¹ Kuhucho kalama jha mwojho, unhachana na n'domba ghwango mbahijhe nkocha kupwahamo. ² Mimanya jha kubhegha makibha makapaghane malongwihe kukengama chanamo hyangalongela, kwa ndela hyohyote hyama kalongwihe nahyo. ³ Kwa hijho nipala mpwahamo kwa bhijhe jhwajhote anenajhe kwa mwojho ghwa Chapanga akalonge, "Yesu atekulahanighwa." Abhijhe jhwajhote jwaipala kulongela, "Yesu ni Bhambo," ichipokubhegha katika Mwojho Ntakatipo. ⁴ Bachi kuna kalama tapwahute tapwahute, bale Mwojho ni jwene jhola. ⁵ Na kuna huduma tapwaute tapwaute, bale Bhambo ni jhwene jhola. ⁶ Na kuna ahina mbalembale jha mahengo, lakine Chapanga ni jhwene jhola jwatendajhe mahengo ghote katika bhote. ⁷ Bache kila jhumo bhanipekeha upunuho ghwa mwojho kwa pwahida jha bhote. ⁸ Mahana mundo jhumo bham'pekihe na mwojho lilobhe lya hekima na jhonge lilobhe lya mahalipa kwa mwojho jhola jhola. ⁹ Kwa jhonge hum'pekeha himane kwa mwojho jhwene jhola, na kwa jhonge kalama jha kulamicha kwa mwojho ghumo. ¹⁰ Kwa jhonge matendo gha makakala, na jhonge unabihe. Na kwa jhonge uhwecho ghwa kupambanuha mwojho jhonge ahina mbalembale hya lugha, na kwa jhonge kutapachile kwa lugha. ¹¹ Lakine mwojho ni jhola jhola jhwaitenda mahengo ghanga ghote, kum'pekeha kila mundo kalama kwa kadile jha kuhaghula kwake jhwene. ¹² Kwa mahana nkema hela m'bhele ni ghumo, naho ghunaihungo hyamahema, na ihungo hyote ni hya m'bhele ghola ghola, vivyo hipyo na Kilichito. ¹³ Kwa mahana katika mwojho ghumo twenga tabhote takabatichwe kubhegha m'bhele ghumo, kwamba tu Tabhajhahude au Bhajhunane, kwamba tu akatumwa au hulo, na bhote takahywechwite Mwojho ghumo. ¹⁴ Kwa mahana m'bhele chi kihungo chimo, bale ni hyamahena. ¹⁵ Ikibha lukongono chalulongela, "kwa kubhegha nenga chi lubhoko nenga chi chehemo jha m'bhele," jhene itendajhe kukotokutohegha chehemo jha m'bhele. ¹⁶ Na ikibha lichikilo chalilongela, "kwa kubhegha nenga chi liho, nenga chi chehemo jha m'bhele," jhene litendajhe kukotokubhegha chehemo jha m'bhele. ¹⁷ Nkema m'bhele ghwote chaubhajhe lihongakubhile kojhe kujhoha? Nkema m'bhele ghwote ngaubhile lichikilo ngakubhilekojhi kunuha? ¹⁸ Lakine Chapanga akabhekite kila kihungo cha m'bhele mahale pake nkema chaapangite jhwene. ¹⁹ Na nkema hyote ngaibhile kihungo chimo, m'bhele ngaubhile kogha? ²⁰ Hivyo mgohe ihungo ni hyamahena, lakine m'bhele ni ghumo. ²¹ Liho lihweehajhe kulilobhalela lubhoka, "ngwetejhe haja na mwenga." Ghwala muto uhwechajhe kululobhalela makongono, "ngwetejhe haja na mangota." ²² Lakine ihungo hya m'bhele ibhoneka kubhegha na hechima kandina ihitajhika jhahide. ²³ Na ihungo hya m'bhele tunavyojhahe ibhile na unhuto abhijle na umbone jhahide. ²⁴ Na ngoheno ihungo hyote ibhile na unhuto abhijhe hajha jha kuipekeha hechima, kwa kubhegha tajhale hina hechima. Lakine Chapanga ahulombaniche ihungo hyote pamo, na ahipekihe hechima. ²⁵ Akatehile hyene ili pangabhejhe m'bhaghaniko katika m'bhele, bale ihungo hyote itunjane kwa upolo ghwa jhumo. ²⁶ Na wakate kihungo chimo andakihumihe ihungo hyote ihumiha kwa pamo. Au wakate kihungo chimo andakihechimike, ihungo hyote ihangane kwa pamo. ²⁷ Ngohe mangota ni m'bhele ghwa Kilichito, na ihungo kila chimo pakanjika jhake. ²⁸ Na Chapanga abhekite katika likanicha kwanja mitume, pile manabihe, tato walimo, kicha bhala bhote bhibhatenda matendo makolonga, kicha kalama hya kulamicha, bhala bhibhachahidiha bhala bhahenga mahengo gha kulongoha, na bhote bhibhabhile na ahina jha lugha. ²⁹ Bho twenga tabhote ni mitume? Twenga tabhote titenda maatendo gha mihujiza? ³⁰ Bho, twenga tabhote tina kalama jha kulamicha? Twenga tabhote tilongela kwa lugha? Twenga tabhote titapuchile lugha? ³¹ Mpalahajhe chana kalama hiibhile ngolonga. Na nenga chamin'dangihajhe ndela jhaibhile jhambone jhahide.