¹ Kwa hijho, kwa kubhegha Kilichito akatechike katika m'bhele, mijihwalikajhe chilaha jhela jhela. Jhwene jwatechikajhe katika m'bhele abhokine na jhambe. ² Mundo jhonjo ahendelehajhe kabhena kuhichi katika tamaha jha m'bhele, bale kwa mapenje gha Chapanga, kwa mahicha ghake ghighachalihe. ³ Kwa kubhegha muda ghwaupetite utocha kutenda mambo ambagho bhamatahipa bhipala - upichade, niha mbajha, ulepi, ulape, cherehe hya kipaghane na hibada jha chanamo hyina machikicho. ⁴ Bhiholela ni hajabo pimijihepucha kutenda mambo ghanga pamo nabho, hipyo bhibhena mahopu panane jhino. ⁵ Chabhabhohajhe hechabo kwake jwabhile tajhale kuhumo bhibhabhile hajhe na wapo. ⁶ Kwa kuchude lende hinjile ile ihubilighwe kwabhe bhibhakwichite kuhwegha, kwamba ijhapokubhegha bhakakwichite kuhukumighwa katika mibhele jhabhe nkema bhanadamo, ile bhahweche kuhichi kulengana na Chapanga katika mwojho. ⁷ Mwicho ghwa mambo ghote utenda kuhikwa hijho, m'byeghe na upwahamo ghubhile chahihe, na m'byajhe na niha njema kwa hajile jha majhopo ghino. ⁸ Kabula jhamambo ghote, mbhyajhe na bidihe katika upalo kwa kila jhumo,kwa kubhegha upalo upalahajhe kuhyekula jhambe jha bhangine. ⁹ N'dangihajhe ukalimo kwa kila jhumo bila kunung'unika ¹⁰ Nkema ambapyo kila jhumo ghwino chaapokile kalama, mitumihajhe katika kuhudumihana, nkema akachimamiche ghwema bha kalama jhamahena jhibhohitwe jhajhe na Chapanga. ¹¹ Nkema mundo alongela, na ibheghe nkema mahuchiha gha Chapanga, na nkema mundo akihudumo, na ibheghe nkema uhwecho ghwa ampekihe Chapanga, ile kwamba kwa kila jhambo Chapanga apate kutukuchwa kupetela Yesu Kilichito. Utukupo na uhwecho hibhile na jhwene milele na milele. Amina. ¹² Wapendwa, mangahechabo jhalibo hambalo lihika kun'jhigha nkema kilebhe kighene ingabha kibhile kilebhe kighene chichakibha kipila kwino. ¹³ Lakine kwa kadile pamijhide kupata ujhohepo ghwa matecho gha Kilichito, unhanganajhe, ile kwamba unhangane piha na kuhanganila katika uhyekulo ghwa utukupo ghwake. ¹⁴ Ighwapo bhan'dighite, kwa hajile jha lihina lya Kilichito, mbhalikighwe, kwa unhalo ghwa mwojho ghwa utukupo na mwojho ghwa Chapanga utama panane jhino. ¹⁵ Lakine angabhejhe jhwajhote jhuna kutechwa nkema nkomajhe, m]bhwihe, ntende mahopu au jwajichughulicha na mambo gha bhangine. ¹⁶ Lakine ikibha mundo atechwa nkema Nkilichito, akotokubhona hone, bale antukuche Chapanga katika lihina lyene. ¹⁷ Kwa kubhegha wakate uhikite kwa hukumo kutumbulila katika nyumba jha Chapanga. Na nkema itumbulila kwito, chaibhajhe bhole kwa bhala bhangatihi hinjile jha Chapanga? ¹⁸ Na nkema "jhuna hake ahokoleghwa kupetela maghumo, chaibhajhe bhole kwa mundo jhwanga hake na jhuna jhambe." ¹⁹ Kwa hijho bhote bhibhitecheka kubhokana na mapenje gha Chapanga bhakabiche napiche hyabhe kwa N'domba mwaminipoile hale bhakatenda mema.