¹ ایمانداراں دی خِدمت دے بارے میرے لئی اے ضروری نئیں کہ میں توانوں لِکھاں۔ ² میں تواڈی خُواہشات دے بارے جاننا ہاں، تے میں ایہ مکدونیہ دے اگے تواڈے بارے فخر کردا ہاں۔ میں اوناں نوں دسیا اے کہ پچھلے سال توں اَخیہ اِس واسطے تیّار ہو ریا اے۔ تہاڈی گرم جوشی نے اُنہاں نوں اُبھاریا اے کہ عملی طور تے کُچھ کریئے۔ ³ ہُن میں بھراواں نوں گھلیا اے تاں جو ساڈا فخر تہاڈے بارے ضائع نہ ہو جائےتے تُسی وی تیّار ہوجاؤ، جیویں میں کیا کہ ہو جاؤ۔ ⁴ نئیں تے، جے میرے نال کوئی وی مکدونی آیا تے توانوں تیّار نہ پایا، ساڈے لئی اے شرم دی گل ہووےگی۔ میں تواڈے بارے کُجھ وی نئیں کہندا، تے مینوں تہاڈے تے پورا بھروسہ اے۔ ⁵ تے ایس لئی میں ایہ سوچیا کے بھرواں نوں تواڈے کول آن لئی قائل کیتا جائے تاں جو پہلاں توں تواڈے ہدِیے دا انتظام کیتا جائے جدا تُسی وعدہ کیتا اے۔ ایہہ ایس لئی اے کہ سب ہدیے خُوشی نال ہون نہ کے کسی دباؤ وچ۔ ⁶ ہُن گل انج اے، جیڑا گھٹ بوئے گا اوی گھٹ ہی کٹے گا، تے جیڑا برکتاں پان لئی بوئے گا اوہنوں برکتاں ہی ملن گیاں۔ ⁷ تے ہر کوئی اوناں ہی دیوے، جو اوہنے اپنے دِل وچ ارادہ کیتا اے، نا تےکسی بے دلی نال یا کسے دباؤ وچ، کیوں جے خُدا خُوشی نال دین والیاں نوں پیار کردا اے۔ ⁸ تے خُدا تہانوں اپنے فضل نال لبریز (بھر) کرسکدا اے تاں جو تہاڈی ضرورت دیاں ساریاں شیواں، تہوانوں ہمیشہ کثرت نال مِلن۔ ایہ ایس لئی ہوئے گا تاں جو تُسی ہر اچھّے کم نوں ودھا سکو۔ ⁹ اے ایس طرح اے، تے لکھیا اے،” اوہنے اپنے خرانے ونڈے نے تےاوہ غریباں نوں دِتے۔ تے اوہدی راستبازی ہمیشہ تیک قائم اے۔ “ ¹⁰ اوہ جیڑا کسان نو بون لئی بیج دیندا اے تے کھان لئی روٹی، اوہو ای تہانوں دے وے گا تے تہاڈا بیج، بیجن لئی ودھاوے گا۔ اوہ تہاڈی راستبازی دی فصل(دے پھل) نوں وی ودھاے گا۔ ¹¹ تُسی ہر طرح نال مالدار ( خُوشھال) ہو جاؤ گے تاں جو تُسی سخاوت کرسکو۔ ایس طرح خُدا دی شُکرگزاری ساڈے وسیلہ ہو وے گی۔ ¹² ایس طرح دی خِدمت کرن نال نہ صرف رسولاں(مُقدساں) دی ضرورتاں پوریاں ہوندیاں نیں پر بہت سارے کماّں لئی خُدا دی شُکرگرازی دا سبب وی اے۔ ¹³ تہاڈا آزمایا جانا تے ایس خِدمت نال ثابِت ہوندا اے کہ تُسی اپنے اِقرار دی تابعداری جیڑی مسیح دی خُوشخبری بارے اے، اوہناں نوں تے ساریاں نوں تُسی اپنی سخاوت دے تُحفے نال وی خُدا نوں جلال دیو گے۔ ¹⁴ اوہناں نوں تہاڈی اُڈیک اے تے اوہ تہاڈے لئی دُعا کردے نیں۔ اوہ اے ایس لئی کردے نئیں کیوں جو تہاڈے اُتے خُدا دا بڑا بھاری فضل ہویا اے۔ ¹⁵ خُدا دا شُکر ہووے، اوہدی بیان توں باہر برکتاں لئی۔