¹ Nibhasii bhazee bhabhabhile miungoni mwino, nenga, nanzee nyabhe na shaide ghwa matecho gha Kristo, na ambajhe hela hela ni nshilika katika utukupu ghwaudhihilika. ² Kwa henaa, nibhatia mojho mangotomwenga makazee, milichunge likundi lya Chapanga lalibhile miungoni mwino, mililolekee, sio kwa sababu mipaswa, lakine kwa sababu mitamani henaa, kulengana na Chapanga. Mililokee, sio kwa kupala hela jha hone, lakine kwa kupala. ³ Nkatokujifanya mabwana juu jha bhando bhabhabhile pahe jha ulolekeaji ghwino, lakine iweni mfano katika likundi. ⁴ Pala njhungaji nkolo papaikudhihilishwa, nampokele taji jha utukupu jangakuhobhalela uthamani ghwake. ⁵ Hela hela, ninyi akaijana bhachokombe, mijinyenyekee kwa bhakolo bhino, makangota bhote, muuwale unyenyekepu na muudumiane ninyi kwa ninyi, kwani Chapanga hubhapenga bhenye kiburi, lakine hubhapegha neema bhanyenyekepu. ⁶ Kwa henaa munyenyekehajhe pahe mwa lubhoko lwa Chapanga ghwa ubhile hodale ili kwamba abhajhinule kwa wakati ghwake. ⁷ Mumekele fadhaa jhino unane jhake, kwa sababu abhajali. ⁸ Ibheghe na busara, ibheghe bhaangalipu. Jhola adui jhwino, Ibilisi, anda simba jhwaungurumajhe jhwanyatia, akihaka mundo kwa kuhanjana. ⁹ Nnyemengane kinyume jhake, mmeghena likakara katika imani jhino. Mkimanya kuwa akalongo bhino bhabhabhile kuulimwengu bhakipetela matecho anda ghena. ¹⁰ Baada jha kutecheka kwa muda kitamo, Chapanga na neema jhowa jhwakemitajhe katika utukupu ghwa milele nkate jha Kristo, naabhakandilishajhe, abhaimalishajhe na kubhalekela likakala. ¹¹ Enzi ibheghe kwajhene milele na milele. Amina. ¹² Ninthamini Silwano kama nnongo mwaminipu, na nibhajhandike mangotomwenga kwa ujhipe kupetela kwa jhwene. Nibhatia mojho na nibhashuhudia kwamba chanikijhandike ni neema jha kweli jha Chapanga. Nnyemengane nkate mwake. ¹³ Mubha amini bhabhabhile Babeli, bhabhahaghuliwe pamonga na mangoto mwenga, bhabhasalimia, na Marko mwanaghwango, abhasalimu. ¹⁴ Nsalimiahene kila jhumo kwa busu lya upendo. Na amani ibheghe kwino mammile nkate jha Kristo.