¹ Mube abapasha ine, ngefyo nanebo mpashanya Kristu. ² Awe nkomitasha akunjibukisha muli fyonse nkomitasha pakwikatisha ifya cishilamno ifyo nashile kuli mwebo. ³ Nomba nkofwaya mwishibe ukuti Yesu Kristu emutwe wa mwaume onse, ngefyo umwaume emutwe wa mwanakashi na Lesa emutwe wakwa Kristu. ⁴ Umwaume onse ukopepa nangu ukosesema nomutwe wakwe uwalamba asusha umutwe wakwe. ⁵ Lelo umwanakashi onse uukopepa no kusesema nokukana fimba umutwe wakwe asalula umutwe wakwe umwine. Pantu cimo cinefye nga cakuti alibele umutwe wakwe. ⁶ Inga cakuti namayo tafmbile kumutwe, afwile ukubeya imishishi mutwipi. Inga cakutila ninsoni kuli namayo uubeya umushishi nangu ukubeya umutwe onse, lekeni afimbe kumutwe. ⁷ Kumwaume tafwile ukufimba umutwe wakwe, pantu ena cipasho nobukata kuli Lesa. Lelo umwanakashi bukata ku mwaume. ⁸ Ingefyo umwaume tapanilwe kumwanakashi. Ukucila umwanakashi ewapangilwe ku mwaume. ⁹ Pantu nangu umwaume abumbilwe umwanakashi efyo, na umwanakashi abumbilwe umwaume. ¹⁰ Ici ecalenga umwanakashi akwatila icishibilo censambu kumutwe wakwe, pamulandu waba malaika. ¹¹ Nangu line cingaba ifi, muli shikulu, umwanakashi taibela ukufuma kumwaume, nangu umwaume ukuibela ukufuma ku mwanakashi. ¹² Inga cakuti umwanakashi afumune kumwaume, nomba ninshi umwaume tafumine kumwanakashi, nafyonse fyafumine kuli Lesa. ¹³ Ipingwileni mwebene: Bushe naciyana umwanakashi ukupepa kuli Lesa no mutwe utafimbilwe? ¹⁴ Bushe tecifyalilwa ceka icimifunda ukuti ngo mwaume ai, nomushishi uwakulepa, musebanya kuli ena? ¹⁵ Bushe tali cifyalilwa icifunda mwebo ukuti ngo mwanakashi akwata umushishi uutali, malumbo kuli ena? Pantu umushishi wakwe ulipelwe icakufimba. ¹⁶ Lelo umuntu nga akofwaya ukutalika palwa ici, tatwasambililapo nangu cimo, nangu ukucita ulukuta lwakwa Lesa. ¹⁷ Lelo mufilangililo fyonse, ntamilumbnya. Pantu ulo mwakuba pamo, tekubusuma lelo niku bubi. ¹⁸ Pantu pacakubalilapo, ndomfwa ukuti ulo mwisa mulukuta, kulaba ukulekana muli mwebo namu ciputulwa nalisuminamo. ¹⁹ Napali ico mufwile mwebo ukwakanya imilimo pakati kenu, pakuti uyo onse uwasuminishiwa kuti aba icakwishibilako muli mwebo. ²¹ Ulo mukolya, cila muntu alekulya ifyakulya fyakwe libe bambi tabalalya icakulya. Bamo bekala insala bambi nabo balakolwa. ²² Bushe tamwakwata amayanda umwakulila nokunwena? Bushe mulesuula icilonganino cakwa Lesa nokulenga insoni kubatakwata nangu kamo? ²³ Pantu ico napokelele kuli shikulu eco napele kuli mwebo,icakuti shikulu Yesu,ubushiku ulo bali kumubemba,alibulile umukate, ²⁴ Panuma alipele ukutotelela, alimokawile nokusosa ai,"Uyu mubili wandi,uwapelwa kuli mwebo.Citeni ici pakunjibukisha." ²⁵ Munshila imo ine alibulile ulukombo panuma yamulalilo ,nokusosa ai,"Ulu lukombo cipangano cipya mumulopa wandi .Mukocita ifi lyonse pakunwa,mukundibukisha.'' ²⁶ Pantu cilanshita pakulya uyu mukate nokunwa mulukombo ,mukosabankanya imfwa yakwa shikulu mpaka akabwele. ²⁷ Uyo onse,kaili,uukolya mukate nangu ukunwa kulukombo lwamfumu mumusanga uutayana akaupelwa umulandu kumubili nakumulopa wakwa shikulu. ²⁸ Lekeni umuntu aibebete umwine pakubala,namuli iyi nshila lekeni alye umukate nokunwa mulukombo. ²⁹ Pantu uyo uwalya nokunwa ukwabula ukuibebeta alya nokunwa ubupingushi umwine. ³⁰ Ecilenga abengi muli mwebo ukuba abakunakuka nokulwala,lelo bamo muli mwebo mulapitilila namu tulo. ³¹ Lelo nga twaibebeta fwebene ,tatwakapingulwe. ³² Lelo ngatwapingulwa kuli shikulu ,twalifundwa,pakulila tatwishile sekwa mucaalo. ³³ Kaili,mwebamunina,ulo mwaisa pamo mulya.Mulekulolelana. ³⁴ Umo nga ali nensala ,lekeni alye panganda ,pakuti ulo mukesa pamo tacakabe kubupingushi.Napafintu fimbi ifyo mwali kulemba ,nakwisa kumipela ifilangililo ngana isa.