¹ Pafyabupe fyapa mupashi, bamininane, ntakofwaya mwebo ukupusana. ² Mwalishibile ai muli abacushi, mupatukile mukutungululwa ku tulubi ututali kulanda, muli fyonse ifyo mutali kutungululwa kuli bena. ³ Eico nkofwaya mwebo ukwishiba ai tapali naumo uusosa pa Mupashi wakwa Lesa ukusosa ai, ''Yesu aliitipwa.'' Takuli uwingesa kusosa, ''Yesu ni Shikulu,'' kuli Mupashi wa Mushilo. ⁴ Nomba kwaliba ifyabupe ifyakupusana, lelo Umupashi umo wine. ⁵ Kwalibe milimo yakupusana lelo, Shikulu emwine; ⁶ Kaili kwaliba ifyabupe ifyapusanako, lelo ni Lesa umo wine uubomba muli fyonse. ⁷ Nomba kuli cila umo kwalipelwa ubupe bwa kunse ubwa ku Mupashi mu kwafwana kwa bonse. ⁸ Pantu kuli umo alipelwa mu mupashiicebo camano, nakuli umbi icebo cakwishibila mu Mupashi umo wine. ⁹ Kuli umbi alipelwa icitetekelo mu mupashi umo wine, nakuli umbi ifyabupe mu Mupashi umo wine. ¹⁰ Nakuli umbi alipelwo bupe bwafisungusho, kaili umbi ubwa buseemo. Kuli umbi alipelwo ubupe bwakupusanye mipashi, nakuli umbi ubupe ubwakupusanye ndimi shakulekana lekana, nakuli bambi ubupe bwa kwilule ndimi. ¹¹ Iyi yonse milimo imo no Mupashi umo wine, ukupela ifyabupe kuli cila umo, ngefyo asalile. ¹² Pantu umubili waba umo kaili nefilundwa fingi nefilundwa fyonse fimo fineefyo caba nakuli Klistu. ¹³ Pantu mu Mupashi umo bonse emo tuleliku batishiwa mu mubili umo, nelo mu Yuda nangu mu Giriki, nangu muusha nangu umuntungwam kaili bonse twalengelwe ukunwo mupashi umo wine. ¹⁴ Pantu umubili tecilundwa cimo, lelo ifyakufula. ¹⁵ Ulukasa alwasosa ai, ''ntali kuno, ntalicilundwa cakumubili,'' Tacili ecacepesha ku mubili. ¹⁶ Kaili ukutwi akwasosa ai, ''Pantu ntali linso, ntali cilundwa ca kumubili,'' Tacili ecacepesha ku mubili. ¹⁷ Nga cakwebai umubili onse uwa linso, amano yakumfwa ngeyaishile kuba kwisa? Ngo mubili awali ukutwi, amano yakununsha ngayali kwisa? ¹⁸ Lelo Lesa alisonta cila cilundwa, cila cimo muli cena, mu mubili ngefyo alikufwaya. ¹⁹ Nga cakweba ai ifilundwa fyonse fyali fimo fine, bushe umubili kui waba kwisa? ²⁰ Lelo nomba ifilundwa fyabe fingi, lelo mubili umo. ²¹ Ilinso tekuti lisose ku munwe ai, ''Ntakomikabila.''Nangu umutwe ukososa ku lukasa ai, ''Ntalekufwaya.'' ²² Lelo ifilundwa fyaku mubili ifimoneke fyakunaka efyakucindamisha, ²³ Kaili ifilundwa fya mubili ifyo tutontonkanya ai tafyacindamisha, efyo tupele bucindami ubukalamba, ne filundwa fyesu ifitamoneka bwino efitupelo umucinshi bwacilamo. ²⁴ Nomba ifilundwa ifimoneko bune tafyakwata bufwayo bulya. Lelo. Lesa alikupango mubili, nokupelo mucinshi ukalamba kufilundwa ifitakweteko. ²⁵ Acititile fi pakwebai tapali ukupusana mukati kamubili Lelo pakwebai ifilundwa filekuisakamana cila cintu nokucula kumo kwine. ²⁶ Ulo icilundwa cimo cikocula, ifilundwa fyonse ficulile pamo; nangu ulo icilundwa cimo cacindikwa, ifilundwa fyonse fyasekelela pamo. ²⁷ Nomba muli mubili wakwa Klistu nacila umo umo muli ena. ²⁸ Kaili Lesa alisontele mucilonganino abasole bakubalilapo, Bakasesema bakukonkpo, bakafundisha bacitatu, nabo abapange fisungusho, elo nabapelwe ifyabupe fya kuposha, nabo bakafwa, nabo abacito mulimo wakutungulula, na bonse abakwata indimi shalekana lekana. ²⁹ Bushe bonse basole? Bonse niba kasesema? Bonse niba kafundisha? Bonse balacite fisungusho? ³⁰ Bushe bonse mulibena balikwata fyabupe fyakuposha? Bushe bonse muli bena basose ndimi? Bushe bonse muli bena balapilibula ndimi? ³¹ Fwayeni ifyabupe fyenu ifikalamba. Kaili nomba nakumilanga inshila shingi ishakuwama.