¹ اے بھایئو تہانوں خُدا دے اُس بھاری فضل دے بارے دسنا چاہنا واں جیہڑا مقدونیہ دی کلیسیاواں تے ہویا۔ ² کہ سخت مُصیبت دی آزمائش دے وچ وی اوہناں دی انتہائ غریبی تے بے انتہا خُوشی نے اوہناں وچ بہت سخاوت پیدا کیتی۔ ³ میں گواہی دیندا ہاں کہ اوہناں نے جناں وی دے سکدے سن دِتا تاں جو بہت ودھ کے دِتا تے ایہہ سب اپنی آزادانہ مرضی نال دِتا اے۔ ⁴ اوہناں نیں تے اس خدمت دے کم نوں ایمانداراں وچ پھیلان دے موقع لئی فوری درخواست کیتی۔ ⁵ ایہہ ایس طرح نئیں ہویا جیویں اسی توقع کیتی سی، پر اوہناں پہلاں اپنے آپ نوں خُداوند دے لئی فیر خُدا دی مرضی نال ساڈے سُپرد کیتا۔ ⁶ ایسے لئی اسی طیطس توں خواہش کرنے ہاں کہ جسطرح اوہنے ایہہ کم شروع کیتا سی اُسے طرح اس فضل دے کم نوں پورا وی کرے۔ ⁷ پر جِداں تُسی ہر کم وچ اگے ودھ گئے او یعنیٰ ایمان وچ، کلام وچ، علم تے اپنی ہر کوشش وچ تے ساڈے لئی اپنے پیار وچ۔ ⁸ میں تہانوں اے حُکم نئیں دیندا، تاں جو تہاڈی مُحبت دی سچیائی نوں دوجیاں دے جزبے نال آزماواں۔ ⁹ کیوں جو تُسی خُداوند یسوع مسیح دے فضل نوں جاندے ہو کہ کس طرح اوہ امیر سی پر اوہ تہاڈے لئی غریب بن گیا، تاں جو اسی اُس غریبی وِچوں امیر بن جائیے۔ ¹⁰ ایس معاملے وچ میں اپنے وچار دیندا ہاں جو تہاڈی مدد کرن گے۔ پچھلے سال تُسی نہ صرف کم شروع کیتا پر اِس کم نوں کرن دی تہاڈی خواہش وی سی۔ ¹¹ ہُن اہنوں ختم وی کرو، جداں تُسی ایہہ کم شروع کرن توں پہلاں سرگرمی نال خواہش کیتی سی ہُن اوسے سرگرمی نال، جناں زیادہ ہو سکدا اے، اہنوں اپنی حثیت دے مُطابق پورا کرو۔ ¹² جے تُسی ایس کم نوں دِل نال شروع کرنا چاہندے او، جو کہ چنگی تےمنن والی گَل اے۔ تے ایدی بُنیاد ایس تے ہونی چاہدی اےکہ جو کُجھ بندے دے کول اے نہ کہ اوہدے تے جو کول نئیں۔ ¹³ تے ایہہ کم تہاڈے تے بھار پان لئی تے دوجیاں نوں آرام دین لئی نئیں۔ پر ایس لئی کہ طرفداری نہ(غیر جانبداری) ہووے۔ ¹⁴ کیوں جو ایس ویلے تہاڈے بُہتے (کثرت) نال اوناں دی لوڑ (ضرورت) پوری ہووے، تے تہاڈی لوڑ (ضرورت) دے ویلے اوناں دی بہتات (کثرت) کم آوے۔ تاں جو سب ٹھیک ہوے۔ ¹⁵ کیوں جو لکھیا اے ” جدے کول بوہتا سی اوہدے کول کُجھ وی نہ بچیا، تے جدے کول تھوڑا سی اوہنوں کُجھ کمی نہ پئی (ہوئی)۔ “ ¹⁶ تےخُدا دا شُکر ہووے جنیں طیطس دے دِل وچ اوہوی سچّی فکر پائی جیہڑی تہاڈے لئی میرے دِل وچ اے۔ ¹⁷ تے اوہنے نہ صرف ساڈی درخواست منی پر اپنی مرضی تے سچّے دِل نال تہاڈی مدد کرن نوں اپنی آزاد مرضی نال آیا۔ ¹⁸ اسی اوہدے نال اک بھرا نوں وی بھیجیا اے، جدی تعریف، کلام دی منادی دا کم کرن دی وجہ توں، ساریاں کلیسیاواں وچ ہوندی اے۔ ¹⁹ صرف ایہو نئیں ایس فضل دے کم نو کرن لئی، اِنوں کلیسیاء نے ساڈے نال سفر کرن لئی وی چُنیا۔ اے خود خُداوند نوں عزّت دین لئی تے ساڈےمدد کرن دےجذبے لئی اے۔ ²⁰ اسی ہر طور تے اے کوشش کرنے ہاں کہ ایس فلاحی (بھلائی) کم دے کرن وچ کسے نوں وی ساڈے توں شکایت دا موقع نہ ملے۔ ²¹ اسی احتیاط کردے ہاں کہ اے صرف خُداوند دے اگے ہی نیں پر لوکاں لئی وی عزّت دے لائق ہووے۔ ²² اسی اِک ہور بھرا نوں وی گھل رہے آں، جنوں اسی کافی سارےطریقیاں دے نال آزمایا (پرکھیا) تے کافی کماّں وچ محنتی پایا۔ تے ہُن اوہ تواڈے تے اعتماد (بھروسہ) ہون دی وجہ توں اوہ ہور وی خواہشمند اے۔ ²³ تے طیطس بارے اے وے کہ او میرا شریک تے تواڈا ساتھی اے۔ تے ساڈے بھراواں لئی، اوہناں نوں کلیسیاء نے گھلیا اے۔ اوہ مسیح دا فخر نئیں۔ ²⁴ ایس لئی اوناں نال مُحبت نال پیش آؤ، تاں جو کلیسیاواں نوں پتا چلے کہ اسی کیوں تواڈے تے فخر کرنے آں۔