¹ Ntakofwaya mube ababula ukwishiba ,mwebamunyina,ati bashifwe bapitile panshi wekumbi kaili bapitle pamumana . ² Bushe baba tishiwe kuli Mose mumakumbi napamumana , ³ Nabonse balile icakulya cakumupashi . ⁴ Bonse balinwine ifya kunwa fyakumupashi . Eico balinwine mucilibwe icabakonkele ,na cilya cali ni Kristu. ⁵ Lelo Lesa tabekelwemo mucintubwingi cabo,batanginikwe mumatololo. ⁶ Nomba ifi fintu fyali filangililo kuli fwebo ,pakweba ai twikaba nga ababa mufintu fyakwa cibanda ngefyo baingilamo. ⁷ Mwiba ngabapepa utulubi ngefyo balikupepa utulubi .Ifi efyo fyalembelwe ,"abantu baikele muklya namu kunwa nokwikala mukwangala. ⁸ Kaili twilacita ubulalelale ngefyo aba bonse balikucita .Mukasuba kamo ,mwafwile abantu amakana yabili na yatatu pamulandu neco. ⁹ Kaili twiesha kristu,ngefyo aba bonse balikumwesha elo baonawile kunsoka. ¹⁰ Kaili mwila kuisosha ,filya bamo bamuli bena bailishanya nokonaulwa kuli bamalaika bamfwa . ¹¹ Nomba ifi fintu fyalecitika kuli bena ngecilangililo kuli fwebo .Ifi fyalembelwe ,fwebo nga ifyakukonka=uo impela yafiko fyafikapo . ¹² Eico ulesosa ai naiminina ndi,acenjele epali awa . ¹³ Takwali amatunko ayamuponene ayaponena abantu bambi .Lelo Lesa ewakutetekela.Takamileke ukutunkwa amatunko ubo tawingashipa .Lelo elo aya matunko yaisa akafwaya napa kuti amufuminemo pakuti mube namaka yakubushipikisha. ¹⁴ Eico mwebatemwikwa bandi mufume mukupepa utulubi. ¹⁵ Nasosa kuli mwebo mwe bantu ngefyo ningasosa oinguleni mwebene ico nkososa. ¹⁶ Ulu kombo lwa mapalo ulo tupalwa,tawayakanishiwa mumulopa wakwa Kristu? Umukate uo tumokaula tawayakanishiwa mumubili wakwa Kristu ? ¹⁷ Pantu kwabafe umukate umo ,nangu twaba abengi nomba twaba umubili umo .Bonse twasenda umukate umo . ¹⁸ Lolesheni abena israeli ukukonka ifyo bacita . Bushe abaly amalambo tebalya bene ababombela kucipailo? ¹⁹ Bushe nomba findo nkososa ?ai akalubi kantu akali konse ? nangu filya ifyakulya batulila akalubi akali konse. ²⁰ Nomba ndelanda pafintu ifyo bapela ifyabupe ifyo batula ififintu fyakumipashi yakowela tekuli Lesa.Inshikofwaya mwebo ukulapepa imipashi yakowela. ²¹ Mwebo tekuti munwe mulukombo lwakwa Shikulu na ulukombo lwamupashi wakowela . Teti muibimbe pe tebulo lyakwa Shikulu na itebulo lyamipashi lyakowela. ²² Nangula tukofwaya shuikulu abe nakalumwa?Twalikosa ukucila ena? ²³ Fyonse fyalisuminishiwa ,"Nangu fyasuminishiwa tefyonse ifinga twafwa .Fyonse fyalisuminishiwa ,"Lelo tefyonse ifinga tukula. ²⁴ Umuntu eifwaikwa icakwe,lelo onse afwile umunankwe. ²⁵ Conse icasombolwa mwisokoni lyeni ,aba shilingulwila nangu cimo pa mulandu wa kampingu. ²⁶ Pantu icalo cakwa shikulu ,nomwisulo waciko. ²⁷ Umo wamubashatetekela nga amwita kukulya ,na mwebo lyeni abashilingulwila cintu nangu cimo pa mulandu wakampingu. ²⁸ Lelo umuntu nga atila kuli mwebo ,ici caipalwa akalubi,mwilya ,pa mulandu wa umwebele nowakampingu. ²⁹ Awe kampingu ndesosa te obe wine ,lelo wamubiyo ,pantu cinshi ico ubuntungwa abwandi bupingwile kuli kampingu wamuntu umbi? ³⁰ Nga nebo nakumako nokutotela ,cinshi ico nsoselwe ububi kuco ntoteleko. ³¹ Eico nga mukolya nokunwa ,nangu conse ico mukocita ,citeni fyonse ukucindika Lesa. ³² Mwiba abapanwisha kuba Yuda na Greeki na lukuta lwakwa Lesa. ³³ Munshila imo ine naeseshe ukupapata abantu bonse mufintu fyonse .Nshiifwaila ifisuma nemwine,lelo ncitila kucinabwingi .Incitila ifi pakutila bakapusuke.