¹ Isina isogha ni sumbwa lusufile manukato ghaghalama, ifuku lyalulufu ni sumbwa kusumba ifuku lyakufuka. ² Nisumbwa kuja kunyumba jakubhombolesya kusumba nyumba ja karamu, kukubha maombolezo ghako jisa kubhantu bhonse bhwakati bhwahbhulela habhupanga, kulelyo bhantu bhekasi ni sumbwa bhabhike leli mumwebho. ³ Bhulanda ni bhusogha kusumbe tuseko, kukubha badala ja bhusyu ja bhulanda jilojisa fulaha ja mwegho. ⁴ Mwegho wa muntu ghwa masala ghuli kunyumba jama bhombolesyo, lakini mwegho wabhughalangala ghuli kunyumba ja kalamu. ⁵ Ni isogha kuhulikisya bhujango bhwa muntu bhulina masala kuliko kuhulikisya nyimbo sya bhangalangala. ⁶ Kukubha kobhe milio ghwamefwa sili hefo no nkono, bhofili bhusikobha siseko sya bhangalangala. Ghoghu nagho ni mvuke. ⁷ Bhwene bhukari bhukomwila muntu wa masala kubha mungalangala, no kughulisya kukobhihya mwegho. ⁸ Ni fisogha bhuhela bhwa eghambo kuliko kusumbula; no bhantu bhali bhuvumifu ni bhasogha kusumba bhali namwala kumwegho. ⁹ Nosighaji bhwangu mumwegho ghobhe, kusabhabhu sisila hukajika kekumi eghoja bhangalangala. ¹⁰ Nusitenda, ''Kunsinfuku syakale sikubhele ni nsogha kusumbu syesi?'' Kukubhu te sabhabhu ja masala kubha syeghambo leli. ¹¹ Masala ni masogha kobhe fintu fya samani fotuko fiana kufuma kubha tufyele. Jikufumya faida kubhalya bha kufuma isyubha. ¹² Kukubha masala ghako fumya bhulinzi, kobhe tilila mahela bhojina kobhola kufumya bhulinzi, lakini faida ja masala no kubha masala ghakomuha bhupanga kughoghonse alinajo. ¹³ Langanya maghambo gheke Kabhumba: Ni ghanyi akabhele kulyohelesyo syesyonse syo ghakahinda? ¹⁴ Bhwakati filobha fisogha, kujikala kufulaha katika kuhali jejo, tukubha bhwaka no ulifibhilanganya leli: Kabhumba atuhele hali fyonse fibheho, kusabhabhu jeji, kutuhu mwanadamu ghoghonse alo kamanya syosyonse sisile baada jake. ¹⁵ Nakalola maghambo mengi katia nfuku syane sya bhubatili. Kuli bhantu bha no bhwene bhakubha bhakutaghika no kubha bhali na bhwene, kuli bhantu bhabhi bhakuikala miaka mingi no kubha ni bhabhi. ¹⁶ No sibhi wabhwene kumenso ghobhwe nyene. Kusi kuibhihya wenyene? ¹⁷ Nosibhi mubhi nkana no mungalangala. Kusi ufye bhusyali bhwakati bhobhe? ¹⁸ Nifisogha kubha unighe masala ghagha, no kubha no sileki bhwene bhutaghike. Kukubha muntu alisighile Kabhumba alotimisya ahadi syajesyonse. ¹⁹ Hekima jilina managha mukati na alina hekima, kusumba ja bhatabhala ikumi katika lugho. ²⁰ Kutuhu muntu alina bhwene halughulu ja nsi akojila masogha no asiku ila mabhi. ²¹ Usihulikisi kila ighambo lilosahuliwa, kusabhabhu unakobhola kuhulika mkomilimo ghobhe na kukulani. ²² Otetyo we umanyile wenyene mukati ja mwegho mobhe wali bhalani bhandi mara nyingi. ²³ Ghagho ghonse na kughakomenkesya kuhekima. Natenda, ''Ndobha wa bhweni, ''Tukubha sumbwa bhofili mbina kabha. ²⁴ Hekima jilihale na kina nkana. Nighanyi akobhele kujipata? ²⁵ Natindula mwegho ghwane kuifundisya kuchunguza no kuhensa hekima no kulangulula wa bhwene, no kumanya kubha bhubhi ni bhujinga no kubha bhungalangala ni bhusasi. ²⁶ Nampata kumanya kubha bhusungu kusumba lufu, otetyo bho alimulana mkema ghoghonse wa kubha wegho ghweje bhubhumbike mitego, no nyavu, no akobha mabhoko ghaje ni minyororo. Ghoghonse amnyomilwe Kabhumba alo kafughutukwa kufuma kumwaje, tukubha mkanya zambi alo kasolwa naje. ²⁷ ''Langanya silyaso na kaghundula, ''Alikutenda Mwalimu. ''Nakabha na kughungilisya bhufumbusi bhumwi hadi bhundi ili kubha mpate kulangulula wa bhwene. ²⁸ Jeji bhojili syali na kuhensa tukubha syali kupata. Sipatile mughosi ghumwi alina bhwene mubhabho mwa elfu, tukubha mpatile mwana mkema mukati ja bhalya bhonse. ²⁹ Nandighundula leli: kubhaKabhumba ghakambhumbanga muntu na ghololweke, tukubha ghakafuma katika hali ja kughololoka bhakuhensa makaka mengi.