¹ Tani mara howo bada derisu fi taraf bahar, wa nas ketiie lemu jambu howo,howo nutu fi juwa murkab al kan fi bahar, wa howo geni tehet fugu,nas kulu kan gi geni fi taraf bahar jambu murkab. ² Howo alimu homon hajat ketiir be amsila, wa fi talim tuo de yahu hajat al howo kelimu le homon. ³ asuma, Almuzari euwa ashan bi zara buzur tuo. ⁴ Ze ma howo gi zara baad min terab waga fi sika, wa teyur ja wa akulu. ⁵ Baad min terabwaga fi mahal ta hujar al mafi fugu turab ketiir, bi sura keda homon yabis, ashan homon ma indu turab ketiir. 6 ⁶ Lakin Zaman shemis tala, homon, yabis, ashan homon ma indu juzur, homon yabis. ⁷ Baad min terab waga fi shuk. shuk de raba wa kangu homon, wa homon ma weledu ayi dura. ⁸ Baad min terab waga fi mahal al kwes wa raba dura zaman gi tala howo raba kwes wahidiin tala teletiin marat wa wahidiin setiin wa taniin meya. ⁹ Biga howo kelimu, "le ayi zol al indu adana al gi asuma keli howo asuma!" ¹⁰ Zaman Yesuah biga baru, nas al gerib ma howo wa sawa ma talamiz asalu howo an amsila de. ¹¹ Howo kelim le homon, " Le intum arufu seiir ta malukut ta Allah.Lakin le nas al bara hinak ayi haja be amsila, ¹² Ashan iza kan homon ainu, naam homon bi ainu, lakin homon ma bi suf, wa kaman iza kan homon asuma, lakin homon ma bi fahimu, aw homon bi ja le Rabuna, wa Rabuna bi afii homon." ¹³ Biga howo kelimu le homon, " Intum ma gi fahimuamsila de? ¹⁴ Biga kef intum bi agder fahimu bagi amsila taniin de?" Al ¹⁵ muzari al gi zara terab tuo de, de zol al gi bashiru injil aw kelima. Terab al waga fi sika de, de nas al asuma kelima wa lakin shetan ja selu kelima min gelba tomon. ¹⁶ Terab al waga fi mahal ta hujar de; munu, de nas al kan homon asuma kelima be sura keda homon be istakbil be farah. ¹⁷ De nas al ma indu asas homon indu subur le zaman besit lakin iza kan taab wa mashakil ja be sababkelima homon bi waga. ¹⁸ Wa nas taniin de homon yahu al zaru fi shok homon asuma kelima, ¹⁹ Lakin humum ta duniya wa niya ta shukul ganiyan wa shahwat ta hajat taniin bi dakalu wa bi kanagu al kelima, wa ma weledu samar. ²⁰ Wa biga terab al zaru fi turab al kwes, de nas al asuma kelima wa istakbile wa homon yahu weledu teletiin wa wahid stiin wa tani meya. ²¹ Yesua kelim le homon, " hl inta bi agder jebu lamba fi juwa bet wa bi kutu tehet gufa aw tehet seriir? inta bi jebu lamba fi juwa bet wa bi kutu fi tarabiza ta lamba. ²² Mafi haja al bi agder dusu wa ma bi agder arufu, wa mafi seir al ma bi arufu. ²³ Iza ka ayi zol al indu adana al gi asuma, keli howo asuma!" ²⁴ Howo kelim le howo, " kutu bala fi haja al intum asuma, bi mezan al inta wozinu bi howo yahu bi wozinu le int, wa yahu bi zedu le inta. ²⁵ Ashan le kulu zol al indu, bi zedu le howo aktar, wa le kulu zol al ma indu, bi shelu min howo hata haja al kan howoindu." ²⁶ Wa kaman howo kelim, " Mulukut ta Allah geni ze zol zara terab fi turab. ²⁷ Wa howo gi num bilel wa bi gum be nahar wa terab de gi raba, wa howo ma bi arufu terab de raba kef. ²⁸ Ashan turab be nefsa tuo yahu gi tala samar: awel nabat yala awrak yala biga geme fi awrak. ²⁹ Wa kan howo anu samar tala, bi sura keda howo bi rasulu nas ashan zaman ta hasat ja kalas." ³⁰ Wa tani mara howo kelim," Mulukut ta Allah bi wosofu bi shunu, aw nina bi wosifu howo bi yatu misal? ³¹ Howo ze haba ta khardal, Iza, kan inta zara howo, howo yahu terab al sukir fi duniya. ³² Lakin, kan inta zara howo, howo bi raba wa bi tala akbar wa sejera fi juwa mahal zara, wa awrak tuo bi kun kubar wa teyur ta sma bi ja geni fi tehet dul tuo." ³³ Bi amsal ketir ze de kan howo gi kelim le homon, ashan kef homon bi agder fahimu, ³⁴ Wa howo kan ma keli le homon bi dun amsal, Lakin iza kan homon biga baru, howo gi bada asharahu le talamiz tuo ayi haja al kan howo kelim be amsal. ³⁵ Wa fi yom dak, fi mesa, howo kelim le homon, " Keli nina ruwa bi hinak ta bahar." ³⁶ Biga homon sebu nas al kutar de, homon shelu Yesua ma homon, Wa ze ma homon kan, fi sefina. wa fi sefinat taniin kan gi ruwa ma howo. ³⁷ Biga hawa ja shedid, wa amuwaj gi hezu sefina wa kan gerib moya bi mala fi juwa ta sefina de. ³⁸ Wa lakin yesuah kan gi num fi makada fi akiir ta sefina, homon guamu min num, " ya mu- alim, inta ma gi fekiri an nina, nina kalas gi ruwa mutu? " ³⁹ Howo gum fok, wa intehir hawa de, wa howo kelim le bahar, " keli yekun fi salam! kun hadi" biga al hawa de wogifu, wa biga kan fi hudu. ⁴⁰ Biga howo kelimu le homon, " leh intum gi kfu? hall intum lisa ma indu imaan?" ⁴¹ Homon kan kafu shedid wa homon kan kelimu le baad tomon, "?" Zol de munu, hata hawa wa bahar gi ihterim howo