¹ Moniklah balo nyo han no'k supia'k danau, no'k daerah balo nyo Gadara. ² Libo Yesus mono'k so'k ohut, ngan copat nyo so'k ngahiatn di'k ninamo'k roh najis kanu Yesus. ³ Diapm ponai no'k wah kubur-kubur. Kadiah nyo di'k sangup ngisiat diapm agi'k, bahkan ngan hatai. ⁴ Sobab, diapm jeh anal ningisiat ngan belengu kojo'k dan hatai, tapi diapm moti'k hatai dan moto'k kan belengu'a. Kadiah nyo pun di'k cukup kuat nya'k nunokkan'a. ⁵ Tiap hanu dan ngohipm, diapm makas no'k ngahiatn dan no'k dohi'k-dohi'k dan mgado'k towatn opu'k diapm maih ngan botuh. ⁶ Libo nyo han honong Yesus so'k oju'k, diapm sukoduh dan busujud no'k jowi Yesus. ⁷ Lalu, samel makas ngan caho daeh diapmnyono'k,''Oniah urusan ku'k ngan Mu'k, Yesus, Na'k Bai Punopo'k Di'k Mahatingi'k? Ku'k mohon kanu-Mu'k demi Bai Punopo'k, yo'k nyiksaku'k!" ⁸ Sobab, Yesus jeh nyono'k kanu diapm, "Kuluarlah so'k nyo tia, hai roh najis!" ⁹ Lalu, Yesus nyono'k kanu nyo han, "osiah odatn mu'k?" ¹⁰ Diapm anal mohon kanu Yesus supaya kai ngado'k obu balo nyo han so'k ahokng han. ¹¹ No'k nyih biatn kawanan le'k di'k obia sedakng dua'k no'k soma'k dohi'k. ¹² Lalu, roh-roh jahat han mohon kanu Yesus, ngan nyono'k, "ngado'k lah mi'k kanu balo le'k han sehinga mi'k tamo'k kanu wah'a." ¹³ Yesus ngabulkan'a. Karna han, roh-roh najis han obu dan tamo'k kanu balo le'k. Kawanan di'k bujumlah kira-kira du hibu han sukoduh kanu sonikng jurakng sapai kanu danau, lalu milip no'k wah danau. ¹⁴ Kemudian, penjaga-penjaga le'k han obu dan nyono'k kanu kota dan kanu opi'k. Dan, balo nyo han kuluar nya'k honong oniah di'k jeh terjadi. ¹⁵ Lalu, balo nyo han moni'k kanu Yesus dan honokng diapm di'k ji kohasokng roh jahat, di'k pu'k legion, sedakng guhu'k, dan jeh bubojuh, dan diapm jeh kai jilo. Dan, balo nyo han pun jodi gola'k. ¹⁶ Lalu, balo nyo di'k honokng kejadian han, cihito kanu balo nyo makiah hal han panai jodi kanu nyo di'k kohasokng roh jahat dan tentakng balo le'k han. ¹⁷ Karna han, balo nyo mulai mito'k Yesus nya'k obu so'k ahokng balo nyo. ¹⁸ Kemudian, libo onu Yesus sedakng sima'k kanu ohut, nyo di'k kohasokng roh jahat han mohon supaya diapm tau'k busama ngan Yesus. ¹⁹ Namun, Yesus kai ngijetn, melaikng kan nyono'k kanu'ngi, "mohi'klah kanu balo posi'k mu'k. Cihitokan kanu balo nyo sumua hal di'k jeh Punopo'k hijakan kanu mu'k dan bahwa Punopo'k bubolas kasehkanu mu'k." ²⁰ Lalu, nyo han obu dan mulai nyono'k kanu balo nyo no'k Dekapolis tentakng sumua hal di'k jeh Yesus hijakan kanu diapm. Dan, sumua nyo jodi heratn. Na'k Yairus Nibangkitkan dan Dayua di'k pendarahan Nipuhi'k ²¹ Libo Yesus mutas agi'k ngan ohut kanu supia'k, nyo obia bupulua no'k nyoma'k-Diapm, dan Diapm ponai no'k sonikng danau. ²² Lalu, nyo pumimpin sinagoge di'k busama Yairus moni'k dan setelah honokng Yesus, diapm busujud no'k kojo'k-O. ²³ Dan, diapm mohon ngan sunguh kanu Yesus, kuatn, "Nadi'k dayua ku'k di'k gi'k ci'k ho'k kobe'k. Moni'k dan niletak tongan-Mu'k no'k somungi supaya diapm dopit ninyembuh dan midiap." ²⁴ Lalu Yesus obu busama Yairus. Obia nyo ngajek Yesus dan bupulua. ²⁵ Dan, biatn nyo dayua di'k budoyo'k[pendarahan] sulama du bolas sowo'k. ²⁶ Diapm jeh bukali-kali joho'k ni obeh dukutn, dan jeh niluar sumua pu'k diapm, tapi kadiah gunong'o dan keadaan malah butamah be'k. ²⁷ Setelah ngopikng tentakng Yesus, dayua han nganu Yesus so'k kona no'k todo'k-tudo'k nyo dan dokiap jubah-Diapm. ²⁸ Dayua han bukata, "La'k ku'k dopit dokiap jubah-Diapm maih,ku'k akan bai'k." ²⁹ Seketika han gi'k i' pendarahan toga'k dan diapm nginapm bahwa wua' jeh bai'k so'k punyakit. ³⁰ Yesus lansong tau'k so'k wua-Diapm maih bahwa biatn kuasa di'k kuluar so'k-Diapm. Diapm bubolia'k so'k antara kerumunan han dan bukata: "osiah di'k dokiap jubah-Ku'k?" ³¹ Lalu murid-murid Yesus bukata kanu-Diapm, "Mu'k honokng kerumunan nyo budesak-desak-Mu'k dan Mu'k bukata, 'osiah di'k dokiap-Ku'k?"' ³² Lalu, Yesus nganu sekelilikng nya'k honong osiah di'k jeh hijang'i'. ³³ Namun, setelah tau'k oniah di'k jeh tejodi pada diapm, dayua han jodi gola'k dan bugigit. Diapm moni'k dan busujud no'k jowi Yesus sera tau'k Yesus sumua kubonar. ³⁴ Kemudian, Yesus nyono'k kanu dayua han, "Nak'k-Ku'k, imanmu'k jeh nyelamatkanmu'k. Obulah dalapm damai sejahtra dan bai'klah so'k punyakitmu'k." ³⁵ Sementara Yesus agi'k ngomong, moniklah beberapa nyo so'k homing pumimpitn sinagoge di'k nyono'k, "Nakmu'k jeh kobe'k. Ngoniah bayu ganggu'k guru?" ³⁶ Akan tetapi, Yesus ngo'k ngopikng oniah di'k jeh ninyono'k, Diapm nyono'k kanu pumimpitn sinagogehan, " Yo'k gola'k, pucaya maih." ³⁷ Lalu, Yesus kai ngizinkan nyo ngajek-Diapm, kuculali Petrus, dan Yakobus, dan Yohanes, posi'k Yakobus. ³⁸ Lalu, balo nyo sapai no'k homing kupala'k sinagoge han, dan Diapm honokng keributan, dan balo nyo nongis gi'k'i ngan caho di'k daeh. ³⁹ Kemudian, libo Yesus tamo'k, Diapm nyono'k kanu balo nyo, "Ngoniah mu'k ribut dan nongis? Na'k han kai kobek, tapi sedakng bis." ⁴⁰ Tapi balo nyo notau Yesus. Namun, Diapm ngado'k balop nyo sumua kuluar dan Diapm ngado'k nokng ma nadi'k han, serta balo nyo di'k busama-Diapm, lalu tamo'k kanu ahokng na'k nadi'k han ponai. ⁴¹ Kemudian, nimigitn-Diapm tonghan na'k nadi'k han dan Diapm nyono'k kanungi, {artingi, "na'k nadi'k, Ku'k nyono'k kanu mu'k, mokatlah!"} ⁴² Na'k dayua han lansokng tokit dan mulai bujalatn-jalatn, Karna diapm buumur du bolas sowo'k,dan sumua nyo sangat takjub. ⁴³ Lalu, Yesus ngado'k nyo mutuih nadi'k han agar yo'k adiah nyo pun di'k tau'k hal tia, dan nyono'k kanu balo nyo agar na'k han han ngado'k dua'k.