1
میں چاہنا ہاں کے تُسی میری بےوقوفی دی برداشت کرو۔ تے بے شک تُسی کر وی ریے ہو۔
2
کیوں جے میںنوں تہاڈے بارےغیرت اے۔ اے غیرت خُدا دی غیرت وانگر اے، کیوں جو میں وعدہ کیتا اے کے تہاڈی شادی اک لاڑے نال کرانواں گا۔ میں وعدہ کیتا اے کے تہانوں اک پاک کنواری وانگر مسیح نوں پیش کراں گا۔
3
پر مینوں ڈر اے کے جیویں سپ نے مکاری نال حوّا نوں دھوکا دِتا، ایسے طرح تہاڈے خیال وی مسیح دی سچّی تےخالِص عقیدت توں بھٹکا نہ دیوے۔
4
فرز کرو کوئی دوجا آ کےکسے ہور مسیح دی منادی کرے اوس مسیح دی تھاں جدی اسی منادی کرنے آں۔ یا فرز کرو تہانوں کوئی ہور روح مل جائے اوہدے تھاں جیڑی روح تہانعں مِل چُکی اے۔ یا فرز کرو تُسی کوئی دوجی خُوشخبری سنو اوہدی تھاں جیڑی تہانوں مِل چُکی اے۔ تُسی انہاں شیئواں دی واہوا برداشت کیتی۔
5
کیوں جو میں سمجھنا یاں کے میں انّاں نام نہاد وڈّے رسولاں نالوں کوئی بُہتا کمتر نئیں۔
6
حالنکہ میں تقریر کرنی نئیں سکھی پرانج وی نئیں کہ میں علم وی نئیں سِکھیا۔ اسی ہر طریقے نال تے ہر شئے وچ تہانوں سمجھا دتی اے۔
7
کی میں اپنے آپ نوں حلیم بنا کےکوئی گُناہ کیتا اے؟ تاں جو تہاڈی عزّت ودھے؟۔ کیوں جو میں خُدا دی خُوشخبری تہانوں مُفت سُنائی اے۔
8
میں دوجیاں کلیسیاؤاں توں مدد لے کے لُٹ لیا اے تاکہ تہاڈی خِدمت کر سکاں۔
9
جد مین تہاڈے نال ساں تے ضرورت مند ساں تے میں کسے اُتے بوجھ نئیں بنیا۔ کیوںجو مِیریاں ضرورتاں مکدونیہ توں آے بھراواں نے پوری کیتیاں۔ ہر کم وچ میں اپنے آپ نوں تہاڈے تے بوجھ نئیں بنن دِتا، تے میں آیندہ وی انج ای کردا رواں گا۔
10
کیوں جو میرے اندر مسیح دی سچیائی اے، تے میرا اے فخر اخیا دے کسی حصّے وچ چُپ نئیں روے گا۔
11
کیوں؟ ایس لئی کے میں تہاڈے نال پیار نئیں کردا؟ خُدا جاند اے۔
12
تے جو میں کرنا ہاں اوہ میں کردا رواں گا۔ تاکہ میں تنقید کرن وجہ مُکا دیاں تے اوہ وجہ جدے تے او فخر کرنا چاہندے نے۔ تے اوہ وی اوہو ای کم کردے پائے گئے نے جیڑا سی کردے آں۔
13
تے ای لوکی جھوٹے رسول تے دھوکے باز نیں۔ تے اوہ مسیح دے رسولاں دا روپ دھار دے نیں۔
14
تے اہدے وچ کوئی بھلیکا نئیں کیوں جو شیطان وی نور دے فرشتے دا روپ دھار لیندا اے۔
15
اہدے وچ کوئی اچھنبے دی گل نئی کہ اوہدے خادم وی راستبازی دے خادمان دا روپ دھار لیندے نیں۔ اوہناں دا مُقدر اُناں دے کمّاں ورگا ہووے گا۔
16
میں فیر کہنا ہاں کہ کوئی وی میں نوں بے وقوف نا سمجھے۔ تے جےسمجھے تے میں وی تھوڑا جیا فخر کریاں گا۔
17
جو کُجھ میں فخریہ اعتماد نال کہندا ہاں۔ میں انج نئیں کہندا جیویں خُدا۔ میں اک بےوقوف وانگر کہنا۔
18
کیوں جے کافی لوگ جسم دے دے مطابق فخر کر دے نے، میں سی انج ای فخر کراں گا۔
19
کیوں جو تُسی خُوشی نال بیوقوفاں نوں برداشت کردے اوہ، تُسی آپ سیانے اوہ۔
20
تے تُسی اوہنوں برداشت کردے اوہ جیڑا تہانوں غُلام بناندا اے، جے او تہانوں مُکا دیوے، جے تہاڈا فایدہ چُکے، جے اپنےآپ نوں تہاڈے توں چنگا سمجھےتے جے اوہ تہاڈے منہ تے چنڈ مارے۔
21
میں اے شرم نال کہنا کہ اسی ایہ کرن وچ کمزور آں۔ تے فیر وی جو کوئی فخر کرے، تے میں بےوقوف وانگ کہہ ریا ہاں۔ میں وی فخر کراں گا۔
22
کی اوہ عبرانی نیں؟ تےمیں وی آں۔ کی اوہ اسرائیلی نیں؟ تے میں وی آں۔ کی اوہ ابراہام دی نسل نیں؟ تے میں وی آں۔
23
کی اوہ مسیح دے خادم نیں؟ (میرا اے کہنا انج اے جیوں میرا دماغ خراب اے۔) تے میں ودھ آں۔ تے میں ایس توں وی زیادہ سخت محنت کیتی اے، جیلاں کٹیاں نیں، بے اِنتہا مار کھادی تے موت دے خطریاں دا سامنا کیتا۔
24
یہودیاں توں پنج وری اِک گھٹ چالی (۴۰) کوڑے پئے۔
25
تِن وری ڈنڈّیاں نال ماریا، اِک وری وٹّے مارے، تِن وری جہاز تباہ ہویا، میں اِک دِن تے اِک رات سمندر تے گُزاری۔
26
تے میں کئی وری سفر تے گیا، تےخطے وچ پیا دریا دے خطے چے، ڈاکوواں دے خطرے چے، اپنے لوکاں وچ خطرہ، دوجیاں قوماں وچ خطرہ، شہر وچ خطرہ، بیابان وچ خطرہ۔ سمندر وچ خطراہ، جھوٹے بھئیاں دا خطرہ۔
27
میں کئی راتاں سُتا نئیں، بھُکا پیاسا، کئی وری روزے رکھے، ٹھنڈ وچ تے ننگے پن چے، سخت محنت کیتی تے سختی کٹی۔
28
ہر شئے توں ہٹ کے میرےتے روزانہ کلیسیاء دے بارے فکر دا کافی دباؤ اے۔
29
کمزور کون اے، میں تے کمزور نئیں۔ ؟ اوہ کون اے جدی وجہ توں ٹھیڈا لگدا اے تے مینوں غم نئیں ہوندا۔
30
تے جے میں فخر کراں، جیڑا میری کمزوری نوں ظاہر کردا اے اوہدے بارے فخر کراں گا۔
31
خُدا تے خُداوند یسوع مسیح دا باپ،اوہ جِدی ستائش سدا ہوندی اے، جاندا اے کے میں جھوٹ نئی بول دا!
32
دمشق وچ، آریتاس بادشاہ دے گورنر نے دمشق دے شہر دا پہراہ لایا سی تاں جو مینوں پھڑ لین۔
33
تے فیر مینوں دیوار وچ اک کھڑکی تھانی ٹوکری وچ تھلے نوں لٹکایا، تےمیں اوہدے ہتھوں بچیا۔