¹ Kemudian, Yesus nyono'k kanu balo nyo, ''Ku'k nyono'k di'k omatn kanu mu'k, biatn nyo di'k tokit no'k tia di'k kai akan kobe'k sapai balo nyo honong kerajaan Bai Punopo'k moni'k ngan kuasa.'' Yesus Busama Musa dan Elia ² Dan, nim onu kemudian, Yesus matn Petrus, Yakobus, dan Yohanes, lalu matn balo nyo kanu dohi'k di'k omuh. Lalu, Yesus burubah rupa no'k jowi balo nyo. ³ Dan, pakaian-Diapm jodi bagas dan mopu'k. Kadiah nyo tukakng pungumi'k kaikng no'k dunia panai ngado'k mopu'k mah han. ⁴ Lalu, timual no'k jowi balo nyo, Elia busama ngan Musa, dan balo nyo sedakng ngomong ngan Yesus. ⁵ Kemudian, Petrus nyono'k kanu Yesus, ''Rabi, sangat bagas bagi mi'k ponai no'k tia. Bohlah yah moki tohuah kemah , nyi'k nyak Mu'k, nyi'k nyak Musa, nyi'k nya'k Elia.'' ⁶ Sobab, Petrus katau'k nyawab oniah pun karena balo nyo sumua gola'k. ⁷ Lalu, timual lah awan kanu balo nyo, dan biatn ngopikng caho di'k moni'k so'k awan han, kuatn, ''Tialah Nak-Ku'k di'k nikungaseh. Kapiknglah Diapm!'' ⁸ Seketika han gi'k i, setelah balo nyo honong kanu sekitar, balo nyo kadiah gi'k honong nyo busama balo datn kucuali Yesus. ⁹ Dan, sementara balo nyo mono'k so'k dohi'k, Yesus nyilu'k puhitah kanu balo nyo ngado'k kai nyono'k kanu balo nyo oniah di'k jeh ni honong, sapai Na'k Sio bangkit so'k antara nyo kobe'k. ¹⁰ Karena han, balo nyo migitn punyono'k han nya'k diap todiap samel misia'k-misia'k oniah artingi kubangkitan so'k pungome'k han. ¹¹ Lalu, balo nyo misia'k kanu Yesus, ''Ngoniah para ahli Taurat nyono'k kanu Elia harus moni'k tiatn?'' ¹² Lalu, Yesus nytono'k kanu balo nyo, ''Elia memang moni'k lobiah tiatn nya'k puhi'k segala sesuatu. Dan, makiahmah ngan di'k ni nulis tentakng Nak Sio bahwa Diapm harus joho'k dan nihina? ¹³ Namun, Ku'k nyono'k kanu bahwa Elia memang jeh moni'k, dan balo nyo hitah diapm sesuai ngan oniah di'k balo nyo lua, mah di'k ni nulis tentakng diapm.'' Para Murid Kai Sangup Melepaskan Roh Jahat so'k Nyo Kemudian, libo Yesus, Petrus, Yakobus, dan Yohanes bolia'k kanu balo murid, balo nyo honong nyo obia no'k sukulilikng balo murid han, dan para ahli Taurat sedakng budebat ngan balo nyo. ¹⁵ Dan, segera setelah sumua nyo han honong Yesus, balo nyo jodi pojiat dan sukoduh nya'k han nyambut-Diapm. ¹⁶ Lalu, Yesus misia'k kanu balo nyo, ''Oniah di'k sedakng mu'k budebat ngan balo ahli Taurat han?'' ¹⁷ Nyo di'k bupulua han jawab Diapm, ''Guru, ku'k matn na'k dahi ku'k kanu-Mu'k karna diapm kuhasuak roh di'k ngado'k diapm bisu. Sutiap kali roh han nguasai diapm, diapm membanting diapm kanu poyo,k dan diapm nyiluar busa so'k tukua'k diapm, dan mitat jipitn diapm, lalu diapm jodi kuja-kuja. Ku'k mito'k balo murid-Mu'k kobu roh han, tapi balo nyo kai sangup.'' ¹⁹ Dan,Yesus nyawab balo nyo dan nyono'k, ''Hai, generasi di'k kai buiman! kudu oteh agi'k Ku'k harus busama mu'k? kudu oteh agi'k Ku'k harus butahatn ngan mu'k? Matn nak han kanu-Ku'k!'' ²⁰ Lalu, balo nyo matn na'k han kanu Yesus. Dan , libo roh han honokng Yesus, diapm lansokng ngucah-nucah na'k han. Na'k han hobu'k kanu poyo'k dan bugulikng-gulikng ngan tukua'k di'k kuluar busa. ²¹ Kemudian, Yesus misia'k kanu pa'k na'k han, ''Jeh kudu oteh hal han jodi kanu diapm?'' Nyawab diapm, ''Libo agi'k nadi'k. ²² Dan, roh han jeh anal nopuah diapm kanu wah opi dan kanu wah pikng nya'k ngacuarkan diapm. Akan tapi, libo Mu'k dopithija sesuatu, kasihanilah mi'k dan tolokng mi'k.'' ²³ Yesus nyono'k kanu diapm , ''La'k Mu'k dopit? segala sesuatu mungkin nya'k balo nyo di'k pucaya'k.'' ²⁴ Segera pa'k na'k han nongis dan buseru, ''Ku'k pucaya'k! toloknglah libo kai pucaya'k ku'k!'' ²⁵ libo Yesus honong bahwa nyo obia moni'k bupulua ngan copat, Diapm nohuh roh han samel nyono'k kanu diapm, ''Mu'k roh bisu'k dan bangal, Ku'k hitah mu'k kuluar so'k na'k tia dan yo'k tamo'k agi'k!'' ²⁶ Setelah makas dan ngucah-ngucah na'k han ngan hebat, maka roh han kuluar. Na'k han jodi mah nyokobe'k sehingga nyo obia han nyono'k, ''Diapm kobe'k!'' ²⁷ Akan tapi, Yesus migitn tongan na'k han dan ngado'k mokat, maka na'k han tokit. ²⁸ Dan, libo Yesus amo'k kanu wah homing, balo murid-Diapm misia'k kanu-Diapm todiap, ''Ngoniah mi'k katau'k kobung'i?'' ²⁹ Dan, Diapm nyono'k kanu balo nyo, ''Jenis tia kai dopit kuluar kucuali ngan doa .'' Yesus Nyono'k Agi'k tentakng Pungome'k-Diapm ³⁰ So'k nyih, Yesus dan balo murid-Diapm obu dan nilalu ahokng Galilea. Dan, Diapm ngo'k odiah di'k tau'k. ³¹ Sobab, Diapm sedakng ngajar balo murid-Diapm dan nyono'k kanu balo han, ''Nak Sio akan ninyerah kanu tongan na'k sio, dan dan balo nyo akan kome'k E. Dan, mosi'k so'k han nikome'k, tohuah onu kemudian Diapm akan mokat.'' ³² Akan tapi, balo murid kai nimaham han dan gola'k misia'k kanu-Diapm. Budebat tentakng osiah di'k Palikng daeh ³³ Kemudian, Yesus dan balo murid-Diapm moni'k kanu Kapernaum. Dan, libo Yesus ponai no'k wah homing, Diapm misia'k kanu balo nyo, ''Oniah di'k ni mu'k nyono'k no'k johatn ji?'' ³⁴ Akan tapi, balo nyo ponai karna wah johatn balo nyo budebat nyi'k ngan di'k laikng tentakng osiah di'k daeh. ³⁵ Lalu, Yesus guhu'k dan pau dubolas murid. Dan, Diapm nyono'k nyono'k kanu balo nyo, ''La'k mu'k lua jodi di'k tiatn, mu'k harus jodi di'k kumisikng so'k sumua dan pulayatn nyo sumua.'' ³⁶ Kemudian, Yesus pau na'k nadi'k dan ningado'k tokit no'k tudo'k balo nyo. Dan, samel makap na'k han, Diapm nyono'k kanu balo nyo, ³⁷ ''Osiah di'k nyamut na'k nadi'k tia wa'h odatn-Ku'k, diapm nyamut Ku'k. Dan, osiah di'k nyamut Ku'k, kai nyamut ku'k, Melaikngkan Diapm di'k ngutus Ku'k.'' Nyo di'k Kobu Muatn wah Odatn Yesus ³⁸ Yohanes nyono'k kanu Yesus, ''Guru, mi'k honong nyo kobu muatn wah odatn-Mu'k, dan mi'k nohuh hu karna diapm kai ngaje'k yah.'' ³⁹ Akan tapi, Yesus nyono'k, ''Yo'k nohuh hu karna kadiah di'k tau'k hija perbuatan ajaib wah odatn-Ku'k, dopit saat han gi'k i nyono'k Ku'k. ⁴⁰ Sobab, osiah di'k kai lawatn yah, biatn no'k pihak yah. ⁴¹ Sobab, Ku'k nyono'k di'k kai omatn kanu mu'k, osiah di'k nyilu'k nyi'k cawatn pikng karna mu'k ngaje'k Kristus, kai akan moyapm upah'ha.'' Tentakng Punyebab Dosa ⁴² ''Dan osiah di'k ngado'k na'k nadi'k di'k pucaya'k kanu-Ku'k han bubuat dosa, lobiah bai'k diri diapm ni ngatua butuh di'k daeh no'k hinan dan diapm nimotatn kanu wah lawuat. ⁴³ Dan, la'k tongan mu'k nyobab budosa, takokng lah tongan mu'k han. lobiah bai'k bagimu'k tamo'k kanu wah pumidiap ngantongan buntung, dari pada ngan du tongan tamo'k kanu nereka, kanu wah opi di'k kai akan suah pojapm, ⁴⁴ ahokng di'k sikiat kai akan kobe'k dan opi kai akan pojapm. ⁴⁵ Dan, la'k kojo'k mu'k ngado'k mu'k budosa, takokng lah kojo'k mu'k han. Lobiah bai'k bagi mu'k tamo'k kanu pumidiap ngan kojo'k buntung, daripada ngan du kojo'k ni napuah kanu wah neraka, ⁴⁶ ahokng di'k sikiat kai akan kobe'k dan opi kai akan pojapm. ⁴⁷ Dan, la'k motih mu'k ngado'k mu,k budosa, cungkillah motihmu'k han. lobiah bai'k bagi mu'k tamo'k kanu kerajaan Bai Punopo'k ngan nyi'k motih daripada ngan du motih nilayekngkan kanu wah neraka, ⁴⁸ ahokng di'k sikiat kai akan kobe'k dan opi kai akan pojapm. ⁴⁹ Sobab, sotiap nyo akan ningahapm mngan opi . ⁵⁰ Gahapm han bai'k tapi la'k gahapm han moyapm pumidi'k, makiah cara mu'k akan ngado'k pidi'k agi'k? Milikilah gahapm no'k wah wua mu'k todiap dan budamailah nyi'k ngan di'k laikng.''