¹ Ngoheno kuhusu michango kwaajile jha bhaumine anda nakielekeza manisa jha Galatia, hele hela mwapaswa kuhenga. ² Pa njobha bha kutumbula jha wike mmonga ghwino abheke kilebhe fulane muupelena kubheka anda miholajhe, mihenge hela ili kwamba kukoto kubhyegha na michango bhakate niki bhujha. ³ Na nihikite hye yhola cham'bhaghulajhe, na nimtuma pamonga na barua kubhoha chadaka yhino ku Yerusalemo. ⁴ Na anda ni sahihe kwa nenga kujhenda pia bha kijhenda pamonga na nenga. ⁵ Lakine nanibhujha kwino bhakate nipetela Makedonia kwa kubhyegha nipeta Makedonia. ⁶ Labda nihotola kutama nanye amu hata kuyhomola majira jha malele ili kwamba muhotole kunitangatila pa safale jhango popopala na nijhenda. ⁷ Kubhyegha nitarajia ndeka kubaalola ngoheno kwa muda mchokombe. Kwane nitumaine kutama nanye kwa muda fulane anda Bhambo chaniruhusu. ⁸ Lakine nitama Efeso mpaka Pentekoste. ⁹ Kubhyegha n'nyhango mpana ghwa dindulibha kwa ajile jhango na kubhile maadue bhamahena bhanikanakie. ¹⁰ Ngoheno bhakate Timotheo akibhujha, mumulolee kwamba abhiina nenye changa kujhoghopa ahenga lihengo lya Bhambo anda nihenga. ¹¹ Mundo yhe yhola asimdhalaho mumutyangatile pa ndela jhake kwa amane ili kwambaahotole kubhujha kwa nenga kwa kubhyegha nani mtalajia abhujhe pamonga na n'nongo. ¹² Ngoheno kuhusiana na n'nongo jhito Apolo. Nanikimpekie mojho sana kubhatyangila nenye pamonga na n'nongo lakine cha hamula kukotokubhujha ngoheno hata hele cha hika bhakateakwete napase. ¹³ Mbhyeghe miho, mujheme imara, muhenge anda akanalome mbhyeghe na likakala. ¹⁴ Bahe yhoha mujhahenga muhenge pa upalwa. ¹⁵ Muimanya kajha jha Stefana mumanya kwamba bhakakibha bhaamine bha kutumbula ku Akaya na kwamba bhakijibhika ghwene kwenye huduma jha bhaumine na ngoheno nibhasihe akaka na akawomba jhango. ¹⁶ Mubhyeghe bhanyeyekovo kwa bhando anda bhao na kwa chila mundo atyangatila pa lihengo na bha henga lihengo pamonga nase. ¹⁷ Na nihangana kwa ubhujhangino gwa Stefana, Futunato na Akiko. Bhajhemite mahale ambapo nenye mupaswa kubhyegha. ¹⁸ Kwa kubhyegha bhanihangana robho yhango na yhino kwa hele ngoheno mubhamanye bhando anda habha. ¹⁹ Makanisa jha Asia bhatumite chalamo kwino. Akila na Priska bhawachalimo pa Bhambo pamonga na kanisa la kibha munyumbane kwabho. ²⁰ Akaka na nomba jhango bhoha nabhachalimo, chalimieni kwa buso takatifo. ²¹ Nenga Paulo nijhandika hejhe kwa lubhoko lyango. ²² Anda yhe yhola hampai ndeka Bhambo bahe laana ibhyeghe panane jhake. Bhambo ghweto ubhujhe. ²³ Neema jha Bhambo Yesou ibhyeghe nanye. ²⁴ Upalwa ghwango ubhyeghe pamonga nanye pa Kirisito Yesu.