¹ Nebo ,ne Paulo,uo beba ai naba uwafuka muli Kristu .Naba uwafuka ulo ndi namwebo,ulo ulo imba uwapama kuli mwebo ulo nshili namwebo. ² Namupapata ai ulo ndi namwebo ,mwilampatikisha ukuba uwapama ulo nkosa.Pantu cishinka aia ndailanga ukuba uwapama kuli abo baleti tulekonkafe amano yabuntunse. ³ Kwena nagu twikalfe ngo muntu uuli onse pano calo,tatulwila namano yabuntunse. ⁴ Pantu ifyanso tubomfya tefyabuntunse .Lelo fyanso fyakwa Lesa ifyamaka ,ifyo tubongolwelako amalinga ayakosa. ⁵ Tulacimfya ifilumba fyonse ifilesha ukwishiba Lesa.Tulanasha amatontonkanyo yonse aya bantu ai yalenakila Kristu. ⁶ Kaili tuleipekanya ukukanda abantu bonse abashakwata ukunakila ,ni ulo mwanakila umupwilapo tukakanda abo bonse. ⁷ Lolesha bwino bwino ifintu ifyo mukoimwena namenso yenu.Bushe nga palipo umuntu icine cine uwakwa Kristu? Lekeni umwine aibukishe ai nafwebo tuli bakwa Kristu. ⁸ kwena insoni shena inshikwete nangu nalimo nacishamo mukuitakisha pamaka imfumu yampela ayakumikosha mucisumino teyakumonaula awe. ⁹ Nshilefwaya cimoneke ai ndefwaya ukumicinga kumakalata yandi ¹⁰ Pantu abantu bamo basosa ai ,"Amakalta yakwa Paulo yantu yayafya kaili ayakosa ,nomba umwine ena nga epo ali amonekafe uwanakafe. Namashiwi yakwe teyakuposako namano." ¹¹ Abo bantu bali nokushininkisha ati ,ifyo tumilembela ulo tuli ukutali tafyakapusane nefyo tukacita ulo tukaba namwebo uko. ¹² Lelo kaili tekuti tupame ukulingana nangu ukuipalanya kuli abo bantu abaimona ukucila bambi.Awe aba bantu nipelwa mano . Abene bene baipingwila icipimo cakuipiminako elo balaipiminako kucipimo baipangila abene. ¹³ Fwebo ukuitakisha kwesu tekuti kucile mucipimo .Nomba ukuitakisha kwesu kuti kwabafe pafyo Lesa atupela .Elo mucine nomulimo tubomba pakati kenu epo uli. ¹⁴ Apo tatwacililamo iyoo, ulo twaishile kumwenu kukuleta imbila nsuma yakwa Lesa. ¹⁵ Eico fwebo tatuitakisha ukucila mucipimo ico lesa atupimina,pantu tatuitakish pamulandu uo abantu bambi babomba ,lelo fwebo tusubila ai icisumino cenu cakulakulilakofe epakuti nafwebo umulimo tubomba pakati kenu ulelundulukilakofe ,ukulingana nomo Lesa apimina. ¹⁶ Pakweba ai tukabile imbila nsuma ukucila namuncende yenu,ukukana takishiwa mumilimo iyabombwa nabantu bambi kale. ¹⁷ "Nomba lekeni onse uuletakisha aitakishe muli shikulu." ¹⁸ Pantu te muntu uimona bwino ewacishinka kano uo shikulu amona ewacishinka.