¹ Bushe ntali wakaele? Bushe ntali mutumwa? Bushe ntamwene shikulu Yesu? Bushe imilimo yandi muli shikulu te mwebo.? ² Inga ntali mutumwa kuli bambi, lelo kuli mwebo ndi mutumwa. Pantu icikakatilo cabu tumwa bwandi ni mwebo muli shikulu. ³ Ukuipokolola kwandi kuba lenjesha ni uku: ⁴ Bushe tatukwete insambu shakunwa nokulya? ⁵ Bushe tatukwete insambu sha kwenda naba kashi abasumns, ificita abatumwa banensu, naba bwananyina muli shikulu, na Kefasi? ⁶ Nangula nebo neka na Banabasi tatukwete buntungwa bwakuleka ukubomba? ⁷ Cila ndo iciteyeniwa pakulwa? Uwabwele ibala lya imyangashi ukwabula ukulyako ifisabo fya uko? Nangu ninani ucema umukuni ukwabula ukunwako umukaka? ⁸ Bushe nsose ifi fintu ukukonka namaka yabuntunse? Bushe tefunde lya sosa ifi? ⁹ Ingefyo calembwa mumafunde yakwa Mose, "Wikaka ing'ombe kukanwa inga ikofumya ingano. "Bushe ningombe esho besa asakamana? ¹⁰ Bushe talanda po pali fwebo? Calembelwe pali fwebo, pantu ukolima afwila ukulima nokucetekela, noukokululula afwile ukukululua nokucetekela ukukumako. ¹¹ Inga twatandile kuli mwebo ifya kumupashi, bushe cili yene fwebo ukusombola kuli mwebo. ¹² Inga bambi basambalila isho nsambu kuli mwebo, palifye fwebo? Lelo tatwalombele isho nsambu. Awe tushipikisha fyonse ukuti twionaula mbila nsuma yakwa Kristu. ¹³ Bushe tamwaishiba ai, ababomba kufya mushilo mwitempele balya mwi Tempele? Kabili tamwaishiba ai, aba bombela ku cintamba bakana ifikofuma pa cintambo? ¹⁴ Mumusango umo wine, imfumu yakonkomeshe ai onse usabankamya imbila nsuma afwile ukufumya ubwikashi bwakwe mbila nsuma. ¹⁵ Lelo ine intabombeleko kuli ishi nsambu. Kabili ntambele ifi ukuti kube ifi kuli nebo. Kuti cawama kuli nebo ukufwa ukucila-ukucila umuntu nangu umo asangule icakuitakishishapo candi cibe cafye. ¹⁶ Nangu ningashimikila imbilansuma, tecakuitakishishapo, pantu imfwilefye nacita ici. Kabili kalanda kuli nebo nga cakuti ntabilile cebo! ¹⁷ Pantu nganacite ico mukuitemenwa, indikwete cilambu. Lelo nga tekuitemenwa, incili ndikwete bukangalila ubwa pelwa kuli nebo. ¹⁸ Cilambu ndo cimbi? Pakuti nga nkofunda, mpela icebo ukwabula ukulipilisha nokukana bomfya insambu shandi mucebo. ¹⁹ Nangu line naba uwakaele kuli bonse, naishileba umusha kuli bonse, pakuti ngwine abengi. ²⁰ Kaili kuba Yuda mba ngo mu Yuda. Pakuti mweshanye naba Yuda. kubena malango nali ²¹ Kuli abo abataba mumalango, naishile ngo muntu uutaba mumalango, nangu line nemwine ntaba mumalango yakwa Lesa, lelo mumalango yakwa Kristu. Nalikucite ifi fyonse pakuti imbweshanye naba tali bena malango. ²² Kuba naka nalikuba uwanaka, pakuti mbweshanye nabo. Naleisa mukuba mufintu fyonse kubantu bonse, nalikwesha namaka yonse ukuti bapusuke. ²³ Niku mbila nsuma nalekucita ifi fyonse, pakuti mukuibimbamo nkakwatilemo ipalo. ²⁵ Onse uupilikita mumalago atekanya muli fyonse bena bacita ifi pakuti bapokelele icilambu icibonsa, ulo ifwe tucita ici pakuti tukapokelele icitabonsa. ²⁶ Eco nebo efyo mbutuka, tepano ngo ulebutuka icibutuke-butuke; ifi efyo ndwa, tekulwa ngo ukuuma umwela. ²⁷ Lelo ntutaula umubili wandi paku