbibhi izya shifwani ishinyonywa isha bhumalaya, navwe bhanyonzile, ni bhanda. ²¹ Kufuma impapo iya bhagosi kuli na bhantu muyonti penkaya yebhakulumbilila nu kumumanyila uMose ivwa Sabata." ²² Pe ubhwo yihaloleha kuti yihondeye abhasundikwa na bhasongo, poka ni shibhanza shonti, kumushebha Uyuda webhahamwitizyaga Barsaba, na Silas, pebhamile bhalongozi bha Vibhanza, nu kubhatuma Antiokia poka nu Pauli nu Barnaba. ²³ Bhahasimba ishi, "Mupositili, abhagosi na bhajenzi, kwa mujenzi wa Munsi bhebheposhelilwe Antiokia, Shamu nu Kilikia, kulamuha. ²⁴ Tuhivwa kuti abhantu bhamu bhetutabhapa indajilo iyo, bhahafumwa kukwitu nukubhayinvwa kumanyizyo zyezikuleta amayimba mumoyo ginyu. ²⁵ Pe ubhwo yilolesile hinza kukwitu twenti kusebha abhantu nu kubhasontelezya kukwinyu poka na bhagan'wa bhitu u Barnaba nu Pauli, ²⁶ abhantu pebhali yifumizye ubhupuma bhwabho panongwa yi zina lya Mwene Yesu Kirisitu. ²⁷ Pe ubhwo bhutusontelezizye u Yuda nu Sila, bhalibhabhuzya imbombo zinizyo. ²⁸ Kwekuti yihaloleha hinza ku Mupepo Umufinjile nu kukwitu, kwepa pamwanya yinyu ishinyatulwa ishipiti kulusya imbombo izi zye izi zye zyalazima: ²⁹ kuti mugalunkane kufuma mu vintu vwevikufumwa kuvifwani, ibhanda, ivintu ivwa kunyonwa, nu bhubhembu. Inzavwe muliyibhiha pabhutali nivi, yilbha hinza kukwinyu. Ku bhumalilo." ³⁰ Ubhwo lelo, vwebhahasatan'wa , bhahishila ku Antiokia; Pe lwe bhabhunganiha impuga poka, bhahatwala ukarata. ³¹ Lwe bhayisoma, bhahahobhoha panongwa pwe lwe bhabhagomwa umwoyo. ³² Uyuda nu Sila, nu mukubhwi, bhahabhamutiya umwoyo umujenzi kwi zwi aminji nu kubhapa amaha. ³³ Lweashili ya kutendama ahabhalilo hamu uko, bhahasatana ku lwitiho kufuma ku bhajenzi kubhala bhebhasontelezizye. ³⁴ [Loli yihabhonenkana hinza Usila kusyala uku] ³⁵ Loli u Pauli pe abhamwabho bhahatendama Antiokia poka na bhamwabho abhinji, bhe bhahamanyizya nu kulumbilila izwi lya Mwene. ³⁶ Pe lwe insiku zimo u Pauli ahayanga kwa Barnaba, "Pe tugalushe lelo nu kubhajendela abhajenzi munsi ku nkaya petuhalumbilila izwi ilya tata nukubhenya vwebhali. ³⁷ Pe lwe insiku zimo uPauli ahbayanga kwa barnaba, pe tugalushe lelo nu kubhajendela abhajenzi mu yonti ye nkaya. lwe twalumbilila izwi ilya tata, nu kubhenya vyebhali. U barnaba ahanza pope kumsenda pokanawe uyohana webhahamwitaga wu Mariko. ³⁸ Loli upaulo ahasibhilila yitari hinza kumsenda Umariko , wahabhaleha uko ku Pamfilia peatahajendelela nabho mu mbombo. ³⁹ Pe ipo kuhafumila kudalinkana ukupiti pe ubhwo bhahapotana, nu Barnaba ahamunyetula u Mariko nu kushula kwi voti paka Kipro, ⁴⁰ Loli Pauli ahamusebha uSila nu kwepa, pe lwe bhamupa na bhajenzi ku bhwila bhwa Mwene. ⁴¹ Pe ahabhala kujendela mu Shamu nu Kilikia, nu kugomba ivibhanza.