¹ Dan, Yesus tamo'k agi'k kanu sinagoge, dan no'k nyih biatn nyo di'k tongan diapm lumpuh supiak. ² Balo nyo honong Yesus nyak honong apakah Diapm akan nyembuh nyo han libo onu sabat sehingga balo nyo dopit nuduh Diapm ³ Lalu, Yesus nyonok kanu nyo di'k tongan lumpuh supiya'k han, "Tokitlah no'k tudok-tudok." ⁴ Dan, Yesus nyonok kanu balo nyo han, "tau'k koh bubuat bai'k atau bubuat jahat libo onu sabat? Nyelamatkan nyawa atau kome'k?" Namun, balo nyo han ponai. ⁵ Kemudian, Yesus honong sukulilikng balo nyo han ngan nohuh. Diapm sangat sedih atas kekerasan oti balo nyo han. Lalu, Yesus nyono'k kanu nyo di'k tongan lumpuh supia'k han, "siluarkan tongan mu'k." Dan, nyo han nguluarkan tongan', dan tongan jodi bai'k. ⁶ Karna han, nyo-nyo Farisi segera obu, dan mulai busukongkol ngan nyo-nyo Herodian di'k lawan diapm tentakng makiah mah'a. Obiah Nyo Ngajek Yesus ⁷ Namun, Yesus menjauhkan opu'k ngan murid-murid-Diapm kanu danau, Dan obeh nyo so'k ahokng Galilea ngajek Diapm , dan so'k Yudea, ⁸ sok Yerusalem, Idumea, daerah supia'k sungi Yordan, dan juga so'k sekitar Tirus dan Sidon , obia nyo ngopikng sumua di'k Yesus hija, moni'k kanu-Diapm. ⁹ Karna obia nyo han, Yesus nyonok kanu murid-murid-Diapm agar nyiapkan subuah ohut kanu-Diapm sehingga balo nyo han kai ndesak Diapm. ¹⁰ Karna Yesus jeh puhi'k obia nyo, maka sumua nyo di'k biatn punyakit terus ngadok copat-copat supaya dopit nyentuh-Diapm ¹¹ Dan, libo roh-roh najis honong Yesus, balo nyo han sujud no'k jowi-Diapm dan makas, "mu'k adalah nak Bai punopok!" ¹² Namun, Yesus nohuh balo nyo han nya'k nyonyo'k osiah Diapm. Yesus Notapkan Du Bolas Murid-Diapm ¹³ Lalu, Yesus sima'k kanu dohi'k dan ngundang nyo-nyo di'k Diapm lua nya'k busama-Diapm, dan balo nyo han pun monik kanu-Diapm. ¹⁴ Diapm notapkan du bolas nyo sehingga balo nyo han dopit busama ngan-Diapm dan Diapm dopit ngutus balo nyo han nya'k bukotbah, ¹⁵ dan nyilu'k kuasa nyak kobu muatn-muatn. ¹⁶ Yesus notapkan du bolas nyo han: Simon (di'k ni Yesus nyono'k odatn Petrus), ¹⁷ Yakobus, na'k Zebedeus, dan Yohanes, posi'k Yakobus (di'k ni Yesus nyilu'k odatn balo nyo han Boanerges, arting'i "nak-nak Guruh"), ¹⁸ Andreas, Filipus, Bartolomeus, Matius, Tomas, Yakobus, Simon nyo Zelot, ¹⁹ dan Yudas Iskariot, di'k hianat Diapm. Kuasa Yesus buasal so'k Bai punopok ²⁰ kumudian, Yesus tamo'k kanu homing, dan nyo obeh boliak bupulua no'k nyih sehingga Yesus dan murid-murid-Diapm bahkan kitauk dua'k roti. ²¹ Libo kuluarga-Diapm ngoping hal han, balo nyo han monik nya'k matn Yesus boliak karna balo nyo han nyono'k bahwa Diapm jeh kai waras gi'k. ²² Dan, Ahli-ahli Taurat di'k mono'k so'k Yerusalem nyono'k, "Diapm kerasukan Beelzebul !" dan "Diapm kobu muatn ngan kusa pumimpitn muatn." ²³ Lalu, Yesus pauu balo nyo han monik kanu Diapm , dan nyono'k nya'k perumpamaan, "Makiahmah'a Iblis tau'k kobu Iblis? V 24 La'k subuah kerajaan terpecah-pecah lawatn opu'k diapm maih, kerajaan han kai dopit butahan. ²⁵ Dan, la'k subuah homing terpecah-pecah lawatn opu'k diapm maih, homing han kai akan dopit butahatn ²⁶ La'k Iblis bangkit lawatn opu diapm maih dan terpecah-pecah, diapm kai dopit butahan, tapi buakhirlah riwayat diapm. ²⁷ Kadiah nyi'k nyo pun dopit tamo'k kanu homing nyo di'k kai kuat dan noku harta bonda'nge, kucuali lobiah tiatn diapm ngisiat nyo kuat han, maka han baru'k tau'k noku homing han." ²⁸ "Ku'k nyono'k di'k omatn kanu mu'k, sumua dosa na'k sio dopit ningamputn, dan sumua hujatan di'k balo nyo ngucap. ²⁹ Tapi han, osiah di'k ngolo'k Roh Kudus kai akansuah ningamputn, melaikngkan busalah karna dosa kekal." ³⁰ sobab, ahli-ahli Taurat han bukata, "Diapm kerasukan roh najis ." Kuluarga Yesus di'k sesungguh nya ³¹ Kemudian,ma'k dan posi'k-posi'k Yesus moni'k dan tokit no'k sopo'k homing. Balo nyo han ngado'k nyo kanu-Diapm nya'k mangel-Diapm. ³² nyo bupulua sedakng guhu'k kulilikng Yesus dan balo nyo han nyano'k kanu-Diapm, "honong, ma'k-Mu'k dan posik-posik mu'k odiah no'k sopo'k mogau Mu'k ³³ Dan, Yesus jawab balo nyo han dan bukata, "osiahkah ma'k-mu'k dan posi'k-posi'k-ku'k?" ³⁴ kemudian, Diapm honong nyo-nyo di'k guhu'k kulilikng-Diapm dan bukata,"hononglah, tia ma'k-ku'k dan posi'k-posi'k-Ku'k! ³⁵ sobab, osiah pun di'k hija kehendak Bai punopo'k adalah posi'k dahi-Ku'k, posi,k dayua-Ku'k, dan ma'k-Ku'k."