¹ Libo onu han, libo obia nyo bupulua dan kadiah nya'k dua'k, Yesus pau murid-murid-Diapm dan nyono'k kanu balo nyo, ² ''Ku'k bubolas kaseh kanu obia nyo han karna sekarang balo nyo jeh busama ngan-Ku'k sulM tohuah onu, dan kadiah di'k tau'k nya'k dua'k. ³ Dan, la'k Ku'k ngado'k balo nyo mohi'k kanu homing balo nyo libo agi'k bohia'k, balo nyo akan pisatn wah pujalatn karna obia so'k balo nyo oju'k.'' ⁴ Dan, murid-murid-Diapm jawab Diapm, ''So'k kiah nyo tau'k bai'k ngan balo nyo ngan roti no'k ahokng di'k sunyi'k mah tia?'' ⁵ Lalu, Yesus misia'k kanu balo nyo, ''Kudu roti di'k biatn no'k mu'k?'' ⁶ Kemudian, Yesus hitah nyo obia han guhu'k no'k poyo'k, dan Diapm monu ju'k roti han, dan ngucap syukur, dan Diapm mohuah-mohuah, dan nyilu'k kanu murid-murid-Diapm ngidakng kan kanu nyo obia. Balo nyo pun ngidakng kanu nyo obia. ⁷ Dan, murid-murid gi'k i biatn ci'k ikatn cikng. setelah ngucap syukur atasnya, Yesus ngdo'k murid-murid-Diapm nyak magikan ikatn-ikatn han kanu nyo obia. ⁸ Nyo obia han dua'k sapai busuah, dan balo nyo mulua tiso makanan han ju'k kahanyakng punukng. ⁹ Biatn kira-kira pat hibu nyo di'k dua'k. sesudah han, Yesus ngado'k balo nyo obu. ¹⁰ Lalu Yesus segera tamo'k ohut busama murid-murid-Diapm dan sapai no'k daerah Dalmanuta. Yesus Nimito'k Nunjukkan Tana so'k Surga ¹¹ Dan, nyo-nyo Farisi moni'k dan mulai budebat ngan Yesus, samel mito'k Yesus nunju'k tanda so'k surga, nya'k cobai-Diapm. ¹² Setelah Yesus nohia'k nafas omuh wah Roh-Diapm, Diapm nyono'k, ''Ngoniah generasi tia mogau tana? Ku'k nyono'k di'k subonar kanu mu'k, kadiah nyi'k pun tana di'k akan ninyono'k kanu generasi tia.'' ¹³ Kemudian, Yesus togatn balo nyo han, tamo'k kanu wah ohut, dan obu kanu supia'k. Hagi Nyo Farisi dan Hagi Herodes ¹⁴ Murid-murid kai sinyiatn matn roti, dan hanya biatn nyi'k potokng roti no'k wah ohut. ¹⁵ Dan, Yesus buposatn kanu balo nyo, ''Siap sedialah! Buhati-hatilah terhadap hagi nyo-nyo Farisi dan hagi Herodes.'' ¹⁶ Lalu balo nyo mulai bupisia'k nyio'k ngan di'k laikng soal balo nyo di'k kai pu'k roti. ¹⁷ Dan, setelah tau'k hal han, Yesus nyono'k kanu balo nyo, ''Ngoniah mu'k nyono'k tentakng mu'kdi'k kai pu'k roti? Oniah mu'k guatn gi'k i tau'k atau ngerti? onia'h otimu'k ni hiyakan? ¹⁸ Oniakah mu'k biatn motih, tapi kadiah honong? Dan, biatn kopikng, tapi kadiah ngopikng? Kadiah ngingatkan mu'k, ¹⁹ Libo Ku'k mecah-mecahkan himih roti nya'k himih hibu nyo, obia kuhanyakng di'k punu'k ngan tiso makanan di'k mu'k mulua?'' Balo nyo jawab, ''Du bolas kuhanyakng.'' ²⁰ ''Dan, libo ju'k roti nya'k pat hibu nyo han, balo kuhanyakng di'k punu'k ngan tiso-tiso makanan di'k mu'k mulua?'' Balo nyo jawab, ''Ju'k kuhanyakng.'' ²¹ Lalu, Diapm nyono'k kanu balo nyo, ''oniahkah mu'k agi'k guatn tihiti?'' Yesus Puhi'k Nyo Bokap no'k Betsaida ²² Kemudian, Yesus dan murid-murid-nya moni'k no'k Betsaida. Dan, beberapa nyo matn nyo bokap dan memohon kanu Yesus agar migitnya. ²³ Yesus pun migitn tongan nyo bokap han dan matn kuluar opik. Lalu, Yesus hucuah motih nyo bokap han dan tongan ni ngono'k no'k somu nyo han. Diapm misia'k kanungi , ''biatnkoh mu'k honong sesuatu?'' ²⁴ Lalu, nyo han honong somu dan nyono'k, ''Ku'k honong balo nyo, tapi balo nyo mah bota koyuh di'k bujalatn.'' ²⁵ setelah han,Yesus ngono'k tongan no'k somu motih nyo han agi'k, lalu nyo han muka'k motih'hi, puhonokngngi puhi'k, dan diapm pun dopit honong sumua ngan jelas. ²⁶ Lalu, Yesus ngado'k diapm mohi'k kanu homingngi ngan nyono'k.''yo'k tamo'k kanu wah opi'k.'' Yesus adalah Kristus ²⁷ Setelah han,Yesus obu, busama murid-murid-Diapm, kanu opi'k-opi'k no'k Kaisarea Filipi. Dan, no'k tudo'k johatn, Yesus misia'k kanu murid ngan nyno'k kanu balo nyo, ''kuatn balo nyo, osiah Ku'k tia?'' ²⁸ Balo nyo jawab, ''Yohanes Pembabtis, di'k laikng nyono'k Elia, dan di'k laikng nyono'k salah satu so'k nabi-nabi.'' ²⁹ Kemudian, Yesus misia'k kanu balo nyo, ''Namun, menurut mu'k, osiah ku'k tia?'' ³⁰ Dan, Yesus nyono'k kanu balo nyo nya'k kai nyono'k kanu nyo tentang osiah Diapm. Pemberitahuan tentakng punyoho'k Yesus ³¹ Kemudian, Yesus mulai ngajar balo murid-Diapm bahwa Nak sio harus joho'k obia hal dan ni nula'k oleh balo nyo mutuh Yahudi, balo imam kupala'k, serta balo ahli Taurat, dan nikome'k, dan setelah tohuah onu bangkit agi'k. ³² Dan, Yesus nyono'k hal tia secara tubuka. Karna han, Petrus nohia'k Yesus kanu sonikng dan mulai negur-Diapm. ³³ Namun, samel honong kona dan honong balo murid-Diapm , Yesus negur Petrus dan nyono'k, ''obulah so'k ku'k, hai Muatn! sobab, mu'k kai miker balo pukara Bai Punopo'k, tapi balo pukara nak sio.'' ³⁴ mosi'k so'k han, Yesus pau nyo obia, serta balo murid-Diapm, dan nyono'k kanu balo nyo, ''La'k nyo lua ngaje'k Ku'k, diapm harus nyangkal wua diapm todiap, danngopokng salib Diapm, lalu ngaje'k Ku'k. ³⁵ Sobab, osiah pun di'k lua nyelamat nyawa diapm akan monyapm. Akan tapi, osiah pun di'k kobe'k demi Ku'k dan Injil akan nyelamat diapm. ³⁶ Sobab, oniah kuuntokng nyo dopit suluruh dunia, tapi kobe'k? ³⁷ Oniah di'k dopit nyonyilu'k nya'k nebus nyawa diapm? ³⁸ Sobab, osiah pun di'k mongin karna Ku'k dan firman-Ku'k no'k generasi di'k kai setia dan budosa tia, maka Nak Sio gi'k i akan mongin ngakui nyo han libo Diapm moni'k wah kemuliaan Pak-Diapm busama ngan balo malaikat di'k kudus.''