^{1 2} میں پولُوس مسیح دی عاجزی تے حلیمی نال، آپ تہانوں درخواست کرنا ہاں۔ میں تہاڈی رِفاقت وچ حلیمی نال رہنا ہاں پر میں تہاڈے لئی بڑا نڈر (دلیر) ہونا جدوں میں تہاڈے توں دور ہونا۔ میں تہاڈی منت کرنا ہاں کہ جدوں میں تہاڈے وچ موجود ہونا، مینوں خود ^{3 4} پر جے اسی جسم وچ وی چل رہے ہاں، اسی جسم دے مُطابق جنگ نئیں کردے۔ پر ساڈے لڑن والے ہتھیار جِسمانی نئیں۔ پر اونہاں وچ الٰہٰی طاقت اے جیڑی قلعے برباد کردیندی اے۔اوہ گُمراہ کرن والے مُباحثے سوا کُچھ نئیں لیاندے۔ ^{5 6} اسی ہر اوس اُچّی شئے نوں وی برباد کیتا جیڑی خُدا دے علم اگے اُٹھدی اے۔ تے اسی ہر سوچ نوں قید کر کے مسیح دی تعبداری وچ لے آوندے آں۔ تے اسی نافرمانی دے کماں دی سزا دین لئی تیّار ہو رئے ہاں، جِنی چھیتی تہاڈی تعبداری پوری ہوجائے۔ ^{7 8} تُسی ویکھو کے تہاڈے سامنے صاف طور تے کی اے۔ تے جے کسے نوں بھروسہ اے کہ اوہ مسیح دا اے، اوس نوں اے آپی یاد رکھنا چاہیدا اے کہ جیویں اوہ مسیح دا اے ایسطرح ای اسی وی ہاں۔ پر جے میں اپنے اختیار بارے تھوڑا جِیا فخر کراں جیڑا خُدا نے ساہنوں تہاڈی بہتری لئی نہ کے برباد کرن نوں دِتا، تے مینوں کوئی شرمندگی نئیں۔ ^{9 10} میں نئیں چاہندہ کے تہانوں اینج لگے کے میں تہانوں اپنے خطاں نال ڈراؤناں چاہندا۔ کیوں جو کُجھ لوک کہندے نے،” اَیدے خط سنجیدہ تے پُر اثر نے پر اے ذاتی طور تے کمزور اے۔ ایدا کلام ایس قابل نئیں کے سُنیا جائے۔ ^{11 12} تےاوہ لوک جان لین کہ جدوں اسی موجود نئیں اسی اپنے خطاں دےکلام وچ ایس طرح آں کے جد اسی ہو واں گے تے کم کردے نظر آواں گے۔ اسی ایتھوں تک نئیں جاندے کے اسی ٹولیاں وچ ہو جائیے یا اسی اپنا مُقابلہ اُنیاں نال کرئیے جیڑے اپنی تعریف کردے رہندے نے۔ پر اوہ جدوں اپنے آپ دا اِک دوجے نال تولدے نے تے اِک دوجے نال موازنہ کردے نے، اُناں نوں کُجھ سمجھ نئیں آوندی۔ ^{13 14} پر اسی حد توں زیادہ فخر نئی کراں گے، پر اوس حد تیکر جیڑی خُداوند نے ساڈے لئی مُقرر کیتی اے، جِدی حد زیادہ توں زیادہ تہاڈے تک اے۔ تے اسی اپنے آپ نوں تہاڈے تک پُہنچن لئی حد توں بُہتا نئیں ودھایا، پر اسی یسوع دی انجیل دے نال تہاڈے تک پُہنچن والیاں وِچوں سب توں پہلاں پُہنچے سی۔ ^{15 16} اسی حد توں زیادہ دوجیاں دے کمّاں اُتے فخر نیں کیتا، پر اسی توقع کر دے ہاں کے تہاڈا ایمان ترقّی کر دا جائے گا، تے سادے کم تہاڈے درمیان کافی ودھ جان گے۔ اسی ایہہ اُمید کر دے ہاں کہ اسی تہاڈے علاقیاں توں وی اگے تک خُوشخبری دی منادی کر سکئیے، اسی دوجیاں دے علاقے چے ہون والے کم تے فخر نئیں کراں گے۔ ^{17 18} پر جیڑا وی فخر کرے، اوہ خُداوند وچ فخر کرے۔ تے جیڑا وی اپنےآپ نوں منظور کردا (چُن دا) اے کے اوہدی تصدیق ہووے، اصل چےاوہدی تھاں تے اوہ وے جِنوں خُدا منظور کردا (چُن دا) اے۔