¹ Ahabhalilo iho bhumwene Herode ahagolosya inyobhe yakwe ku bhamo ya bhala bhebhakufuma pa mpuga ingabhanivwe. ² Ahamugoha u Yakabo nu mujenzi wakwe u Yohani kwi panga. ³ Pe lwa yenya yikubhahondezya Abhayahudi, Ahamlema nu Peteli habhili. Ino yali ahabhalilo ahabhuguli bhwe bhutasafile. ⁴ lweamlema, Ahambhiha mwijela pe ahabhiha ivibhunga folo ivyabha silikali inga bhamgulile, Peasubhaliye kumtwala kubhantu pasaka. ⁵ Upetel ahabhihwa mwikoloti, Loli imputo zihaputwa nkani ni mpuga kujulu yakwe kwa mulungu. ⁶ Isiku lwashili uhelode kubhala kumfumwa, Ubhusiku ubhwo uPeteli peakasite pakasi iya bhasikali bhabhili, Lwe ainyilwe ni minyolo yibhili ,Nabhebha kugulila pilongoela ilya shilyango pe bhahagulilaga mwijele. ⁷ Yenya, uhabhizya wa Mwene nalubhilo ahamufuila nu kubhuzelu kuhalama mukasi. Ahamuhoma u Peteli ulubhazu na kumuhozya ahati, "Damuha nalubhili." pe minyololo kweamali akunjilwe yihuguha kufuma munyobhe zyakwe. ⁸ Uhabhizya ahabhabhuzya, "Zwala amenda gaho na zwala ivilyatu vyaho." Peteli ahabhomba ivo. Uhabhizya ahabhabhuzya, "Zwala umwenda waho nu ndandate." ⁹ Pelelo u Peteli ahamulandata Uhabhizya nu kufuma kunzi nu kufuma kunzi. Atahasubhila heshihabhombeha nu habhizya inga shanalyoli. Ahatinji akulola ivilota. ¹⁰ Lwe bhashila apaganile apo bhwandilo napo bhubhili, bhahafiha pamulwango uwa shijela lya kwinjila kubhala kunkaya, lihigulwa lyeka panongwa yabho. Bhafuma kunzi bhahiha mumadala, panapo Uhabhizya ahamuleha. ¹¹ Upeteli lwe ayelebhwa, ahayanga, "Isalizi subhiye kuti Mwene ahamusontelezya Uhabhizya wakwe inga kufumwa mukasi munyobhe ya Herode, nukusubhila ukwabhantu bhonti bha bhayahudi." ¹² Pe lwe bhahayanga iga, ahinza munkaya iya Mariamu umayi wa Yohani wewu Mariko; Bhakirisitu abhinji bhahabhungana bhakuputa. ¹³ Lwe ahodesya ku mulwango uwa kudindila, umubhomvi woka umulindu webhahamwita Roda ahinza kwigula. ¹⁴ Lweahamanya kuti lizwi lya Peteli, kuluseshelo ahapotwa kwigula umulyango, pe ubhwo, ahashimbila mukasi iya munyumba; nukubhabhuzya kuti Peteli ahimilila pilongolela ya Mulyango. ¹⁵ Ubhwo, bhahayanga kukwakwe, "Iwe we bhutakusubhila" Loli ahagomwa kuti nalyoli iwe. Bhahati "Uno we bhuhabhizya wakwe." ¹⁶ Loli u Peteli ahajendelela kuhodesya, Pe lwe bhigula ulwiji, bhahamwenya nu kuswiga nkani. U Peteli ahabhapumilizya kunyobhe ishimwamwa nu kubhabhuzya vwe Umwene vweahamufumwa Mwijela. ahayanga, ¹⁷ "Bhamubhuzye imbombo izi u Yakobo nabhajenzi bhakwe." Pe ahepa ahabhala ulubhazu ulwamwabho. ¹⁸ Pe lwabha musanya, kuhabha kwa shisa ishipiti pakasi iya musikali, kulandata na sheshihafumila kwa Peteli. ¹⁹ Pe lwe Herodi kumulondola natahamwenya ahabhabhuzilizya bhebhakugulilila nukwamula bhagogwe. Ahabha kufuma Kubhayahudi kubhaka paka Kaisaria nu kutendama uko. ²⁰ Herode amamile nai shilaha pamwanya ya bhantu bha Tiro nu Sidoni. Bhahabhala ku poka kwakwe. Bhahabha nu mujenzi nu Blasto uwakumwavilizya wa mwene, ingape abhavilizye Pelelo ahalabha ulwitiho, panongwa ya nsi yabho yihaposhela kufuma mukasi munsi ya bhumwene. ²¹ Isiku lyelyapanjilwe Herode azyawe ivizwalo vwa shimwene nu kutendama kushitengo sha bhumwene, ahabhabhuzya. ²² Abhantu bhahazuma ishongo, "Ili lye lizwi lya mulungu te lizwi lya mwamamuntu!" ²³ Panapo abhahabhizya ahamuhoma, panongwa amamile atakumupa Umulungu ubhumwamu; zihamulya insonsi nu kufwa ²⁴ Loli izwi lya Mulungu lihakula nu kusata. ²⁵ Pe lwe Barnaba nu Sauli kuyananwa imbombo zyabho bhahafuma pala bhahagaluha Yerusalemu, bhahamunyatula nu Yohani we izina lya kupapwa wu Mariko.