¹ Lalu, bupulualah nyo-nyo Farisi budopit Yesus busama ngan beberapa ahli Taurat di'k moni'k so'k Yerusalem. ² Dan, balo nyo honong jalah murid Yesus dua'k roti ngan tongan najis, yaitu tongan di'k kai nibasuh . ³ Sobab, balo nyo Farisi dan sumua nyo Yahudi kai akan dua'k la'k tongan balo nyo kai ni ngumi'k monik kanu hoka tongan karna tradisi no'k moyang di'k balo nyo pigitn. ⁴ Dan, la'k balo nyo Yahudi han moni'k so'k ahokng umum, balo nyo kai akan dua'k sebelum ngumi'k tongan. Dan, obia tradisi laikngnya di'k balo nyo himo'k nya'k ni migitn, mah ngumi'k cawatn, kendi-kendi, dan bejana-bejana tembaga. ⁵ Kemudian, balo nyo Farisi dan balo ahli Taurat misia'k kanu Yesus, ''Ngoniah murid-murid-Mu'k kai midiap mah tradisi nek moyang, tapi malah dua'k roti ngan tongan najis?'' ⁶ Yesus nyono'k balo nyo, ''Yesaya bernubuat ngan odu'k tentakng mu'k di'k munafik, mah di'k ninulis: 'Bangsa tia menhormati Ku'k ngan lomiar balo nyo, tapi oti balo nyo oju'k so'k Ku'k. ⁷ Balo nyo nyembah-Ku'k ngan sia-sia karna ngajar ajaran pihitah-pihitah di'k nimoki oleh naksio.' ⁸ Samel ngabaikan pihitah Bai Punopo'k, mu'k migitn kuat tradisi naksio.'' ⁹ Lalu, Yesus gi'k i nyono'k kanu balo nyo, ''Ngan cerdi'k mu'k nula'k pihitah Bai Punopo'k sehingga dopit mempertahankan tradisimu'k todiap. ¹⁰ Sobab, Musa nyono'k, 'hormatilah pa'k mu'k dan ma'k mu'k , dan, 'Osiah maih di'k ngutuk pa'k a atau ma'k a harus ni ukum kobe'k.' ¹¹ Namun, mu'k nyono'k la'k nyo nyono'k kanu pa'k a atau ma'k a, 'Oniah maih kuutokng di'k akan mu'k dopit so'k ku'k adalah kurban, yaitu persembahan,' ¹² lalu mu'k kai agi'k ngijetnkan diapm hija oniah pun nya'k pa'k a atau ma'k a, ¹³ ngan mahan mu'k jeh batalkan firman Bai Punopo'k ngan tradisi mu'k di'k jeh turun-temurun. Dan mu'k hija obia hal agi'k mah han.'' ¹⁴ Kemudian, Yesus pau sumua nyo dan nyono'k kanu balo nyo, ''Kapikng lah Ku'k, mu'k sumua dan pahapmilah. ¹⁵ Kadiah sesustu pun so'k luar na'k sio tamo'k kanu wah opu'k diapm dopit menajiskannya , tapi hal-hal di'k kuluar so'k naksiolah di'k menajiskannya.'' ¹⁶ ''La'k nyo pu'k kopikng nyak ngopikng, adunglah diapm ngopikng!'' ¹⁷ Lalu, libo Yesus tamo'k kanu homing dan togatn balo nyo han, murid-murid-Diapm misia'k kanu-Diapm tentakng purumpamaan han. ¹⁸ Dan, Diapm nyono'k kanu balo nyo, ''Oniahkah mu'k gi'k i kai tihiti? Kaikoh mu'k tau'k bahwa oniah di'k no'k sopo'k tamo'k kanu wah naksio kai akan menajiskannya? ¹⁹ Sobab, di'k tamo'k han kai tamo'k kanu wah otingi, tapi toningi, dan kemudian kuluar kanu wah jamban.''{Ngan demikian, Yesus nyono'k bahwa sumus dua'k halal.} ²⁰ Lalu Diapm nyono'k, ''Oniah di'k kuluar so'k naksiolah di'k menajiskannya. ²¹ Sobab, so'k wah, so'k oti naksio, timual piker-piker jahat, dosa-dosa seksual, pencurian, pembuhuhan, ²² perzinahan, kuserakahan, kujahatan, tipu daya, hawa nafsu, iri hati, fitnah, kesombongan, dan kebodohan. ²³ Sumua hal di'k jahat han moni'k so'k wah naksio, dan han di'k menajiskannya.'' Iman Nyo Dayua Siro-Fesia ²⁴ So'k ahokng han, Yesus tamo'k dan obu kanu ahokng Tirus dan Sidon. Dan, Diapm tamo'k kanu subuah homing dan kai lua agi'k nyi'k nyo pun di'k tau'k, tapi Diapm kai luput so'k perhatian. ²⁵ Segera sesudah ngopikng tentakng Yesus, Nyo dayua di'k na'k dayuangi kuhasok roh najis moni'k dan sujud no'k kojo'k Yesus. ²⁶ Dayua han adalah nyo Yunani, losiat no'k Siro-Fenisia.Diapm mohon kanu Yesus nya'k kobu muatn han kuluar so'k na'k a. ²⁷ Kemudian, Yesus nyono'k kanu dayua han, ''Adunglah nak-nak ningado'k busuah tiatn. Sobab, kai bai'k monu roti kepunyaan nak-nak dan nilayekng kanu balo yuk .'' ²⁸ Akan tetapi, dayua han jawab dan nyono'k kanu Yesus, ''Omatn, Punopo'k. Namun, balo yuk di'k odiah nop'k sigatn meja pun dua'k tiso balo na'k nadi'k han.'' ²⁹ Lalu, Yesus nyono'k kanu dayua han, '' Karna mu'k nyono'k tia, mu'k tau'k obu. Muatn han jeh togatnkan na'k mu'.'' ³⁰ Kemudian, dayua han bolia'k kanu homikng dan budopit na'k a sedakng guhikng no'k ahokng bis, dan muatn han jeh obu. nyo di'k Bangal Nipuhi'kkan ³¹ Kemudian, Yesus kuluar agi'k so'k ahokng Tirus dan obu lalu sidon kanu danau Galilea, no'k ahokng Dekapolis. ³² Lalu, balo nyo matn kanu Yesus nyo bangal di'k togua'h ngomong. Balo nyo memohon kanu Yesus nyak ngono'k tongan-Diapm somu nyo han. ³³ Kemudian, Yesus matn nyo han todiap so'k ahokng nyo obia. Diapm nitamo'k tongan-Diapm kanu wah kopikng nyo han, dan mosi'k sok han ni hucuah, Diapm dokiap jiho'k nyo han. ³⁴ Lalu, Yesus honokng kanu honyiatn, Diapm nohia'k nafas omuhdan nyono'k, , artingi ''Tubuka'klah!'' ³⁵ Saat han gi'k i, kopikng nyo han tubuka'k, pungisiat no'k johok otukuliah, dan diapm nyono'k ngan omatn. ³⁶ Dan, Yesus nohu'h balo nyo cihitokan peristiwa han kanu nyo. Akan tapi, semakin Diapm nohu'h balo nyo, balo nyo semakin cihitokannya. ³⁷ Balo nyo omatn takjub dan nyono'k, ''Diapm jeh hgija sumua sesuatu ngan bai'k. Diapm bahkan moki nyo bangal dan nyo bisu ngomong.''