¹ Kemudian, Yesus obu so'k nyih dan sapai no'k kota asal-Diapm, dan murid-murid-Diapm ngajek Diapm. ² Libo onu mingu moni'k, Yesus mulai ngajar no'k sinagoge. Dan, obia nyo di'k ngopikng-Diapm merasa takjub,dan nyono'k, "So'k kiah Diapm dopit sumua hal han? Hikmat oniah di'k ninyilu'k kanu-Diapm dan mujizat-mujizat mah han nihija ngan tongan-Diapm? ³ Kikoh Diapm tukang koyuh, na'k Maria,dan posik Yakobus dan Yoses dan Yudas dan Simon? Kaikoh posik-posik di'k dayua odiah no'k tia busama yaj?" Lalu, balo nyo pun tersandung dan ngo'k himo'k Diapm. ⁴ Kemudian, Yesus nyono'k kanu balo nyo, "No'k kiah-kiah nyo hormat kanu nabi, kecuali no'k ahokng asal Diapm todiap, dan no'k antara posi'k-posi'k diapm todiap, dan no'k homing diapm todiap." ⁵ Maka, Yesus kitau'k moki mujizat no'k nyih, kecuali niletak tongan-Diapm no'k somu berapa nyo monapm dan puhi'kkan balo nyo. ⁶ Dan, Diapm heran karna kai pucaya'k balo nyo. Kemudian, Diapm obu kulilikng kanu opik-opik dan ngajar. Yesus Ngutus MUrid-Murid-Diapm ⁷ Kemudian, Yesus pau du bolas murid dan mulai ngutus balo nyo bupasakng, dan nyilu'k balo nyo kuasa atas roh-roh najis. ⁸ Lalu, Diapm nyilu'k perintas kanu balo nyo kai matn oniah-oniah wah pujalatn, kecuali hanya sokut, tanpa roti,tanpa tas,tanpaduet wah punotikng balo nyo han, ⁹ tapi nginya'k silup dan yo'knginya'k du bojuh. 10 Dan, Yesus nyono'k kanu balo nyo, "No'k kiah maih mu'k namo'k homikng, ponai lah no'k nyih sapai mu'k kuluar so'k han. ¹¹ Dan, la'k biatn ahokng di'k kai himo'k mu'k dan kai ngopikng mu'k, libo mu'k obu tipaulah dobu so'k kojo'k mu'k subagai subuah kesakasian bagi balo nyo." ¹² Lalu, balo nyo pun obu dan nyono'k nbahwa nyo-nyo harus butobat . ¹³ Maka, balo nyo kobu obia muatn dan puhi'k obia nyo monapm ngan minyakng , serta puhi'k balo nyo han. Herodes Ngopikng Berita tentakng Yesus ¹⁴ Dan, Raja Herodes jeh ngopikng, karna nama Yesus jeh terkenal, dan nyo nyono'k, ''Yohanes Pembaptis jeh bangkit so'k antara nyo kobe'k, maka mujizat-mujizat han kihija no'k wah Siapm." ¹⁵ Subagiatn nyono'k, "Diapm adalah Elia ." Namun, subagiatn nyono'k, Diapm adalah nabi, samah ngan para nabi." ¹⁶ Akan tetapi, Libo Herodes ngopikng hal han,diapm nyono'k, "Yohanes, di'k jeh ku'k nokokng ba'k a, jeh nibangkit kan!" Yohanes pembaptis nikome'k ¹⁷ Memang Herodes todiap di'k jeh ngado'k nyo, memerintahkan diapm nya'k dokiap Yohanes , dan mmembelengunya no'k wah penjara demi Herodias, sau di'k dahi diapm, Filipus, karna Herodes jeh ngantetn Herodias. ¹⁸ Sobab, Yohanes anal nyono'k kanu Herodes, ''Kai omant mu'k monu sau posik mu'k.'' ¹⁹ Oleh karna han, Herodias ngono'k donapm kanu Yohanes dan ho'k komek'e, tapi diapm kitau'k. ²⁰ Sobab, Herdes gola'k kanu Yohanes setelah diapm tau'k bahwa Yohanes adalah nyo omant dan nyo suci, dan Herodes lindungi diapm. Libo Herodes ngopikng Yohanes, diapm jodi sangat bingong, tapi Herodes sonang ngopikng Yohanes. ²¹ Namun, moniklahonu dik topat, libo onu ulakng tahun Herodes biatn subuah perjamuan nya'k pujabat-pujabat tingi, perwira-perwira diapm, dan pumimpitn-puminpitn Galilea. ²² Lalu libo nadi'k dayua Herodes tamo'k dan bunari, diapm ngado'k Herodes sonang dan balo nyo di'k guhu'k busama diapm. Dan, haja nyono'k kanu dayua han, ''Mito'klah oniah di'k mu'k lua dan ku'k akan nyilu'k kanu mu'k.'' ²³ Dan, Herodes busupah kanu diapm, ''Oniah di'k mu'k pito'k kanu ku'k, akan ku'k nyilu'k kanu mu'k, bahkan sapai separuh so'k kerajaan ku'k.'' ²⁴ Dan, dayua han obu dan nyono'k kanu nokng diapm, ''Ku'k harus mito'k oniah?'' Nokng diapm jawab, ''Ba'k Yohanes Pembabtis.'' ²⁵ Dan, saat han ngan copat-copat, dayua han moni'k kanu haja dan bukata, '' Ku'k ho'k tia mu'k nyilu'k kanu ku'k ba'k Yohanes Pembabtis no'k somu baki.'' ²⁶ Karna han, haja jodi sangat sodih, tapi karna supah diapm dan balo nyo di'k dua'k busama diapm, diapm ngo'k menolak dayua han. ²⁷ Lalu, haja segera ngirim nyo algojo ngan puhitah nya'k matn ba'k Yohanes, lalu algojo han obu dan nokokng ba'k Yohanes no'k penjara. ²⁸ Kemudian, diapm matn ba'k Yohanes no'k somu baki dan ni nyiluk kanu dayua han, dan dayua han nyiluk kanu nokng diapm. ²⁹ Dan, libo balo murid Yohanes ngopikng, balo nyo han moni'k dan monu wua Yohanes dan ni ngono'k no'k wah kubur. Yesus Nyilu'k Dua'k kanu Lobiah so'k Himih HIbu'k Nyo ³⁰ Kumudian, para rasul bupulua busama ngan Yesus dan nyono'k kanu-Diapm oniah di'k jeh balo nyo han hija dan oniah di'k jeh balo nyo han ngajar. ³¹ Dan, Yesus nyono'k kanu balo nyo han, ''Bohlah obu kanu ahokng di'k sunyi'k dan buistirahat sunogal.'' Sobab, obia nyo di'k monik dan obu, dan nya'k dua'k pun balo nyo kai sopat. ³² Lalu, Yesus dan murid-murid-Diapm obu nyak ohut kanu ahokng di'k sunyi'k. ³³ Akan tutapi, nyo obia honokng balo nyo han obu dan kinal ngan balo nyo han. Dan, nyo obia han sukoduh busama-sama ngisai johatn doyih so'k sumua kota, dan moni'k no'k nyih tiatn so'k Yesus dan para murid-Diapm. ³⁴ Libo Yesus obu kanu sonikng danau, Diapm honokng obia nyo, dan Diapm masi'khonokng kanu balo nyo han karna balo nyo han mah domba di'k kadiah gembala. Maka, Yesus mulai ngajar balo nyo han obia hal. ³⁵ Libo onu mulai ngohipm, murid-murid Yesus moni'k kanu Yesus dan nyono'k, ''Ahokng tia sunyi'k dan jeh tudo'k ngohipm. ³⁶ Ngadoklah balo nyo han obu kanu daerah sonikng tia dan kanu desa-desa supaya balo nyo han mihih suatu nya'k dua'k.'' ³⁷ Akan tapi Yesus jawab,''Mu'k lah di'k nyilu'k balo nyo han dua'k.'' ³⁸ Yesus nyono'k kanu balo nyo han, ''kudu roti no'k mu'k? obu dan hononglah!'' ³⁹ Lalu, Yesus hitah balo nyo han sumua agar guhu'k bukulompok-kulompok no'k rumput ijau. ⁴⁰ Nyo obia han guhu'k bukulompok, biatn di'k sahatus kunan dan biatn di'k himih puhu'k kunan. ⁴¹ Setelah han, Yesus monu himih roti dan du katn han, nihonokng kanu honyiatn, Diapm nyucap syukur dan nihoca'k-hoca'k roti han, Lalu Diapm nyilu'k kanu murid-murid-Diapm supaya nihidang kanu nyo obia . diapm juga nimagi-magi du katn han kanu sumua nyo. ⁴² Dan, balo nyo sumua dua'k sapai busuah. ⁴³ Kemudian, balo nyo han monu du bolas kahanyakng di'k punu'k ngan tiso roti dan ikatn. ⁴⁴ dan, biatn himih hibu dahi di'k dua'k roti. Yesus Bujalatn no'k Somu Pikng ⁴⁵ Kemudian, Yesus segera nyono'k murid-murid-Diapm sima'k kanu ohut dan obu tiatn so'k-Diapm kanu supiak, kanu Betsaida, sementara Diapm ngado'k nyo obia han obu. ⁴⁶ Setelah bupamit ngan balo nyo han, Diapm obu kanu dohi'k nya'k budoa. ⁴⁷ Libo ho'k ngohipm, ohut ponai no'k tudo'k danau, dan Yesus todiap no'k doyih. ⁴⁸ Dan, setelah honong murid-murid-Diapm mendayung ngan toguah karna bahat laikng arah ngan balo nyo han, kira-kira libo jamp jagok ngohipm kupat, Yesus kanu balo nyo ngan bujalatn no'k somu danau dan Diapm hendak bujalatn lalu balo nyo. ⁴⁹ Akan tetapi libo balo nyo honokng Yesus bujalatn no'k somu danau, balo nyo sila'k bahwa Diapm adalah muatn, lalu balo nyo makas, ⁵⁰ karna balo nyo sumua honokng Yesus dan gola'k. Namun, Yesus segera ngomong kanu balo nyo, dan nyono'k kanu balo nyo, dan nyono'k kanu balo nyo, ''Tonanglah. Tia Ku'k! Yo'k gola'k.'' ⁵¹ Lalu, Diapm busama balo nyo kanu ohut, dan bahat han han pun togak, dan balo nyo sangat takjub. ⁵² Sobab, balo nyo agi'k guatn pahapm tentakng mujizat himih roti han karna oti balo nyo bayu ningohaskan. Yesus Puhi'k Obia Nyo ⁵³ Dan, Sutelah Yesus dan murid-murid-Diapm mutas, balo nyo moni'k nok Genesaret dan berlabuh. ⁵⁴ Libo, balo nyo mono'k so'k ohut, nyo-nyo segera kinal kanu Yesus, ⁵⁵ dan sukodus kanu suluruh ahokng han dan mulai matn nyo-nyo monapm no'k somu tilapm, kokiah-kokiah balo nyo ngopikng tentakng ahokng Yesus. ⁵⁶ Maka, kokiah pun Yesus tamo'k kanu desa-desa, atau kota-kota, atau daerah-daerah mo'k sekitar, balo nyo nguhikng nyo-nyo monapm no'k ahokng hami dan mohon kanu-Diapm supaya balo nyo tau'k jamah ujokng jubah-Diapm maih.Dan osiah pun di'k dokiapm jubah-Diapm jodi bai'k.