1
میرے پیاریو کیوں جو ساڈے نال وعدے کیتے گئے نے، آؤ اسی اپنے آپ نوں ہر طرح دی جسمانی تے روحانی ناپاکی توں پاک رکھییے۔ تے آؤ خُدا دے خوف دے وچ پاکیزگی نوں لبھدے رہیے۔
2
ساہنوں اپنے دِلاں وچ جگہ دو۔ اسی کسے نال زیادتی نئیں کیتی۔ اسی کسے نوں نُقصان نئیں پچایایا کسی نوں دغا نئیں دِتا۔
3
میں تہانوں مُجرم ٹھہران لئی ایہہ نئی کہنداکیوں جو میں تہانوں پہلاں ہی کہہ چُکیا ہاں کہ تُسی ساڈے دِلاں وچ وسدے جے، کیوں جو اسی اِکھٹے مرنا تے اِکھٹے جینا اے۔
4
مینوں تہاڈے اُتے بہت عتماد اے۔ تے میں تہاڈے اُتے فخر کردا ہاں۔ مینوں
5
جدوں اسی مکدونیہ آئے، ساڈے جسم نوں آرام نہ ملیا، پر اسی مُصیبتان وچ ریے، کیوں جو باہر لڑائیاں سن تےاندر ڈر خوف۔
6
پر خُدا جیہڑا تھکیا ہاریاں نوں آرام دین والا اے اُوس نےساہنوں طیطس دے آؤن نال تسلی دِتی۔
7
تے نہ صرف اُہدے آون تے خُدا نے ساہنوں تسلی دِتی پر اوہدی اُس تسلی توں جیہڑی طیطس نوں تہاڈے ولّوں ملی۔ اُس نے ساہنوں تہاڈے بُہتےسارے پیار، تہاڈا غم، تے میرے لئی ڈھیر سارے فکر بارے دسیا، تاں میں ہور وی خُوش ہویا۔
8
گو میرے خط نے تہانوں غمگین کیتا، پر مینوں کوئی پچھتاوا نئیں، پر مینوں پچھتاوا ایئویا جدوں میں ویکھیا کہ میرے خط نے تہانوں افسُردہ کیتا، پر تہاڈی افسردگی تھوڑے وقت تک رہی۔
9
ہُن میں ایس لئی خُوش نئیں کہ تہانوں غم ہویا، پر تہاڈی غمی تہانوں توبہ تک لے کے آئی۔ تہاڈا غم خُدا پرستی دا سی، ایس لئی ساڈے ولّوں تہانوں کوئی نُقصان نہ پہنچیا۔
10
کیوں جو خُدا پرستی دا غم ایسی توبہ لایندا اے جِدا نتیجہ ایسی نجات اے جِدا کوئی پچھتاوا نئیں۔ پر دُنیا دا غم موت لیاندا اے۔
11
خُڈا پرستی دے غم نے تہاڈے وچ کِناں پکّا ارادہ پیدا کیتا، تے تہاڈا ایہہ پُختہ کنا اعلیٰ سی جس نے تہانوں بے قصور ثابت کیتا اے کِنا چنگا سی کہ تواڈے غضب، غُصّہ، تہاڈا شوق، تہاڈی سرگرمی تے تواڈی خُواہش نے چاہیا کہ انصاف ہو سکے۔ ہر چیز دے وچ تُسی اپنے آپ نوں ثابت کر دِتا کہ تُسی ایس معاملے وچ بے کُناہ جے۔
12
اگرچہ میں تہانوں لکھیا، نا میں غلطی کرن والے دی خاطِر لکھیا تے نا
13
ایس لئی ساہڈا حوصلہ ودھیا اے۔ایسے دے نال ساہنوں ہورخُوشی ہوئی اے، جو طیطس دی خُوشی دی وجہ نال اے، کیوں جو تہاڈے ساریاں دی وجہ توں اوس دی روح نوں تازگی ملی اے۔
14
پر جے میں اوس دے سامنے تہاڈے بارے فخر کیتا تے میں شرمِندہ نئیں ہویا۔ پر اوہدے اُلٹ جو گل وی میں تہانوں کہی سچ نِکلی، اوسے طرح جیہڑا فخر میں تہاڈے بارے طیطس نال کیتا اوہ سچ نِکلیا۔
15
تے جدوں اُنہیں تہاڈے ساریاں دی فرمانبرداری دی یاد کیتی کے تُسی کیویں ڈرے تے کمبدے ہوئے اُس دا اِستقبال کیتا، اُس دِی چاہت تہاڈے ساریاں لئی ہور زیادہ ودھ گئی اے۔
16
میں بہت خُوش ہاں کیوں جو مینوں تہاڈے اُتے پورا اعتماد اے۔