¹ Benewirhu,eci omurhima gwani guci finja n'ecibasengerera emwa na Nnamahanga,nti nabo bacunguke. ² Neci mpamirizize oku bashibirira Nnamahanga,ci obushiru bwabo burhali oku bushinganine okuba. ³ Bulyala barhamanyiriraga obushinganyanya bwa Nnamahanga,ci balonza obwabo bushinganyanya,na ntyo balahira okushimba obushinganyanya bwa Nnamahanga. ⁴ Bulya obuhwinjiro bw'irhegeko ye Kristu ye neyeza ngasi mwemezi. ⁵ Oku bushinganyanya burhenga omu marhegeko Musa ayandisire,pmu: "omuntu wabushimbe bunamulamye." ⁶ Ci obushinganyanya burhenga omu bwemere kwo budesire ntyala,"Orhaderaga omu murhima gwawe,mpu,Ndi wankasokera emalunga? kwo kuderha mpu (agendimanulamwo Kristu); ⁷ Kandi,erhi,ndi wankayandagalira omu kuzimu? kwo kuderha mpu ajirenza Kristu omu bafu. ⁸ Bici bidesirage obwo? "Oluderho luli hofi nawe lukuli omu kanwa n'omu murhima."N'olwo luderho bwo bukozi bwokuli rhuyigiriza. ⁹ Bulya akaba omu kanwa kawe onahamirize oku Yesu ye Nnahano,n'akaba omu murhima gwawe oyemire oku Nnamahanga amufuzire omu bafu,wa cunguka. ¹⁰ N'eci,obwemere bw'omu murhima bwo buhisa omuntu oku bushinganyanya,n'obuhamirize bw'akanwa bwo buhisa omuntu oku bucunguzi. ¹¹ K'amandiko garhadesire,mpu:Ngasi yeshi omuyemire arhankabona nshonyi? ¹² Bulya ntakabolo ekarhi k'Abayahudi n'Abagriki,ali Nnahano muguma mwami wa boshi ye shoboza abamushenga boshi. ¹³ Bulya ngasi yeshi wanashenge izino lya Nnahano anacire. ¹⁴ Ci kwone kurhi bankamuhamgala barhanamuyemiri? Nakurhi bamuyemera oyu barhasagiyunva? Nakurhi bayunva akaba ntaye mwigiriza? ¹⁵ Nakurhi bankanja bahanula barhanarhumirwi? Nkoku biyandisirwe, "bwinja buci wani oku magulu go waja hamiriza emyanzi minja y'omurhula,na baja yigiriza emyanzi y'omwishigwe y'iderho linja." ¹⁶ Ci kwone akudesire erhi yagirwa ndi wayunvire Emyanzi y'Akelembe.Bulya Isaya adesire, "Nnahano,ndi wayemire oburhumisi bwirhu?'' ¹⁷ Nto obwemere omu kuhanula burhenga,n'okuhanula kujirwa n'akanwa ka Kkristu. ¹⁸ Ci nani ndosize, "kabarhayunvagya?" Neci mashi,na kulusha. "Ciru n'izu lyabo lyayunvikine omu igulu lyoshi,n'ederho zabo zahisire ngasi haba muntu." ¹⁹ Nshubiridosa: "K'Israeli arhayunvagya bwinja?" Burhanzi Musa aderha, "Namuyunvisa obunvu oku nbaga z'irhali nbaga.Namuzusa mwo obukunizi oku nbaga lirhajira bukengere ²⁰ Ciru Isaya arhayobohaga okuderha,erhi: "Abarhakagi ndoza bo babwine.Nacibonesize oku bobarhakaginonza." ²¹ Ci bene__Israeli ababwira,erhi: "Omulegerege gwoshi olu lubaga lurhayunva lunali lugoma na lulambulire amaboko."