¹ Kwa nyila yhingi, mangota mbhii bhake mpalwa kujibhuna kwa akanarume hwino mabhene, ili ngati baazi yhabhe bhatihe yhe malobhe, kupitila tabia yha bhakeghe bhabho bhahotora kuhutwa pangalilobhe. ² Nhwalo mabhene bhatendakulola tabia yhino yha maha pamonga na hechima. ³ Yhinji mhenge pangamapambo gha panja, kusuka mayhunjo, ilebhe yha ghadhabo au ihwalo yha mitindo. ⁴ Nambo badala yhake ihengwe nkate mu moyho, na kuzidi mu umaha hwa unyahinyahi na utulibhu na moyho, bhabhabhii bha thamane palonge pa Chapanga. ⁵ Nhwalo bhakeghe bhabhii na hobholelo ya Chapanga bhatenda kujipamba mabhene kwa ndila yhinji. Bhakibha na hobholelo mwa Chapanga na bhatenda kubhatii bhanalume bhao mabhene. ⁶ Kwa ndila yhinji Sara antihe Ibrahimo ankema hwene "bhambo" bhake. Mangota ngoheno mbhii bhana bhake ngatimuhenga gha maha na ngati myhoghopayhe mabhoho. ⁷ Kwa njila yhilayhila, mangota bhanarume mpalwa kutama na bhakeghe bhino mmanya ngati bhena bhabhii bhino bhatotoho, mmanyite ngati bhayhupa chawade yha uzima. Henga naha ili kuyhupa kwino kukoto kukanwa. ⁸ Pa umalilo, mangota mabhoha, matame ni niha yhimonga, mbhehe ni huluma ngati bhalongo, bhanyenyekevo na utokomalo. ⁹ Mkotokulipa bhoho kwa bhoho, au maligho kwa maligho badala yhake, myhendeleyhayhe kubariki nhwalo ughu mkemitwe ili mpate kutora baraka. ¹⁰ Yhwene yha pala kurama na kubhona chiku la maha lazima akanikihe ulime hwake kwa mabhoho na miromo yhake kulonga hila. ¹¹ Na akiribhuke ma kughaleka mabhoho na kuhenga gha maha. Apalahe amane na kuikingamira. ¹² Miho gha Bhambo ghatenda kumbhona yhabhii ni haki na machikilo ghake ghatenda kyhuha kuyhupa kwabhe. Nampo miho gha Chapanga ghalama bhunge na bhahenga mabhoho. ¹³ Ghani yhatendakubhuzulu mangota, ngati mtamane gha maha? ¹⁴ Lakini ngati mlagha kwa haki, mtenda kubarikiwa. Mkoto kuyhoghopa ghala ghabhayhoghopa mabhene mkoto kubha ni kuyhoghopa. ¹⁵ Badala yhake, mbhikite Kilisto Bhambo mumitima yhino ngati hwa maha. Mda ghwaha mtame tyhale kunjibo kila mundo yhatenda kubhakonya mangota nhwalo hwa nike mbhii ni tumaini mu Chapanga. Mahengani o naha kwa utokomalo na heshima. ¹⁶ Mtame ni dhimire yha maha ili ngati bhando bhabhatenda kubhaligha maisha ghino mu Kilisto bhapate kuhaibika nhwalo bhatenda kurongela kinyume chino ngati mkibha bhahenga mabhoho. ¹⁷ Yhamaha chaide, ikala Chapanga atenda kutamane, mtendakulagha kwa kuhenga gha maha kuliko kuhenga mabhoho. ¹⁸ Kilisto na yhwene alaghite mara yhimonga nhwalo hwa zambe yhwene yhabhii ni haki, ili annete twenga kwa Chapanga. Atenda kuhwegha mu mbhili, lakini ahengitwe mzima mu moyho. ¹⁹ Mu moyho atenda kuyhenda na kuirongera ni mioyho yhene ngoheno ibhii mu kipungu. ²⁰ Yhakibhayhe ni utihe wakate uvumilivu hwa Chapanga utenda kulindiliha wakate wa Nuhu, wakate wa kuchenga saina, na Chapanga atendakubhakombola bhando bha kuchepa - nase nane kuhuma mu mache. ²¹ Yhinji halama yha ubaticho bhubhutenda kubhakombola mangota ngoheno, siyo ngati kukuha uchafu kuhuma mu mbhili, lakini ngati kuyhupa kwa maha kwa Chapanga. Kulutila kuyhoka kwa Yesu Kilisito. ²² Yhwene akala murubhoko lwa Chapanga. Atendakuyhenda kunane. Malaika, mamlaka na makakala lazima bhitihe yhweno.