¹ Kughogha gho na kalanganya ghogha ghonse katika masala ghane kumanya no kuhusu mbantu bhali na haki no bhali na hekima no maghambo ghabo. Bhonse bhaliko katika mabhoko gheke Kabhumba. Kutuhu amanyite kubha kunyomwa au kugha ja jilokesa ku muntu. ² Kila ghumwi alina bhuhela kulingana. Mwisho ghwa bhwene bhuhembelelwe bhantu bhali na bhwene no bhabhi, bhasogha, bhali fisogha no bhasili fisogha, nyene akufumia dhabihu. No ghulya asili dhabibu kobhefilya bhantu bhasogha bhalofwa bhali na dhambi na bhobhalokafwa tetyowe. Kobhe wakubhaghulya akulapa bho alokobha ghafwa tetyowe muntu ghulya akughubhaha kubhika silapo na bhoalokafwa. ³ Kuli mwisho mubhi ku kila sintu silikukoleka hefoo no isyubha, no mwisho kwa kila muntu. Mwegho ghwa munadumu ubhumbike bhubhi, no bhusasi bhuli katika mwegho jabho bhwakati bhekele tetyo bhaduja lelyo bhakuja kubhfwa. ⁴ Kukubha ghoghonse alikuinga na bhonse bhali bhupanga kuliitumaini, kobhetilia mbwajili bhupanga ni nsogha kuliko insimba jifwilwe. ⁵ Kukubha bhntu bhali bhupanga, tukubha bhalifwa te bhamanyile syosyonse. Tebha likabhili na tuzo jojonse kusabhabhu kumbukumbu syabho jakalabhililwa. ⁶ Kunyonywa kwabho kughaja no ighubha fyakatatuni bhwa hale muda mulehe. Tebhapate sehemu katika sintu syosyonse sikukoleka hefo no syubha. ⁷ Kaje wenyene, kulyamukate ghobhe kufulaha no kunywa mubhinyo ghobhe no mwegho wafulaha, kukubha Kabhumba akoswa kusyelekea mulimo msogha. ⁸ Mienda jobhe jibhe jaswe fuku syonse no mutwe ghobhe ghusighwe matuta. ⁹ Jikala fulaha no mwana mukema ghonyomilwe mfuku syobhe syonse syabhupanga bhobhe bhwa bhatili, fukusyene Kabhumba syakupatile hefo je isyubha bhwakati bhwanfuku syobhe sya ubatili. Jeji nisawabu kwa ajili ja mulimo ghobhe hefoo jesyobha. ¹⁰ Syosyonse mkubhoko bhe syokuila, sikole kumanagha ghobhe kusabhabhu kutuhu mulimo, aunkulaghulula au bhufundi au hekima katika Sheol, houjile. ¹¹ Nandola baadhi ja fintu fya kunyoma hefo je syubha: Masindnao tegha tokene na bhantu bhali na lubhilo. Fita tefitokene na bhantu ilama. Mkate tebhutokene na bhantu bhali na busala. Nsabhonte jitokene na bhantu bhali na kumanya. Kibali tekitokene na bhantu bhalina bhufundi badala jaje muda no bahati jikojisaumwe mwense. ¹² Kukubha hatuhu nagho amanyile bhwakati bhwake bhwakufa, kobhe tilyamasembe bhabhako nighwa katika manyavu ja lufu, au kobhe tilia kanyonyi bhoka lonighwa katika mutegho kobhe manywele wanadamu bhogha tungilwe katika nyakati mbi no kubha katungo bhako bhaghwala. ¹³ No kubha nandola hekima hefoo je syubha kubha namna ja kubha kumwane jakaloleke nkulu. ¹⁴ Kulikabhele no lugho luse o bhantu bhonse mkati jaje, no mufalme mukulu ghajisa kinyume no lugho lolo no ghalunyengele no kujenga mahandaghe kuajili ja kushambulia ¹⁵ No katika lugho kukabhele no mpina, muntu alinohekima wakubha kuhekima jaje ghaka lususyanga lugho. Tukubha baadaye bhakamulisukilanga ghulya mupina. ¹⁶ Tetyo, ndikutenda, ''Hekima ni nsogha kuliko managha kubha hekima ja mntu mupina jikotungulwa, no mughambo ghaje teghako hulikisibhwa.'' ¹⁷ Maghambo ghabhantu bhalina hekima ghaka sahulwenga bhuke bhuke ghahulukisibhwe fisogha kuliko bhulanga bhwa mutawala ghoghonse mukati mwabhapumbafu. ¹⁸ Hekima nsogha kuliko silaha sya fita, tukubha mukanya dhambi ghumwi akakobhola kubhihya masogha mengi.