¹ Zaman howo reja min kafarnahum baad ayamat besit, asumau inu howo kan fi bet. ² Biga nas ketiir lemu hinak lahadi biga kan mahal mafi, hata fi kasma bab, wa Yesua wonusu kelima le homon. ³ Biga fi rujal jebu le howo zol al moshlul: arba nas yahu gi arfa howo, ⁴ Zaman howoma agder ja le howo ashan nas kan kutar, homon agela zink ta ras juwa al kan Yesua fogo, bad hoon fata ras juwa de, homon gum nezilu serir ta zol al mushlul de. ⁵ Zaman Yesuah ainu imaan tomon, Yesuah kelimu le zol al mushlul, " Ya jena , katiya taki afi." ⁶ Yala kan fi kataba gi geni hinakhomon bada fekiru fi gelba tomon, ⁷ " Kef zol rajil de bi kelimu zede? de tejdiif! munu yahu bi afii katiya ila bes Allah?" ⁸ Be sura keda Yesuah arufu fi roho sunu yahu nas de kan gi fekiru fi nufus ta homon. howo kelimu le homon, leh intum gi fekiru ze de fi gulub takum? ⁹ Yatu yahu sahil ashan be kelimu le zol al mushlul, " Inu katiya taki afii au be kelimu gum fok, selu serir taki wa amshi? ¹⁰ Lakin ashan intum be aruf inu ibni insan indu sultan fi duniya ashan biafii katiya, howo kelimu le mushlul, ¹¹ "Ana kelm le inta, gum fok shilu feris taki wa ruwa fi bet taki," ¹² howo gum fok wa be sura shilu feris, wa ruwa fi bet fi gedam ayi zo, biga homon kan istagrab, wa homon wodi majid le Rabuna, wa homon kelimu, "Nina kulu ma ainu ayi hajat ze de ¹³ Wa homon ja ruwa fi taraf bohira wa nas kulu ja le homon, wa howo derisu. ¹⁴ Ze ma howo gi ruwa, howo ainu Lawi jena ta alfious gi geni fi mahal ta daraib a howo kelimu le howo, " taal wara tai." howo gum fok wa ruwa wara tuo. ¹⁵ Yesuah kan gi akulu fi bet ta Lawi wa kan nas ketiir ta daraib wa nas al katiyiin kan gi akulu ma howo wa ma talamize bi tuo, wa kan homon ketiir wa hmon gi duwru wara howo. ¹⁶ Zaman kataba al kan homn pharisiin ainu inu Yesua gi akulu ma nas a daraib, homon kelim le talamiz bituo, " Leh howo gi akulu ma nas ta daraib a nas al katiyiin?" ¹⁷ Zaman Yesuah asuma kalam de howo kelim le homon, " Nas al ma ayaniin homon ma muhtaj le diktor, ila nas al ayaniin yahu muhtajiin fakat. ana ma ja ashan nadi nas al kwesiin, lakin nas al katiyin." ¹⁸ Hasa talamiz ta Yesuah wa ferisiin gi saiyem. fi baad min nas ja le howo a kelim le howo, " leh talamiz ta Yesuah wa talamiz ta ferisiin gi saiyem? " ¹⁹ Yesuah kelim le homon, " Hal nas al fi iris be saiyem wa aris fii ma homon? ze ma aris lesa fii ma homon, homon ma be saiyem. ²⁰ Lakin ayam bi ja al bi shilu aris min homon, wa fi ayam de homon bi saiyem. ²¹ Mafi zol bi keitu geta ta gumas al jedid fi gumas al gedim. wa ila gumas al jedid de be seritu gumas al gedim de biga bi kun kusara kebiir. ²² Mafi zolbi kutu khamra al jedid fi kis ta khamra al gedim, wa ila al khumra bi faga au bi seritu kis de wa baga (biga) kusara bi kun itniin kusara wa kis, lakin, kutu khamra al jedid fi kis al jedid. ²³ Fi yom sebit Yesuah ruwa fi mahal zara ta dura, wa talamiz bituo bada gi gata baad min ras ta dura. ²⁴ Biga ferisiin kelim le howo, " Ainu le homon gi amulu hajat al ma ganuni fi yom al sebit?" ²⁵ Howo kelim le homon, " Hal intum ma agara an Daud zaman howo ka muhtaj wa jeyan- howo wa nas al kn ma howo- ²⁶ Kef howo kan ruwa fi bet ta Rabuna zaman Abiatar kan kahin al kebiir, wa akulu rekif al kan (mujud) gedam, al kan howo ma ganuni le ai zol ashan bi akulu ila kahin, wa howo wodi le nas al kan ma howo?" ²⁷ Yesuah kelim, " Yom al sebit de kan amulu le insaan, ma ".insaan le yom al sebit. ²⁸ Ashan keda, ibn al insaan howo Rabuna, wa hata le yom al sebit