¹ Dan, Yesus mulai ngajar agi'k no'k sonikng danau. Bupulua lah nyo obia kanu Yesus sehingga Diapm sima'k kanu wah subuah ohut dan guhu'k no'k somu danau. semetara, nyo obia han ponai not doyih, no'k sonikng danau. ² Dan, Diapm ngajar balo nyo han tentakng obia hal ngan perumpamaan-perumpamaan. Wah pengajaran-Diapm, Diapm nyono'k kanu balo nyo han, ³ "Kapiknglah! Biatn nyo punyobut di'k obu nya'k nyobut. ⁴ Maka jodilah, libo diapm sedakng nyobut, beberapa benih hobu'k no'ksonikng johatn, dan lalu monua'k-monua'k moni'k, lalu nidua'k. ⁵ Subagian hobu'k no'k somu poyo'k bubotuh di'k kai obia poyo'k'o. Benih han segera timu'k ngan copat karna poyo'k'o kai tohipm ⁶ Libo motih sohonuh doha, tanaman han puka'k dan karna kadiah wat, tanaman han jodi hakai. ⁷ Subagiatn hobu'k no'k tudo'k-tudo'k iduh buhojo'k. Lalu, iduh hojo'k timu'k dan ngapiat tanaman han sapai kobe'k, dan tanaman han kai bubuo'k. ⁸ Namun, subagiatn hobu'k no'k poyo'k di'k bagas dan ngasel buo'k, butumbuh, dan butamah daeh, serta haselkan tohuah puhu'k kali lipat, dan seratus kali lipat." ⁹ Kumudian, Yesus nyono'k, "Osish di'k pu'k kopikng nya'k ngopikng, adukng diapm ngopikng!" ¹⁰ Libo Yesus todiap, nyo no'k sukulilikng-Diapm, busama ngan du bolas rasaul, misia'k kanu-Diapm tentakng purumpamaan-purumpamaan han. ¹¹ Lalu, Diapm jawab balo nyo han, "Rahasia kerajaan Bai Punopo'k jeh ninyono'k kanu mu'k. Tapi han, kanu balo nyo laikng, setiap hal ninyono'k wah purumpamaan-purumpamaan, ¹² supaya, 'meskipun panai honokng, balo nyo han honokng dan katau'k; dan meskipun dopit ngopikng, balo nyo han ngopikngdan kai nimaham. Supaya balo nyo han yo'k butobat dan ningamputn.'" Penjelasan tentakng Benih wah purumpamaan punabur ¹³ kumudian Yesus nyono'k kanu balo nyo han ''Kaikoh mu'k tau'k purumpamaan tia? Makiahmah'a mu'k dopit tau'k sumua purumpamaan han? ¹⁴ Penabur han nabur firman . ¹⁵ Balo nyo han adalah balo nyo di'k hobu'k no'k sonikng johatn, ahokng firman han ninabur. Libo balo nyo han ngopikng, ngan copat muatn moni'k dan hobut fiman di'k ninabur kanu balo nyo han. ¹⁶ Mahan gi'k'i, balo nyo han di'k ninabur no'k poyo'k bubotuh adalah balo nyo di'k ngopikng firman dan segera himo'k diapm ngan sukacita. ¹⁷ tapi han, balo nyo han kai buwat no'k wah opu'k diapm maih dan hanya butahatn togal. Kemudian, libo moni'k di'k toguah atau ninyisa karna firman han, balo nyo han segera hobu'k. ¹⁸ Dan, laikng adalah di'k hobu'k no'k tudo'k-tudo'k iduh buhojo'k. Balo nyo han adalah balo nyo di'k ngopikng firman, ¹⁹ tapi gola'k akan dunia, dan hawa nafsu akan kukayaan, dan lua akan hal-hal laikng tamo'k no'k antara firman han dan ngapiat'a sehingga diapm kai ngaselkan buo'k. ²⁰ Namun, balo nyo di'k ninabur no'k poyo'k di'k bai'k adalah balo nyo di'k ngopikng firman, himo'k o, dan ngaselkan buo'k, tohuah puhu'k kali lipat, nim puhu'k kali lipat, dan sahatus kali lipat." Perumpamaan tentakng pulita ²¹ Lalu, Yesus bukata kanu balo nyo han,"kai koh pulita kai ni matn nya'k ningono'k no'k sigatn subuah gantang atau no'k sigatn subuah ahokng bis?Kai koh pulita han seharus'a ningono'k no'k somu kojo'k pulita ? ²² Sobab, kadiah di'k busukatn di'k kai ningungkap. Demikian hai'k i, kadiah rahasia oniah pun karna hal han akan ninyono'k. ²³ La'k biatn nyo di'k pu'k kopikng nya'k ngopikng, adunglah diapm ngopikng!" ²⁴ Lalu, Yesus bukata kanu balo nyo han, "kapikng lah oniah ni'k mu'k ngopikng . Ukuran di'k mu'k nginya'k akan ningukur kanu mu'k, dan gi'k bayu di'k akan ninamah kanu mu'k. ²⁵ Karna osiah di'k biatn, diapm akan ninyilu'k agi'k, tapi osiah di'k agi'k pu'k u, oniah pun gi'k i di'k odiah pada diapm akan nimonu so'k diapm." Perumpamaan tentakng Benih ²⁶ Kumudian, Yesus nyono'k, "Kerajaan Bai Punopo'k adalah mah nyo di'k nabur benih no'k poyo'k. ²⁷ penabur han bis dan mokat hanu dan ngohipm, dan benih han nguluar tunas dan timu'k. Punabur han kai tau'k makiah mah'a jodingi. ²⁸ Poyo'k han ngaselkan buo'k ngan todiap'a. Mula-mula tunas, kumudian bulir, lalu hue'k-hue'k gandum no'k wah bulir han. ²⁹ Libo hue'k-hue'k gandum han mosa'k, nyo han segera nyabit'a karna musim ngotipm jeh moni'k."Purumpamaan tentakng Hue'k Sawu ³⁰ Kumudian, Yesus nyono'k, "Ngan oniahkoh yah dopit manekngkan Kerajaan Bai Punopo'k? Atau, ngan purumpamaan oniahkoh yah dopit manekngkan'a? ³¹ Kerajaan Bai Punopo'k han mah hue'k sawu di'k ninabur no'k poyo'k, Walaupun hue'k han adalah hue'k di'k palikng cik no'k antara sumua hue'k no'k bumi, ³² tapi libo ninabur, hue'k han akan timu'k dan jodilobiah daeh so'k sumua tanaman kubotn, dan nguluarkan cabakng-cabakng daeh sehinga monua'k-monua'k no'k honyiatn dopit moki cohi no'k sigatn naungan diapm." ³⁴ Diapm kai suah nyono'k kanu balo nyo han tanpa suatu purumpaan, tapi Diapm nyelaskan sumua todiap kanu murid-murid-Diapm. Yesus Meredakan Bahat ³⁵ Dan, libo onu han, libo jeh mihinu Yesus nyono'k kanu murid-murid-Diapm, "Mrilah yah obu kanu suborakng danau." ³⁶ Setelah ningalkan nyo obia han, balo nyo han matn Yesus busama balo nyo han tamo'k kanu ohut ahokng Yesus bukata. Dan, ohut-ohut laikng'a busama ngan-Diapm. ³⁷ Lalu, jodilah bahat di'k dahsyat dan ombak daeh ngopaskan ohut sehinga ohut pun akhir'a punu'k ngan pikng. ³⁸ Namun, Yesus biatn no'k buritan kapal, bis no'k somu batal. Maka,balo nyo han ngoha'k Diapm dan bukata kanu-Diapm, "Guru, oniah koh Mu'k kai puduli la'k yah kobe'k?" Kumudian, Yesus ³⁹ mokat dan nohuh bahat, lalu nyono'k kanu lauat,"Ponai! tenaknglah!" Maka, bahat han toga'k dan jodi sangat tonang. ⁴⁰ Kumudian, Diapm nyono'k kanu balo nyo han, "Ngoniah mu'k gola'k? Oniahkoh mu'k agi'k guatn pu'k iman?" ⁴¹ Balo nyo han jodi sangat gola'k dan nyono'k nyi'k ngan di'k laikng, "Osiahkoh Diapm tia? Bahakan bahat dan lauat bahkan tuno'k kanu-Diapm!"