¹ Ni muntu bhanyi alinahekima? Okubha na manyile ghaghaghali na maanasi katika bhupanga? Hekima mukati ja muntu bhukosula bhusyu ghwaje kulabha, no bhukaka bhwa bhusya bhweje bhukohinduk. ² Kukushauri kujinigha hamti ja mufaime kusabhabhu ja silapo ja Kabhumba syakumlinda nyene. ³ Nosighaghuhi kubhuka hambele ja kubhaho nyene, no sijughalali kujunga kubhoko ighambo lisifaile, kukubha mfalme alikuila syosyonse sya kutemani. ⁴ Ighambo lya mfalme hutabhala kutetyo ni ghanialo kabhalila, ''Ulokwilasi? ⁵ Ghoghonse anighile amri sya mfalme akokwepa mabhi. Mwegho ghwamkanya hekima ghukomanya bhobhujile kuihulika no muda ghwakuja. ⁶ Kukubha kileghambo lilinejibu bhwene, no bhwakati bhwakujibu, kusabhabhu tabu ja mbantu ni nkulu. ⁷ Kutuhu nyene amanyile silikuisa. Nighanyi akobhele kumbhalila nisi silikuisa? ⁸ Kutuhu alinabhuwezo hulughulu ja mwegho ajighali mwegho; wala msila mamlaka halughulu ja lufuku lyakufwa; wala katuhu kuswe sibhwa katika tetyowe wala bhubhi te bhwakamsabhule ghulya ghaka bhusoea. ⁹ Maghambo ghagho ghonse nankaghaloloni katika mwegho ghwane katika kila mulimo ghwakelwa hansi je syubha. Kuli bhwakati ohoali muntu ghumwi olina nagho mamlaka halughulu ja mwinaje kusisila syaje. ¹⁰ Tetyo nakabhalola bhabhi bhakuzikwa hanswe. Bhalifumibhwa mahali patakatifu no kuzikwa haho habhakutehwa na bhantu katika lugho obhakobha bhakela maghambo mabhi. Jeji nagho tensogha. ¹¹ Bhwakati kukalilwa kusumba jitendo ibhi haihukumiwi bhwangu bhukoshawishi mmyegho ja bhantu kuila bhubhi. ¹² Nasi kubha mkanya dhambi ghafwa bhubhi mala ighanalimwi no syoli ajikele ku muda mulehe, syali no manyile jilokabha fisogha kubhalya bhamu isighile Kabhumba, bhanighile kubhaho kwaje bhabhili nabho. ¹³ Tukubha tejakabhe fisogha kwa muntu mubhi mkasi tegha katisibhwe fuku syaje kobhe fisogha sikofuma bhwangu, kusabhabhu te mumuhulike Kabhumba. ¹⁴ Kuli muvuke bhundi bhusili msogha, ghambo lindi bholi kukoleka halughulu ja bhwelo maghambo ghakofumilwa kubhantu bhalina bhwene kobhe bhakakefumila kubhantu, no maghambo ghakofumila kubhene bhwene kobhe bho bhakofumilwa habhabhi. Nikutenda leli nagho ni mvuke mubhi. ¹⁵ Kutetyo na kupendekesya fulaha, kusabhabhu muntu nimsila ighambo sogha hefo nesyabha kusumba ja kulya no kunywa no kubhano fulaha. Fulaha jejo jilokamulonda katika milimo jaje kufukusyonsye sya bhupanga bhwaje fefyo Kabhumba syamuhele bhu hefoo je syubha. ¹⁶ Na bhubhika mwegho ghwane kumanya hekima no kumanya milimo jo nakola juu jansi, mulomo ghwa kubha ukukolela mala nyingi bhusila kusisila menso bhufuku au syubha. ¹⁷ Tukubha na langana maghambo ghonse gheke Kabhumba, no kubha muntu tia nakobhele kumanya milomo jikukoleka hefoojesyubha. Bhusila kujali muntu akuila tegha ghapate. Nansi alina hekima akobhwele kuamini te amanyile, sintu bhwene ti amanyile.