¹ Yihafumila mukasi iya Ikonio kuti u Pauli nu Barnaba bhahinjila poka mukasi ya sinagogi ilya Bhayahudi nukunjozya nukwizya inzawe ishibhunga ishipiti isha bhabtu Abhayahudi na Bhayunani bhahasubhila. ² Loli abhayahudi bhebhatakuyisya bhahabhasonjelezya injele ahansi nukubhabhiha kubha bhabhibhi pebhajenzi. ³ Pe ubhwo bhahatendama uko kuhabhalilo ahatali, bhahayanga ukwa kuyunani ku maha ga Mwene, uko akufumwa ulusimishizyo ulwa mazwi lya bhwila bhwakwe. Ahabhomba ubhu ngape kufuma ishimanyisyo ni vwakuswijisya vibhombwe kunyobhe izya Pauli nu Barnaba. ⁴ Loli ulubhazu ulupiti ulwa nsi luhasatana: bhamo abhantu bhamile poka na Bhayahudi, na bhamu poka na bhasundikwa. ⁵ Lwe abhansi na Bhayahudi lwebhayazya kubhasobha abhalongozi bhahbo kubhabhombela habhibhi nu kubhafwanta mabhwe Pauli nu Barnaba, ⁶ bhahalimanya ilyo nu kushimbilila munsi iya Likaonia, Listra na Derbe, nu lubhazu lwe lukubhazyungula pala, ⁷ pe uko bhahalumbilila izwi. ⁸ Pe uko Listra pali numuntu woka wahatendamaga, atali na maha muvinama mwakwe, alemaye kufuma mukasi mwa mayi wakwe, atapezle ajende nalumo. ⁹ Umuntu uyo ahamwivwa Pauli akuyanga. Pauli ahamudanulila nu kwenya kuti amali nu lwitiho ya kumupon'wa. ¹⁰ Pe ahayanga kukwakwe ku zwi pamwanya, "Yililila kuvinama vwaho." Na wula umuntu ahanunka pamwanya nu kwanda kujenda. ¹¹ Ubhwinji lwe bhwenya she ashibhomba u Pauli, bhahazuvwa izwi lyabho, bhahayanga mukasi munjango iya Kilikaonio, " milingu yatwishila kubhuntu." ¹² Bhahamwitaga Barnaba "Zeu," nu Pauli "Herme" panongwa amali muyanzi umupiti. ¹³ Umuputi wa Zeu, lwe ipempeli lyakwe lyamile panzi ya nkaya, ahaleta ubhwinza bhwa ng'ombe ni visugwa vwa mauwa paka pilyango lya nkaya, uwene nu bhwinji bhahasanzaga kufumwa isha bhwila. ¹⁴ Loli abhasundikwa, Barnaba nu Pauli, lwebhivwa ili, bhahasansulan'wa amenda gabho na lubhilo bhahabhala kunzi kuwinji, bhahalila ¹⁵ pe bhahati, "Imwe bhantu, shoni she mukubhomba vintu iivi? Niswe bhulo swe bhantu twe bhansibho nzavwe zya kuwinyu. Tukubhaletela anzwi aminza, ukuti mugalunkane ufuma ku vntu ivi vwevitahondeye kumujendela uMulungu wealini bhulanzi, wapelile imwanya , ninsi na jenje na shonti shishilipo. ¹⁶ Mukasi muhabhalilizyo zihashila, ahabhtishizya abhamunsi kujendela mwidala lyabho bhwabho. ¹⁷ Loli ashili, atahefwa pepatali na bhasimishizyi, mukasi iyo ahabhomba ahinza nu kubhapa invula kufuma kumwanya na ahabhalilizyo aha vintu, kubhizuzya amoyo ginyu vwa kulya nu kuhobhoha" ¹⁸ Kwekuti ku mazwi aga, Pauli nu Barnaba kumayimba bhayidinda impuga kubhafumizya ishabhwila. ¹⁹ Loli bhamo iya Bhayahudi kufuma Antiokia na Ikonio bhahahinza kuyisyobha impuga. Bhahamuhoma mabhwe Pauli nu kumukwekwesa paka panzi ya nkaya, bhahasibhaga kuti afwe. ²⁰ Pope ubhwo abhasundikwa bhamile bhamile nawo, ahadamula, bhahinjila munkaya. Isiku ilya bhubhili,ahabhala Derde nu Barnaba. ²¹ Lwe bhamanyizya amazwi nu nkaya yila nukubhabhiha abhasundkwa abhinji, bhahagaluha ku Listra, paka Ikoniamu, na paka Antiokia. ²² Bhahajendelela kugomba amoyo aga bhasudikwa abhinji, mu lwitiho, ahati, "Yikwanzikwa twinjile mushinamwene sha Mulungu kujendelela amayimba aminji." ²³ Lwe bhasebha panongwa yabho abhasongo bha wowonti uluhomano lwa bhasubhalilwa, pe bhakubha bhakulabha nu kwigalila, bhahabhabhiha kwa Mwene, we bhabho bhahamusubhila. ²⁴ Pe bhahajenda mukasi Pisidia, bhahafiha Pamfilia. ²⁵ Pe lwe bhayanga amazwi mukasi Perga, bhahiha kubhala ku Atalia. ²⁶ Kufuma uko bhahazubha mwivoti paka Antiokia kwe bhayefizye ku bhwila bhwa Mulungu panongwa ya mbombo ukuti saliz bhamile bhayiyaninwe. ²⁷ Lwebhafiha uko Antiokia, pe kwabhunganisile uluhomano ulwa poka, bhahafumwa amazwi aga mbombo zye u Mulungu abhombile kukwabho, na vwe ahiguliwa ulwij ulwa lwitiho kubhantu abha Nsi. ²⁸ Bhatendama ku habhalilo ahamuda umutali na bhasundikwa.