¹ Kemudian, Yesus togatn ahokng han dan obu kanu wilayah Yudea dan kanu dipah sungai Yordan. Dan, nyo obia bupulua kanu diapm agi'k. Dan, mah kebiasaan-Diapm, Diapm ngajar balo nyo agi'k. ² Kemudian, balo nyo Farisi kanu-Diapm, dan nya'k cobai Diapm balo nyo misia'k, ''Oniahkah ningado'k omatn bonih menceraikan sau Diapm?'' ³ Yesus nyawap balo nyo, ''Oniah di'k Musa puhitahkan kanu mu'k?'' ⁴ Balo nyo nyono'k, ''Musa ngijetnkan bonih moki surat cerai dan ninyeraikan.'' ⁵ Akan tapi, Yesus nyono'k kanu balo nyo, ''Karna kekeras otimu'k lah, Musa nuliskan puhitah tia kanu mu'k. ⁶ Akan tapi, sejak permulaan punciptaan, 'Bai Punopo'k nyiptakan balo nyo dahi dan dayua. ⁷ Karna hanlah, nyo dahi akan togatn nokng ngan ma. ⁸ Dan, kudua'k a akan jodi nyi'k dagikng .' Ngan demikian, balo nyo kai agi'k du, melaikngkan nyi'k dagikng. ⁹ Jodi, oniah di'k jeh Bai Punopo'k persatukan, yo'k odiah na'k sio di'k misahkan.'' ¹⁰ Kemudian, no'k wah homing, balo murid-Diapm misia'k agi'k kanu Diapm tentakng hal han. ¹¹ Maka, Diapm nyono'k kanu balo nyo, ''Osiah di'k nyeraikan sau'a dan ngosau agi'k, berbuat zina terhadap sau'a. ¹² Dan, la'k sau nyeraikan bonih hi, dan bubonih agi'k, diapm bubuat zina.'' Yesus Memberkati Balo nak ¹³ Dan, balo nyo matn balo na'k nadi'k kanu Yesus supaya Diapm nyentuh balo nadi'k han, tapi balo murid negur balo nyo. ¹⁴ Namun, libo Yesus honokng'ngi, Diapm jodi nohuh dan nyono'k kanu balo murid-Diapm, ''adunglah balo na'k nadi'k han moni'k kanu-Ku'k dan yo'k ngalang-ngalang balo nyo karna Kerajaan Bai Punopo'k adalah pu'k balo nyo mah balo nyo. ¹⁵ Ku'k nyono'k di'k omatn kanu mu'k, osiah di'k nyamut kerajaan Bai Punopo'k mah nyo na'k nadi'k, kai akan tamo'k kanu wah'ha.'' ¹⁶ Kemudian, Yesus melu'k balo na'k han, Diapm memberkati balo nyo dan meletakkan tongan-Diapm atas balo nyo. Nyo kaya di'k Nula'k Ngaje'k Yesus ¹⁷ Lalu, libo Yesus sedakng nyiapkan nya'k bujalatn, biatn nyo sukuduh kanu-Diapm dan bulutut no'k jowi-Diapm dan misia'k, ''Guru di'k bai'k, oniah di'k harus ku'k hija nya'k dopit warisan midiap di'k kekal?'' ¹⁸ dan, Yesus nyono'k kanu diapm, ''Ngoniah mu'k nyono'k Ku'k bai'k? Kadiah nyo pun di'k bai'k, kecuali Bai Punopo'k maih. ¹⁹ Mu'k tau'k puhitah-puhitah: 'Yo'k kome'k, yo'k bujiha, yo'k noku, yo'k lakar, yo'k nipu, hormatlah pa'k dan ma'k mu'k.' '' ²⁰ Lalu, nyo han nyono'k kanu-Diapm, ''Guru, ku'k jeh ngaje'k sumua libo ku'k agi'k mungutn.'' ²¹ Namun, Yesus honong kanu pumuda han dan naruh kasih kanu diapm, dan nyono'k kanu diapm, '' nyi'k hal di'k kuha so'k mu'k. obu dan juallah sumua di'k mu'k pu'k,dan nyilu'k kanu nyo musiketn, maka mu'k akan pu'k harta no'k surga. Lalu, kotu'klah dan ngaje'k Ku'k.'' ²² Namun, perkataan han ngado'k-diapm susah oti dan diapm obu ngan sedih karna diapm pu'k harta. ²³ Kemudian, Yesus honokng kulilikng dan nyono'k kanu balo murid-Diapm, ''Butapa sulit bagi balo nyo di'k kaya nya'k masok Kuhajaan Bai Punopo'k!'' ²⁴ Balo murid terkejut libo pukataan-Diapm. Namun, Yesus nyono'k agi'k kanu balo nyo, ''Hai balo ndak nadi'k butapa sulit nya'k masok Kuhajaan Bai Punopo'k! ²⁵ Lobiah mudah unta maso'k melalui huba jahupm so'kpada nyo kaya maso'k Kuhajaan Bai Punopo'k ²⁶ Balo murid makin pojiat dan nyono'k nyi'k ngan di'k laikng, ''Lalu, osiah di'k tau'k ninyelamat?'' ²⁷ Yesus honokng kanu balo nyo dan nyono'k, ''bagi na'k sio hal han kai mungkin, tapi kai bagi Bai Punopo'k. Sobab, sumua sesuatu mungkin bagi Bai Punopo'k.'' Upah Ngaje'k Yesus ²⁸ Petrus mulai nyono'k kanu Yesus, ''Honong, mi'k jeh togatn sumua sesuatu dan ngaje'k Mu'k!'' ²⁹ Yesus nyono'k, ''Ku'k nyono'k di'k omatn kanu mu'k, kadiah nyi'k nyo pun di'k jeh togatn homing, atau balo posi'k di'k dahi, atau balo posi'k di'k dayua, atau nokng, atau ma, atau balo na'k nadi'k, atau balo mih nya karna Ku'k dan karna Injil, ³⁰ di'k libo masa tia kai akan himo'k sahatus kali lipat- homing-homing, danbalo posi'k di'k dahi, dan balo posi'k di'k dayua, dan balo nokng, dan balo na'k nadi'k, dan balo mih, ngan ninyoho'k; dan libo masa di'k akan moni'k, midiap di'k kekal. ³¹ Akan tapi, obia nyo di'k tiatn jodi di'k kumisikng, dan di'k kumisikng jodi di'k tiatn.'' Yesus Nyono'k Agi'k tentakng Pukome'k-Diapm ³² Balo nyo sedakng wah pujalatn sima'k kanu Yerusalem dan Yesus bujalatn no'k jowi balo nyo. Dan, balo nyo merasa takjub, sementara balo nyo di'k ngaje'k-Diapm merasa gola'k. Dan, Yesus bolia'k matn du bolas murid-Diapm, Diapm mulai nyono'k balo nyo oniah di'k akan terjodi pada-Diapm, ³³ kuatn-Diapm ''Honong, yah sedakng sima'k kanu Yerusalem dan NA'k Sio akan ninyerahkan kanu ba'k balo imam dan balo ahli Taurat. Balo nyo akan ngukupm-Diapm hingga kobe'k dan akan nyerahkan-Diapm kanu balo nyo kai Yahudi. ³⁴ Balo nyo akan ngina-Diapm , dan hucuah-Diapm, dan napar-Diapm, dan kome'k-Diapm. Akan tapi, mosi'k so'k tohuah onu, Diapm akan bangkit.'' Pumohon Yakobus dan Yohanes ³⁵ Kemudian, Yakobus dan Yohanes, balo na'k Zebedeus, moni'k kanu Yesus dan nyono'k, ''Guru, mi'k lua ngado'k Mu'k hija bagi mi'k oniah di'k mi'k mitok.'' ³⁶ Dan, Yesus nyono'k kanu balo nyo, ''Oniah di'k mu'k lua Ku'k hija bagi mu'k?'' ³⁷ Balo nyo nyono'k kanu-Diapm, ''Izinkan nyo so'k mi'k guhu'k no'k supia'k touh-Mu'k, dandi'k nyi'k no'k kido'k kamiat-Mu'k, wah kemuliaan-MNu'k.'' ³⁸ Akan tapi, Yesus nyono'k kanu balo nyo, ''Mu'k katau'k di'k mu'k ho'k mito'k. Sanggupkoh mu'k nyiniap so'k cawatn di'k harus ku'k nyiniap atau nibabtis ngan babtisan di'k nibabtiskan kanu-Ku'k?'' ³⁹ Balo nyo nyono'k kanu-Diapm, ''Mi'k sangup!'' Lalu, Yesus nyono'k kanu balo nyo, ''Cawatn di'k Ku'k nyiniap memang mu'k nyiniap,dan mu'k akan nibabtis ngan babtisan di'k nibabtiskan kanu-Ku'k. ⁴⁰ Akan tapi, nya'k guhu'k no'k supia'k touh-Ku'k atau no'k supia'k kamiat-Ku'k, kai hak-Ku'k nya'k nyilu'k'u, tapi ahokng han adalah nya'k balo nyo di'k jeh ninyiapkan.'' ⁴¹ Ngopikng han, simia murid di'k laikng nohuh kanu Yakobus dan Yohanes. ⁴² Lalu, Yesus pau balo nyo dan nyono'k kanu balo nyo, ''Mu'k tau'k bahwa balo nyo di'k ninganggap subagai pemerintah balo nyo kai Yahudi hija seolah-olah bukuasa atas balo nyo han. Dan, balo petingi balo nyonginya'k kuasa ngi nya'k balo nyo. ⁴³ Namun, kai seharusnya no'k antara mu'k. Subalik ngi, osiah maih di'k lua jodi daeh no'k antara mu'k, harus jodi pullayatnmu'k, ⁴⁴ dan osiah maih di'k lua jodi di'k tiatn so'k antara mu'k, harus jodi pulayatn so'k sumua. ⁴⁵ sobab, Na'k sio pun moni'k kai nya'k nilayatni, tapi nya'k melayatni, dan nya'k nyilu'k nyawa-Diapm subagai tebusan bagi obia nyo.'' Yesus Puhi'kkan Bartimeus di'k Bokap ⁴⁶ Kemudian, balo nyo sampai no'k Yerikho. Libo Yesus obu so'k Yerikho busama ngan balo murid-Diapm dan nyo obia, nyo pengemis di'k bokap pu'k odatn Bartimeus, na'k Timeus, sedakng guhu'k no'k sonikng johatn. ⁴⁷ Libo diapm ngopikng bahwa biatn Yesus so'k Nazaret, diapm pun mulai pau dan nyono'k, ''Yesus, Na'k DAud, kasihanilah ku'k!'' ⁴⁸ Dan, onia nyo nohuh diapm dan ngado'k diapm ponai. Namun, diapm makitn makas, ''Na'k Daud, kasihanilah ku'k!'' ⁴⁹ Lalu, Yesus toga'k dan nyono'k, ''Pau diapm.'' Dan, balo nyo pun pau nyo bokap han dan nyono'k kanu diapm, ''Analkan otimu'k! Tokitlah, Diapm pau mu'k.'' ⁵⁰ Samel nguliah jubahdiapm , nyo bokap han tokit dan moni'k kanu Yesus. ⁵¹ Dan, Yesus nyono'k kanu ngi, ''Oniah di'k mu'k lua nya'k Ku'k hija nya'k mu'k?'' Nyo bokap han nyawab, ''Rabi, ngado'k lah ku'k panai honong.'' ⁵² Lalu, Yesus nyono'k kanu ngi, ''Obulah. Imanmu'k jeh nyelamatkan mu'k.'' Mosi'k sok han, diapm dopit agi'k honokng, dan diapm ngaje'k Yesus bujalatn.