¹ Ka ndosagye,ka Nnamahanga akabulirage olubaga lwage? Ciru n'ehintya.Ka nieki ntali mw'Israeli,w'omu buko bwa Ibrahimu na w'omu mulala gwa Benyamini. ² Nnamahanga arhakabuliraga olubaga lwage acishogaga kurhenga mira.Nkabaga kuhabaga muhabire kurhi amandiko gadesire kuli Eliya, gurhi acidudumaga emwa Nnamahanga enyanya lya Israeli? ³ "Nnahano,bayisire abalebi bawe,banavunyire olutari lwawe,na nieni ncisigire,na banadwire balonza okunyira." ⁴ Nacici Nnamahanga amushuzize? "Nacibikire niene balume bihumbi nda barhagonyeraga Baali idwi." ⁵ Ntyo, kuhika ene hacisigire abantu bacishozirwe n'olukogo lwa Nnamahanga. ⁶ Ci akabaga kuli oku lukogo,birhaciri bijiro birhumire.Nacibaga arhali ntyo,inema lirhankacibire inema. ⁷ Kurhigi rhwaderaga? Eci Israeli alonza, arhasagi cibona,ci abacibwine banali bishogwa.Abandi badundaguzibwa. ⁸ Nkoku binayandisirwe: "Nnamahanga abahire omurhima gwobungolongolo,abaha amasu garhabona n'amarhwiri g'ebihuli kuhika ene. ⁹ Na Daudi adesire, "Ecibo cabo cibabere isi na murhego,cibe ibuye ly'okusarhaza na lunabe luhembo lwabo. ¹⁰ Amasu gabo gajemwo olubwibwi ganahurhe,abaheremye omugongo barhacifaga bayinamusire." ¹¹ Nani ndosizagye, "Ka kusarhala kwarhumire bahirima?'' Kubesha.Ciru nehitya,ci okuhirima kwabo kwabire bucire bw'abapagani,mpu lyo bayunva obwagalwa. ¹² N'akaba okuhirima kwabo kwahindusire bugale bw'igulu,n'obukenyi bwabo bwaba bugale bw'abapagani,hano hagaluka ntuliri kabarhabagaze kulusha? ¹³ Cocirhumire nmubwira mwe bapagani oku nba ntumwa ya bapagani,n'obukozi bwani nnoza bujirenge. ¹⁴ Mpu lyo nzusa omukune bwa bene wirhu b'ishanja lyani.Nnabacugulemwo baguma baguma. ¹⁵ Bulya akaba oku kagwa kwabo kwadwirhe omulangano gw'igulu,bicigi oku galuka kwabo kwayiba kurhacibiri kufuka omu bafu? ¹⁶ Kali amalehe gakaba minja konoko n'ehishweko nahio erhi kohinayosire.Nisina likaba linja amashami nago ganayinjihe. ¹⁷ Akaba hali amashmi gatwirwe nawe we murhi gw'emuzirhu waba we hirwa ahali hago,washagira amagoba garhenga omu cikundukundu c'omuzetuni, ¹⁸ omanye wankalimbira amashami.N'okaderha mpu walimba okengere oku arhali we heka ecikundukundu,ci ecikundukundu co ci kuheka. ¹⁹ Neci wanaderha erhi: "K'amashami garhatwibagwa mpu lyo njaho?" ²⁰ Ntyo kwo biri,amashami gatwibirwe erhi kubula obwemere kurhuma nawe bwemere bwarhumire wahabera.Omanye wacikunga,oyobohe erhikwo. ²¹ Bulya akaba Nnamahanga arhababaliraga amashami mamererera, ka we ababalira. ²² Kusiga omanye, obwinja n'obukali bwa Nnamahanga kuli balya bahirimire,obukali,ci kuli we obwinja bwa Nnamahanga,casinga obere mwo obwo bwinja,akaba arhali ntyo nawe kutwibwa washitwibwa. ²³ Nabo akaba barhabeziri omu kubula obwemere kwabo abashubiza omu marhami g'omurhi,blya Nnamahanga arhankabula obuhashe bw'okubibashubizamwo. ²⁴ Akaba woyo watwirwe oku muzeituni gwe rhubala wamerakwo,wahirwa oku muzetuni mwinja gurhali gw'enkonoka yawe kurhi bohe bankabulaga kwahirwa oku muzetuni gw'imerero lyabo? ²⁵ Nanga, bene wirhu,ntalonza muhabe er'ihwe, nti lyo murhagicikubagira obushinganyanya bwinyu.Baguma muli bene_Israeli bayorha bali bagoma kuhika abapagani bayishe ntuliri. ²⁶ Nantyola Israeli yeshi acunguka nk'oku biyandisirwe mpu: "Omuciza arhenga e Sayuni. ye warhenza obubi muli Yakobo, ²⁷ yo ndagano yani rhweshi nabo eyo,amango narhenza ebyaha byabo. ²⁸ Neci rhukalola Emyanzi y'Akalembe,bali bashombanyi erhi mwe murhuma.ci rhukalola okubacishogagw bali barhonyi erhi bashakuluza babo barhuma. ²⁹ Bulya Nnamahanga akashoboza omuntu n'akamuhamagala arhacigalula akanwa kage. ³⁰ Nkakulya mira mwa kagigomera Nnamahanga na bunola mwa babalirwe erhi bugoma bwabo burhuma. ³¹ Nabo kwona kuguma,bunola bakola bagoma erhi obwonjo mwaberirwe burhuma,mpu lyo nabo bayishibabalirwa. ³² Bulya Nnamahanga ashwekire abantu boshi omu bugoma, mpu lyo ababera obwonjo boshi. ³³ Ewe sinzagi oku obuhirhi n'obushinganyanya n'obumanye bwa Nnamahanga!Oku emihigo yage erhamanyikana kwo n'enjira zage zirhamanyikana! ³⁴ "Ye ndi okol'omanyire enkengero za Nnahano na ndi okolojire omu ihano lyage? ³⁵ Ndi okola omuhire burhanzi naye ayishimugalulira?" ³⁶ Bulya byoshi emwage birhenga yerhuma bihaba binaba byage.Aj'irenge emyaka n'emyaka.Neci Bibentyo.