¹ Yangu!Ngamwashipikisha kuli nebo kucakutumpa cinono. ² Shipikisheni kuli nbo:pantu nalimukwatila ubufuba bwakuli Lesa,pantu nalimilaile ukukobekelwa ku mwaume umo.Nalimilaile ukumileta ngomwanakashi uushaupwapo kuli Kristu. ³ Lelo ndinomwenso ukweba ai,munshila imo ,pamo ngefyo insoka yalufishe Eva mubucenjeshi yakwete ,amatontonkanyo yenu kuti yaya ukufuma kucishinka elo nefyalola kuli Yesu. ⁴ Ico ngabambi baisa nokubilisha pali Yesu umbi ,ukucila pali ulya twashimikila -elo napamo ukucila ulya mwapokelela.Napamo mwapokelele imbila ukucila ilya mwapokelele.Mwebo musunge bwino ifi ifintu. ⁵ Pantu nkotontonkanya ukweba ai ,ntaba uwacepesha kuli abo abetwa abasole bamaka. ⁶ Lelo nangu nshasambilila ukusosa ,nshaba uushasambilila mumano .Munshila shonse elo namufintu fyonse twalilenga fishibikwe kuli mwebo. ⁷ Bushe nalibembukile nemwine pakuicefya pakuti musumbulwe ? Pantu nalishimikile imbila kuli mwebo. ⁸ Nalisendele inkuta shimbi oakusuminisha ubwafwilisho bwabo pakweba ai mibombele. ⁹ Ilyo nali namwebo elo ilyo nalikukabila ,nshatitikishe umuntu uuli onse .Pantu ukufwaya kwandi kwakumona naba munyina abafumine ku Makedonia.muli fyonse ifyo nemwine nasungile pakuba icisendo kuli mwebo,nanebo nkatwalilila ukucita ifi . ¹⁰ Ngefyo icishina cakwa Yesu caba muli nebo ,ukutakisha kwandi umuntu tekuti akukanye mumanga ya Akaya . ¹¹ Mulandu nshi ? Pantu ntamitemwa ?Lesa alishiba. ¹² Elo ico ndecita,Nkatwalilila ukucicita ,ukuleka imputule inshita yabonse abafwaya ngafwebo mufyakutakisha . ¹³ Pantu abo bantu basosele babufi elo ababomfi abalufya .Balaimona ukuba abasole bakwa Yesu. ¹⁴ Elo ici tacikotupapusha ,pantu ciwa nao umwine aitungile ukuba malaika walubuto. ¹⁵ Tacili cakupapa ulo ababomfi bakwe baitunga ukuba ababomfi babulungami . ¹⁶ Nkososa nakaili nai ,mwileka nangu umo ambone uwatumpa . Lelo ngawacita,mpokeleleni ngowatumpa pakuleka ntakishishe apanono. ¹⁷ Ifyo nkososa mukutakishisha kwamaka -nshikososa ifyo shikulu engasosa -nkososa ngowatumpa. ¹⁸ Apo abengi batakishisha umwalola umubili ,nanebo ndetakisha. ¹⁹ Pantu mulesekelela nabatumpa .Muli abamano mwebene ! ²⁰ Pantu mwalishi[ikisha ngo muntu uwatekwa ubusha ,nga alya ifyenu ,nga amwikata ubusha ,nga aitakisha ,nga amuma pa menso . ²¹ Ndenensoni pakweba ai,tatwakwete amaka yakucita filya :Lelo muli conse ico umuntu apaminamo nkocisosela mubuwelewele. ²² Bushe ba Yuda? Nanebo efyo naba ,Bushe ba Israeli?nanebo efyo naba ,Bushe nimbuto shakwa Abrahamu ? Naine efyo naba. ²³ Bushe basha bakwa Kristu ?(Nkososa ngowapena)ine nacisha; mufyabucushi nabacila ,mucifungo,nabacila,ifipumo napumwa tekuti mupende ,cilanshita mumfwa. ²⁴ Ukufuma muba Yuda nalipuminwe imiku isano,"ifya makumi yane ukubulishapo cimo." ²⁵ Imiku itatu balimpumine kunkoto ,umuku umo balimpolele amabwe .Imiku itatu balimbushishe ,ubushiku bumo elo nakasuba nakukulukile panshilu yamenshi. ²⁶ Munyendo lyonse lyonse,mumasanso pamumana ,lelo mumasanso kufipondo ,amasanso kuli balupwa bandi abayuda ,amasanso kubena fyalo ,mumasanso mumushi ,mumasanso mumatololo,muma sanso kuli bemba .Amasanso kuli bamunyina babufi : ²⁷ Mukucululuka ,mukulolo ubushiku lyonse lyonse ,munsala elo necilaka ,mukukanalya .Lyonse lyonse mumpepo nokusapula ²⁸ Kaili muli ifi kwaliba ukushupikwa kuli nebo akasuba nakasuba ,pakusakamana inkuta shonse. ²⁹ Nani ali uwamaka ,elo nebo nshinakile ? Nani alenga ukuipuntula nanebo nshifulilwe ? ³⁰ Nganaitakisha takisha ifilanga ukunaka kwandi. ³¹ Lesa elo Taata wakwa Shikulu Yesu umo uwapalwa umuyayaya ,aalishiba ukweba ai, nshikobepa. ³² Mumusumba wa Damaskale,umukalamba kumfumu Aleta alikunda umusumba pakunjikata. ³³ Lelo bambikile mumuseke pansolokoto yacibumba elo nabutukile ukuboko kwakwe.