Lutulo 13
1
Isalizi mushipanga isha Antikia, pali na bhamuabha mkubhwi na bhamanyizyi. Bhali Ubarnaba, Usimioni (webhahamwitizya Nigeri). Ulukio uwa Kireme, Manaeini (umujenzi we te wibhanda uwa Herode umutobhozi uwa lubhazu), nu sauli.
2
Pe lye bhahamuputa Utata nu kuputa, Umupepo Umufinjile ahati, "Mbishile kulubhazu Barnaba nu Sauli, bhayibhombe imbombo yimbitiye."
3
Lwe shibhanza shigalilwa, kuputa, nu kubhiha inyobhe zyabho pamwanya ya bhantu abha, bhabhaleshe bhasogole.
4
Pe u Barnaba nu Sauli bhahamwivwa Umupepo Umufinjile nu lwihakubhala Seleukia; Kufuma uko bhahashula muminzi kubhala ulubhazu ulwa Kipro.
5
Lwe bhali munsi iya Salami, bhahalumbilila izwi ilya Mulungu muvibhanza ivwa Bhayahudi. Pe bhalipoka nu Yohani Marko inzavwe mwavilizwi wakwe.
6
Lwe bhabhala mu bhulanzi lyonti paka Pafo, bhahaga umuntu wumo mulozi, Muyahudi umukwubhwi wilenga, weizinz lyakwe amali Bar Yesu.
7
Mulozi uno ahasanga nabha Liwali Sergio Paulus, weamali muntu uwanjele. Umuntu uno ahabhalanjila Barnaba nu Sauli, panongwa ahanzaga kwivwa izwi lya Mulungu.
8
Loli Elima" wula umulozi"(ubhwo vwezili izi na lyakwe lihelebhulwa) ahabhahana; ahayezya kumugalunkan'wa wula uliwali afumwe mu lwitiho.
9
Loli Sauli weahamwitaga wu Pauli, pe ayizuzwe nu Mumupepo Umufinjile, ahamudanulila aminso
10
pe ahayanga "Iwe we mwana wa mukwalanzi,uyizuye ni vintu vwonti ivwa bhubhibhi nu bhupotwe. Iwe wd mulwani uwa bhwobhwonti ubhwo nalyoli. Tuhaleshela kugalunkana amadala ago tata, zyezigoleshile, pe ungambwezya?
11
Isalizi yenya, inyobhe ya Mwene yilipamwanya yaho, pe tiubhe we tonko. Teulyenye izubha kuhabhalilo" pe lyoka ulubhesu ni shisi vihagwa pamwanya iya Elimas; ahanda kuzyungula pala nukubhala abhantu bhamutobhole nu kumulema inyobhe.
12
Pe lwe liwali kwenya shashafumila, ahitiha, kwekuti ahaswijisya kuvimanyizyo ivwa Mwene.
13
Pe upaulo na bha manyani bhakwe bhahashula kubbwinza kufuma ku pafo nu kufiha ku perge mupamfilia .loli uyohani ahabhaleha nukugaluha Muyerusalemu.
14
U pauli nabhamanyani bhakwe bhaha ha shula kufuma ku Perge nu kufiha ku Antokia iya pisidia .uko bhahabhala mu shibhanza isiku ilya sabato nu kutendama pasi.
15
Pelwa manyila indajizyo na bhamkubhwi ,abhato bhozi abha shibhanza ahabhalajizya izwi ahati, ''Bhajenzi inga muli nizwi ilya kubhagomwa umwoyo abhantu ipa, yanji"
16
Kwekuti Upauli ahimilila nu kubhimishila inyobhe; ahayanga; ahati, "Bhanavuli abha Izirayeli imwe mulinao mukwivwa u Mulungu, yivilaji.
17
Umulungu wa bhabho abhantu bha Izirayeli ahabhasebha abha tata zyitu nu kubhabhomba abhantu abhinji lye bhahatendama mu nsi ya Misiri, na kunobhe yakwe kwinulibhwa ahabhalongozya panzi yakwe.
18
Ku maha amashumi ahajimbilila munsi ya lugwa.
19
Pe lwe anangan'wa munsi zisano na zibhili munsi iya Kanani, ahabhapa abhantu bhitu insi yabho uku yipwana.
20
Ivintu ivi vyonti vihafumila nkani iya maha ishum zine na ishumi zisano. Pe lwe ivintu ivi vwonti, Mulungu ahabhapa abhakwamula paka Samweli Umukubhwi.
21
Pe lwe iga, abhantu bhahalabha umwene, ubhwo u Mulungu ahabhapa uSauli mwana wa Kishi, umuntu wa nkolo ya Benjamini, kuti mwene kumaha ishumi zine.
22
Pe lwe u Mulungu kumwefwa mubhumwene, ahamuzuvwa u Daudi kubha mwene wabho. Lyamile kusubhila u Daudi ukuti Mulungu ahayanga, 'Namwaga Udaudi mwana wa Yese kuti umuntu ahobhoha nabho ni mwoyo wane; wealimbomba shoshonti shenganile .'
23
Kufuma mu nkolo ya muntu uyo Mulungu ayileta Izirayeli uwakupoha, Uyesu inza vweahalajizya kubhomba.
24
Ili lihanda kufumila, lwa shili u Yesu kwinza, Yohani kubhwandilo ahalajizya ulyozwo kuyisya kubhantu bhonti abha Izirayeli.
25
Wope u Yohani lwe kumala imbombo yakwe, ahayanga, 'Mukusibhilila ine kuti ne nanu? Ine te wula. Loli yivwilagi, akwinza kwisinda lyane, ntahondeye kuzegevwa ivilyatu vwa muvinama wakwe.'
26
Bhajenzi, abhana abha nuluho ulwa Aburahamu, pe bhala bhe pakasi yinyu mukuputa u Mulungu, panongwa yitu kuti amazwi ubhu bhwa kupokwa asontelezizye.
27
Kubhala bhebhakutendama muYerusalemu, na bhakwamulisya bhabho, bhatahamumanya kubhwanalyoli, na pe bhahagan'wa amazwi aga bhakubhwi bhebhakuyanga kila Sabata; pe ubhwo bhahamila azwi aga bhamukubhwi ukwa mukulonga ifwa u Yesu.
28
Pe lwebhahataha yangainongwa inyinza iya fwa mukasi yakwe, bhahamuputa Pilato amugoje.
29
Lwe bhamala ivintu vwonti gegasivilwe kusubhila uwene, bhahamwisya kufuma kwibhula pekumukasya kushilibha.
30
Loli u Mulungu ahazyuha kufuma kubhafwe.
31
Ahalolela ku nsiku inyinji ku bhala bhebhali poka nawope kufuma Galilayi kusogogola Yerusalemu. Abhantu abha isalizi bhasimishizyi bha bhantu.
32
Ubhwo tukubhaleta amazwi aminza aga ndajizyo zyezyebhapata abhasokulu bhitu.
33
Umulungu ahabhiha indajizyo izi kukwitu, abhanabhabho mwilyo ahamuzusya u Yesu kumugalusya sona mukasi ubhulanzi. Ili pe lihasimbwa mukasi Zaburi ya bhubhili: 'Iwe we Mwanawane, ilelo nabha ne Tata waho'
34
Pe kusubhila ubhwanalyoli pe ukuti ahazyuha kufuma kubhafwe ingape umubhili wakwe utahananjishe, ahayanga ishi: 'Ndikupa ubhuzelu nu bhulotwe nalyoli zya Daudii'
35
Ili nalyoli panongwa kuyanga mukasi zaburi izyamwabho, "Ntangabhabhwezya ubhuzelu bhwaho kunya ubhozile.'
36
Kwekuti pe ya Daudi kumubhombela umujenzi wa Mulungu mukasi mumpapo inyinsi, akasite, bhamukatisile poka nu tata bhakwe, pe ahabhwenya ubhunanjisu,
37
Loli webhahamuzusya pe Umulungu atahenya ubhunanjisu.
38
Lwe yimanyishe kukwinyu, mujenzi, kufumila umuntu uno, uluhobhoshelo ulwa mbibhi lukulumbililwa.
39
Ku uwene wula asubhiye akubhelenjelwa ubhugolosu na imbombo zyonti ukuti inkomelezyo zya Mose zitangabhapa ubhugolosu.
40
Pe ubhwo mubhanje bhakwenyelezya kuti ishintu shebhahashiyanga abhakubhwi litahafumile kukwinyu:
41
'Yenya, imwe mwemukusufwa, nu muhaswije nu kusukumila; inzavwe vwe mukubhoma imbombo mu nsiku zyinyu, imbombo lwe zitanga subhila, pope inzavwe umuntu angabhabhwezya."
42
Habhalili u Pauli nu Barnaba lwebhahepa, abhantu bhahamulabha bhayange amazwi iga insiku zya Sabata yeyikwinz.
43
Habhalilo uluhomano lwa sinsgogi lwelwasila, Bhayahudi abhinji na bhamalenga nalyoli bhahabhalandatata Pauli nu Barnaba, ukuti bhahayanga nabho pe bhahabhalazimisya bhajendelele munsi ya bhwila bhwa Mulungu.
44
Sabata yeyihalandata, papipi mukaya yonti bhuhabhungana kwivwila izwi lya Mulungu.
45
Abhayahudi lwebhenya uluhomano, bhahizula nu bhwivu nu kuyanga amazwi gebhapisya ivintu vwevihayangwa nu Pauli nu bhahamuliga.
46
Loli u Paulo nu Barinaba bhahayanga ukwa kuyamini na kuti, ''Yamile hinza kuti izwi ilya Mulungu liyangwe shuti kukwinyu. Inga kuti mkulibunchila kubhutali kufuma kukwinyu.
47
Nukuyenya kuti mkulibunchila kubhatali kufuma kukwinyu nukuyenya kuti mtakwanzibhwa ubhupuma ubhwa shima/yenyaji tubhagalunkanila abhansi Ima vwe utata atulesheye
akuyanga, 'Mbabhishile imwe inzavwe mbaleteye ubhuposhe kwa bhuzulo bhwonti bhwa nsi"
48
Abhansi lwebhahivwa ili,bhahahobhoha kulinula izwi ilya Tata. Abhinji bhebhahasebhwa ku bhulanzi bhwa shima bhahasubhila.
49
Izwi la Mwene lihajenda munsi zyonti.
50
Loli abhayahudi bhahabhuzya bhebhahayfumwa na bhantanda bhebhakwanzibhwa, pe na bhalongozi bha nkaya. Ago gahonjezya amayimba pakasi ya
51
Pauli nu Barnaba pe bhahakunyuta isuto iya muvinama gabho. Pe bhahabhala munkaya iya Ikonia.
52
Na bhasundikwa bhahizula nu luseshelo poka nu Umupepo Umufnjle.