¹ Tulongele kwamba ninena kwa lugha hya wanadamo na hya mahoka. Lakine nkema ngwetejhe upalo, mile chaba jiilela au upato guuvumaho. ² Na kwamba ngwete kalama jha unabihe na upwahamo ghwa upalo, nenga chi kilebhe. ³ Na tulongele kwamba nibhoha milike jhango jhote na kwalicha machikine, na kwamba niubhoha m'bhele ghwangoile bhanyoche mwote. Lakine nkema ngwete jhe upalo, injahidijhe kilebhe. ⁴ Upalo uhimbilila na upwachili, upalo hujichipihajhe au kuloka. Ukwetejhe kitule. ⁵ Au ukolope upalahajhe mambo ghake, ubhonajhe uchungo halaka, wala ubhalangajhe mabhajha. ⁶ Uhanganijhe ujhalimo. Badala jhake, kuhangana katika kwele. ⁷ Upalo kuhimbalila mambo ghote; kuhamine mambo ghote, ghuna ujhachile katika mambo ghote, na huchitamili mambo ghote. ⁸ Upalo ukomajhe. Andaibhile ubhile unabihe, ghwote chqaupetajhe. Anda ibhile lugha, chahikoma. Andaibhile ghabhile mahalipa, chaghapeta. ⁹ Kwa kubhegha tumanyite kwa chehemo na titenda unabihe kwa chehemo. ¹⁰ Lakine hijapo jhela ibhile kamile, jhela jhangale kamile chaipetajhe. ¹¹ Panakibha namwana, n'ongilajhe nkema namwana, mbikilihajhe nkema namwana, nakaamwihe nkema namwana. Panakibha na mundo muzima, nakabhekite kutale nanenga mambo gha kibhwana. ¹² Kwa kubhegha ngohe tibhona nkema kihoho kwa nkema chula mulubhendo, lakine wakate ghola tibhona ucho kwa ucho. Ngohe nimanye kwa chehemo, lakine wakate ghola chamanyajhe chana nkema na nenga chauimanyikana chana. ¹³ Lakine ngohe mambo ghanga matato ghidumo: himane, tumahine lihikayo, na upalo. Lakine lilibhile likolonga jhahide jha ghanga ni upalo.