¹ Kaman Yesuah kan fi mujama, wa kan ida tuo mushlul. ² Baad min nas gi ainu howo gowi iza kan howo b aliju zol de fi yom sebit ashan homon bi agder ishtekey. ³ Yesuah kelim le zol al id tuo mushlul, " Gum fok wa wogif fi nus ta kulu nas. " ⁴ Biga howo kelim le nas, " Hal howo ganuni ashan bi amlu haja al kwes fi yom sebit au al batal; bi ankizu haya au bi katulu? " Lakin homon askut. ⁵ Howo ainu le homon bi zlan, wa howo kan haznan bi sabab ta gulub tomon al gowi, wa howo kelim le zol de, " medu ida taki. " how meidu wa kan ida tuo biga kwes. ⁶ Ferisiin tala bara be sura wa bada katitu sawa ma Herodus ashan kef bi katult howo. ⁷ Biga Yesuah, wa talamiz btuo ruwa fi bahar wa nas ketiir ja wra howo fi kulu min Galilee wa min Judea. ⁸ Wa min Jerusalem wa min Idumea wa kaman min Joea wa kaman min Jordan wa min Tyre wa min sidon. zaman homon asuma an hajat al kubar al kan howo amulu, nas kutar ja le howo ⁹ Howo asalu taliz bituo asha bi jahizu morkap sukiir le anu nas ketiir shan keli ma sedimu howo. ¹⁰ Howo aliju nas ketiir, wa kaman ayi zol al indu indu amrad deir ashan bi ja le hpwp ashan bi lemsu howo. 1 ¹¹ Gaiman kan roho al nejis ainu howo, homon gi waga tehet gedam howo wa gi kore bi sut, wa homon gi kelimu, " Inta jena ta Rabuna." ¹² Howo daiman gi anziru homon ahan keli homon ma keli wori howo le nas. ¹³ Howo ruwa fok fi jebel, wa howo nadi nas al how deiru, wa homon ja le howo. ¹⁴ Howo ikhtar al itnasar (Al Howo nadi talamiz) ashan homon bikun ma howo wa how bi rasulu homon ashan bi bashiru al injil, ¹⁵ Wa bi indu sultan ashan bi turuju shayatiin. ¹⁶ Biga howo ikhtar al itnasar Simon al howo nadi isem tuo Peter, ¹⁷ Yakub jena ta Zebedee, wa Yuhana aku ta Yakub al howo wodi isem tuo Boana erges al mana tuo jena ta saga, ¹⁸ Wa Andariya, Piliipus, Bartolomous, Matta, Thomas, Yakub jena ta alphaeus, Tadaus, Simon al l zelot, ¹⁹ Wa Yahuza al l iskaryuti al yahu biyu Howo. ²⁰ Biga Howo ruwa fi bet, wa nas ketiir ja wa lemu ma baad tani mara, hata homon ma agder akulu rekef. ²¹ Zaman usura tuo asuma an howo, homon ruwa ashan bi fetisu howo, howo kelimu inu, " Howo mujunun. " ²² Al kataba al ja mi Jerusalem kelimu inu, " Howo muskun bi belzebul" wa " Bi reis ta shayatiin Howo turuju shayatiin bara." ²³ 23Yesuah nadi homon le Howo wa kelimu le homon bi amsal, " Kef shetan bi turuju shetan?" ²⁴ 24Iza kan mamlaka mugasam did nefsa tuo, inu mamlaka de ma agder wogifu. ²⁵ 25Iza kan bet gesimu did nefsa tuo, bet de ma bi agder ashan bi wogifu. ²⁶ Iza shetan gum did nefsa tuo wa mugasam, howo ma bi agder wogifu, wa lakin ja fi nehaya. ²⁷ Lakin mafi zol bi ja fi bet ta zol al gowi, wa bi serigu hajat ta zol al gowi de bidun ma howo shakil ma zol al gowi de awel, yala biga howo bi serigu hajt ta bet ta zol de. ²⁸ Al hak ana gi kelimu le intum, katiya ta nas kulu bi afi, hata tejdif al homon kelimu. ²⁹ Lakin kulu zol al jedif did roho al kudus ma bi afi, lakin katiya tuo de ilal abad. ³⁰ Yesuah kelimu kalam de ashan homon kan gi kelimu inu, " Howo indu roho al nejis. " ³¹ " Biga Uma wa akuwana tuo ja wogifu bara. homon rasulu le Howo ashan keli Howo ja bara. ³² Nas ketiir kan lemu gi ggeni jambu Howo a homon kelimu le Howo, " Uma wa akuwana taki fi bara homon gi fetisu inta. " ³³ Howo juwabu homon, "Nas munu yahu Uma tai wa akuwana tai?" ³⁴ Howo bada ainu le nas al geni jambu Howo fi daira wa kelimu, "Ainu, Uma wa akuwana tai! fii heni de! ³⁵ Nas al gi amulu irada ta Allah, Nas .del homon yahu akuwana, wa ukuwat, wa Uma tai