¹ Ngoheno nibhakumbushajhe aka kaka na akanomba panane jha injile nikabhahubilijhe ambajho makipokele na kujhema kwajho. ² Ni pa injile yhenjeno mihokoliwe anda mikamula imala lilobhe ni kabhahubilibha ninye changabhyegha mikahamine jhajhe. ³ Anda kutumbula nanikapokela kwa muhimo nikaletilw kwino anda ikabyegha kwamba kubhokanikana na majhandiko. Kirisito akawhegha kwa ajile jha uhakao ghwito. ⁴ Kubhokanika na majhandiko chikalikwe na kwamba chikafufuka chobha jha tato. ⁵ Na kwamba chikatokela Kefa kicha kwa bhala kume na bhabhena. ⁶ Kicha chikabhatokela kwa bhakate mmonga akaka na aka nomba zaide jha mia itano bhamahena bhao bhamela bhakibha hai lakine baadhi jhao bhagholwike lughono. ⁷ Kicha cha mtokela Yakobo kicha akanitume bhoha. ⁸ Kujhomoka kwa hyoha cha ntokela nenga anda hyela kwa mwana akibhyegha kurapwa pa phakate whanga sahihe. ⁹ Kubhyegha nenga ni mchokombe kate jha akanitume. Sistahile kukemwa mtume kwa chabhabho na kilitobho linyumba lya Chapanga. ¹⁰ Lakine kwa neema jha Chapanga nikibha anda nakibha, na neema jhake kwa nenga jhakibha ndekajha jhajhe. Badala yhake nalihenga bidii kuliko bhoha lakine jhakibha ndeka nenga bale neema jha Chapanga ikibha n'ngate jhango. ¹¹ Kwa hele anda ni nenga amu bhaho twa hubile hele na twaamine hijhe. ¹² Ngoheno anda Kirisito cha hubilibha anda jhafufuka kwa bhakuhwegha iwhejhe. Baadhe jhino mlongele ubhindeka ufufuo ghwa bhakuhwegha. ¹³ Lakine anda ubhindeka upupuo ghwa bhafo bahe hata Kirisito pia chafufuka ndeka. ¹⁴ Anda Kirisito chafufuka ndeka hivyo mahubile jhito ni yhajhe na imane jhino ni jhajhe. ¹⁵ Na tupatikine kubhyegha mashahide ghwa ughwange kumhuso Chapanga kwa sababo twamshuhudila Chapanga kinyome kulongela chikamfufua Kirisito bhakate chikamfufua ndeka. ¹⁶ Anda jhakibha bhafo bhafufufuliwa ndeka Kirisito pia chafufulibha ndeka. ¹⁷ Anda Kilisito chafufulibha ndeka yhino ni jhajhe na wamela kwenye uhakao ghwino. ¹⁸ Hele hata bhala bhakiwhegha pa Kirisito pia bhakiwhegha. ¹⁹ Ikibha kwa maisha ghangano jhikajhake tukwete sile kwa bhakate ghwa kuhika mghate jha Kirisito bhando bhoha twenga ni bha kuhulumibha zaide jha bhando bhoha. ²⁰ Lakine ngoheno Kirisito ajhakufufuka kuhuma kwa bhafo matunda jha kutumbula jha bhala bhakiwhegha. ²¹ Kwa kubhyegha malelo jhakihika kupetela mundo, pia kupetela ufufuo bha bhafo. ²² Kwa kubhyegha anda pa Adamo bhoha bhahwegha hile pia pa Kirisito bhoha bhahengwa hae. ²³ Lakine chila yhumo pa mpango ghwake Kirisito matunda jha kutumbula na kichabhala bhakibha bha Kirisito bhatahengwa hae bhakate bha kubhujha ghwake. ²⁴ Ndepo wakibha kuyhoka, pala Kirisito chakibhika upalume kwa Chapanga tate hejhe ni pala cha yhomola utabhala bhoha na mamlaka yhoha wa likakala. ²⁵ Kwa kubhyegha lazima atabhale mpaka chakibheka maadue jhare bhoha pahejha nyajho jhake. ²⁶ Adue ghwa jhomoka kuharibibha ni malelo. ²⁷ Kwa kubhyegha abhekite chila kilebhe pahe jha nyajho jhake lakine ikilongela, abhekite chila kilebhe ni waze kwamba hejhe jhahusishwa ndeka bhala jhakibhekite chila kilebhe pahe jhake mwene. ²⁸ Bhakate vilebhe vyoha vibhekitwe pahe jhake kicha mwana mwene cha bhekwa pahe ghwake yhene ambajhe chakibhekite vilebhe bhyoha pahe jhake hejhe chatokela ili kwamba Chapanga tate abhyeghe yhoha pa bhyoha. ²⁹ Amu pijha cha bhahenga nike bhala bhakibhajichwa kwa ajile jha bhafo anda bhafo bhafufulibha ndeka kabisa kwa nike kabhena bhabhatichwa kwaajile jhaho? ³⁰ Nakwanike tubhile pa hatale chila saa. ³¹ Akaka na nnomba jhango kupetela kujichifo kwa nenga pa nenye ambajho nikwete pa Kirisito Tesu Bhambo ghweto nitangacha naha ni whegha chila njobha. ³² Jhanifaidia nike pa mlolekeo ghwa bhanadamo anda nakitobhana na akabhanyama bha lilaka ku Epeso anda wapo bhafufuliwa ndeka leka bahe tulyeghe na tinyweghe kubhyegha kilabho tuwhegha. ³³ Mkoto kuponganishwa, makunde ghangandela huhalibia tabia jha maha. ³⁴ Mmyheche ni kiasi mtame pa hake mkotokujhendelela kuhenga dhambe kubhyegha baadhe jhino mkwete ndeka marango jha Chapanga nilongela hejhe kwa hone jhino. ³⁵ Lakine mundo jhonge cha longela jinse ghane bhafo bhafufuliwa na nabho bhahika na aina ghane jha jhegha. ³⁶ Mwenga mkwetendeka malango chela makipandite cha tumbula ndeka kumela changawhegha. ³⁷ Na chele mukipandite cheghandeka ambao cha whegha bale ni mbejho jha kimela chahotola kubhyegha ngano amu kilebhe chenge. ³⁸ Lakine Chapanga chapekihe jhenga anda apahile na pachila mbejho jhenga jhake jhwene.. ³⁹ Jhegha yhoha ilandine ndeka ibhindeka ibhile jhegha jhimonga jha mundo najhegha jhenge gwa bhanyama na jhenga jhenge ghwa ndeghe na yhonge kwaajile jha homba. ⁴⁰ Pia ibhi jhegha jha kunane na jhegha jha palidunia lakine ung'alicho ghwa jhegha jha kunane ni aina monga na ung'alicho gwa palidunia ni yhenge. ⁴¹ Ubhii ung'alicho umonga ghwa lyubha na ung'alicho whonge ghwamwehe na ung'alicho wheghe ghwa nyota yhimo jhotofautiana nyota yhenge pa ung'alicho. ⁴² Hele ndivyo ukibha pia ufufuo ghwa bhafo chika pandwa cha halibika na chikamela chahalibika ndeka. ⁴³ Chapandwa pa matumize jha kabhaida chamelwa pa unhaluho cha pandwa paudhifo cha melwa pa likakala. ⁴⁴ Chika pandwe pa jhegha ghwa asile chamelwa pa jhegha ghwa robho anda ubhile jhegha gwaasile ubhile jhegha ghwa robho pia. ⁴⁵ Hele pia ijhandikwe mundo ghwa kutumbula Adamo chika hengwa robho jha kutama Adamo ghwa kuyhomoka chikahengwa robho ibhoajhe ulama. ⁴⁶ Lakine ghwa robho cha hika ndeka kutumbula bale ghwa asile na kicha ghwa kirobho. ⁴⁷ Mundo ghwa kutumbula ni ghwa lidunia akahengitwe kwa litukunda. Mundo ghwa ibheghe ahuma kunane kwa Chapanga. ⁴⁸ Anda jhele yhola akihengwite kwa lutukunda hele pia bhala bhakahengitwe kwa lutukunda anda jhela mundo ghwa kunane akibha hele pia bhala bha kunane. ⁴⁹ Anda ambavyo tugheghute mlandano ghwa mundo ghwa lutukunda cha ghegha pia mlandano ghwa mundo ghwa kunane. ⁵⁰ Ngoheno nibholobha lela akaka na nnomba jhango kwamba jhegha na damo nihotola ndeka kugecha upalume ghwa Chapanga bhala bhakulabia kughegha ghwa kuhalibia ndeka. ⁵¹ Kangacha nibhalobhalile ninye siri jha kwele huwhegha ndeka whoha bale whoha cha badilishwa. ⁵² Cha badilichwa pa bhakate pa kuhumba na kuhumbula kwa liho pa litalumbeta jha kujhomoka kubhyegha litalumbeta chalela na bhafo bhatafufulibha na hali jha kuhalibika ndeka na cha badilichwa. ⁵³ Kwane ogho gwa kuhalibika lazima ughwale ghwa kuhalibika ndeka na ogho ghwa kuhwegha ukighwala ghwa kuhwegha ndeka. ⁵⁴ Lakine bhakate oogho ghwa kuharibika ukiwhalwa ghwa kuhalibika ndeka na ogho ghwa kuwhegha ukiwhala ghwa kuwhegha ndeka ndipo chabhujha lilobhe ambabho ujhandikwe malelo cha melwa pa ushinde. ⁵⁵ Malelo ushinde ghwako ubhii koghe malelo ubhii koghe uchungo ghwako. ⁵⁶ Uchungo gwa malelo ni uhakao na likakala lya uhakao ni chelia. ⁵⁷ Lakine chukulane kwa Chapanga atupekie twengu ushinde kupetela Bhambo ghweto Yesu Kirisito. ⁵⁸ Kwa hele bhapalwa akakaka na nnomba jhango iweni imara na mkotokutikisika daima ihengeni lihengo lyeno pa Bhambo jhajhe ndeka.