¹ Palwa milimo yakwafwa abamushilo bakwa Lesa tacikofwaikwa nebo ukumilembela. ² Nalishiba pafya kukabila kwenu,inkoitakish kubantu bakumakedonia.Nabebele ai abanenu mu Akiambatampile umulimo wakwafwilisha uyu mwaka wapitile.Kanshi ukucintila kwenu kulengele abengi ukucincila. ³ Nomba natuma bamuninefwe ukweba ai uktakisha kwesu pali mwebo kwiba kwabufi ,nokweba ai muipekanye ngefyo nasosele. ⁴ Ngateifyo ,nga abena makedonia baisa nanebo nokusanga tamwaipekanya no bupe kuti twaba nensoni,pali mwebo twacetekelamo. ⁵ Eico atontonkenye ai cilefwaikwa ai twatuma bamuninefwe bese uko ulo fwebo tatwaisa mukupekanya pakweba ai mukompakanya ifyabupe ifyo mwalaile.Kukulanga ai mwipelelafe mukutemwa kwenu temukupatikishiwa. ⁶ Icikankala nici,uutanda utunono,akasombola utunono,lelo uutanda ifingi akosombola ifingi. ⁷ Cila muntu alingile ukupela ukulingana napo umwine akofwaila.Temukupatikishiwa awe,pantu Lesa atemwa ukupela nensansa. ⁸ Kaili Lesa alikwata amaka ayakupela icikuku.Ukucila pafyo mukofwaya,epakweba ai lyonse ,muli fyonse ifintu ,mukwatishe.Ukukwatisha pakweba ai namwebo mule afwilishako bambi. ⁹ Ngefyo calembwa ai,"Alisalanganya konse konse ifyakupela abapiina,nobulungami bwakwe bwamuyayaya." ¹⁰ Kaili Lesa uupela imbuto kuli katanda necaakulya cakuti alye akamupela nembuto shonse mukabila .Akakusha nobusomboshi bwenu ubwabulungami. ¹¹ Kaili Lesa akalenga ai lyonse mukokwata pakweba ai namwebo mukabe bakape kape.Epakweba ai abantu bakotasha Lesa pafyabupe fyesu. ¹² Pantu uyu mulimo wakubomba ,tekubafe abamushilo mufyo bakokabila epela,nomba wakulenga nokweba ai abantu abengi bakotasha Lesa. ¹³ Ala uyu mulimo mubomba wakushininkishafe ifyo mwanakila imbila yakwa Yesu iyi mwasumina. Kaili yakulenga nabantu abengi ukulalumbanya Lesa ,elo ukubafwilishako nabo ukwafwilishako abantu nabambi ifyakulanga ai tamwaba nakaso. ¹⁴ Bakalamipepelako nokufwaisha ukumimona pamulandu ncikuku cacipesha amano Lesa amikwatila. ¹⁵ Ala natuletasha Lesa pa bupe ubushaikulila!